#yuxu

my Xu Fu becomes more powerful with each Yu Mei-ren that surrounds her.

Axtarış və göz yaşları insanın öz həqiqətinin arxasınca axtarışda olduğu üçündür. Məxluqat aləmi ağıla yiyələndikdən sonra daima gözləri yol çəkir. Biri digərində gördüyü həqiqəti düşündükcə iztirab qəlbini bürüyür. Dünyanın ən alçaq insanları belə hətta başsız deyil. Hər kəsin arxasında söykənəcəyi, pərəstiş etdiyi varlıq dayanır.Əslində bütün insanlar həqiqi məqsəddən və haqq olan ən doğru yolun hansı olduğundan daim içlərində nigarandılar. Paxıl və simic olan təkəbbürlü şeytan insanların düşünməyindən lərzəyə gəlib məhv olan vücudunu gördükcə özünü bu cür ovudur ki, insanların beyninin bir küncündə dəlik açıb oradan pıçıltıları çoxaldır...

Dostlarımızdan biri danışır ki, bir vaxt var idi eyni günahı dəfələrlə edirdim. Hər günahı təkrar etdikcə tövbə də Allah nəsibi ilə edirdim. Hər dəfə günah sonrası iztirabla və əlimdən çıxan ruzi ibadət Allah nurunu görürdüm. Hər zaman bu günah girdabından xilas olmaq,nicat tapmaq eşqi ilə qovrulurdum. Allahın sonsuz nemətləri önündə bu həddi aşmaq və həyasızlıq məni özümdən alırdı, günü-gündən məhv olurdum. Beynimdə özümə nifrət hissi bəsləməyə başlamışdım -deyir. Bir dəfə yenə əsir kimi yenə eyni günahı təkrar etdim. Öz-özümə içimdə dedim ki, bu halətdə (günahı təkrar-təkrar edən insan qiyafəsində) kaş bir işarə gələrdi ki, bilərdim mənim halım kimin halına bənzəyir və ölsəm nə günlərə qalacağam. Yuxuya getdim və gördüm cəhənnəmdən bir səhnədir. Şeytanın birinə mənim haqqımda sual verib necə adam olduğumu digər şeytanlar xəbər alırlar. O da qayıdıb deyir ki, "Əşi narahat olmayın, öz itimizdir !" (Yəni tövbə edib möminlik etməyinə baxmayın, az keçməyəcək yenə günah etmək meylinə düşüb günah edəcək. İt kimi bizə sadiqdir, dönüb gələcək.) Dedi ki,-Yuxudan oyanıb daha o günaha qayıtmamaq şərtilə tövbə etdim ...

Gələcək və keçmiş öz əllərimizdədir. Kimsəyə uymaq və tənhalaşmaq əvəzinə həqiqətimizin kimliyimizin axtarışında olmalıyıq !

08.11.20