#working!

+

اسوأ العلاقات الرومانسية بالنسبة لك مع توضيح الاسباب

اح اح .. سؤال مقالي ذا

كم درجة على السؤال ؟

,

طبعاً باتكلم عن العلاقات الرومانسية اللي تأكد ان بينهم مشاعر حب , مو مجرد تشبيك ..

الأفضل بدون ترتيب :

آن \ جيلبرت

السبب : اسم آن لحاله يكفي 😌✨😎

ولو ان آن نشفت ريقنا الله ياخذ العدو .. وتلاعبت بدون قصد بذاك الولد .. بس حلالها بنيتي .. كل شيء منها حلو و مقبول 🥰😋

مين ما يحبهم هالاثنين تكفون ؟ 😩💘

علاقتهم كيف بدت وكيف انتهت..

التنافر الحلو بين شخصياتهم ..

لطافة و وداعة جيلبرت من جهة ..وقوة آن من جهة أخرى ..

الاثنين كلهم متربين مليون مرة ..وينقطون سناعة و دبرة و تربية مطاوعة > ماله شغل 🤣

+

أنا -سبق قلتها- أحب العلاقات الرومانسية اللي تبدأ من الولد .. مو من البنت .. أحب يكون الولد هو الملاحِق مو المُلاحَق .. > شفتوا اني مب ذكورية خخخخخخ

,

,

,

رين و شيمي

السبب : بالبداية ما كانوا يجذبوني .. خاصة انه مبين ان شيمي تحب النفسية يوكيو .. بس من هاللقطة بديت أستلطفهم بشكلللل😪🩵 .. حتى لما رفضت اعترافه .. الأمر مر بسلام وسريع سريع✨ ..بدون دراما وأفلام✨ .. ولحظة اكتشافها انها تحبه كانت قميلة أوي .. 😪🩵

وانحرق عليّ كم لقطة بالمانجا ..

فـ يب .. متحمسة للانمي عشانهم .. متى الموسم الجديد ياقوم ؟ قد طال الانتظار ؟ 😪💔

,

,

ساكورا و خويها ذا نسيت وشسمه... بس أتذكر انه سيو جورو الصغير > هذا اللي جيدة فيه🤨

السبب : لطيفين .. والولد هو اللي انجذب أول ..وكان لطيف جداً .. حتى أتذكر فيه لقطة بالفيلم اللي كان مُكمّل للانمي جددداً لطيفة .. هذي

افففف مرررة لطيفين 🩵

>كم مرة قلت لطيف

, , ,

سورا و ياماتو .. أو سمر و يامن برواية سبيستون ..

السبب : عشق المراهقة لحد يناقشني بالحب القديم .. قبل أكثر من 20 سنة وأنا عشق و هيام لثنائيتهم..🥺

كم عمري الحين ؟

الى الحين يفزّ قلبي إذا شفت رسمة مشتركة بينهم 😭😫

.

,

,

كوموجي \ميريوم

السبب : هذولا مو علاقة رومانسية وبس .. هذولا كتابة ... فلسفة على عمق على رمزيات على تويستات على دراما على دكدكة على ايش اللي بدك😫🩵 .. رغم ان أشكالهم ما تشجع خخخخخخ نملة و مخاطين خخخخخ حتى اني أول ماشفت شكل كوموجي قبل أتابع الآرك سبّيتها و انقرفت منها 😂

لما خلّصت الآرك ذلّوني ربع التمبلر على كلامي هههههههههه

بس إبداع توغاشي فيهم تجاوز الحدود و القارات🩵✨ .. وجابوا لي الاكتئاب لما ماتوا ومارحت للدوام ذاك اليوم🥲💔

, , ,

أهيرو\فاكيار

السبب : أنا بشكل عام أحب الثنائي اللي يفاجؤوني✨ .. يعني أكون غير متوقعة انهم بـ ينتهون مع بعض .. خاصة لما تبدأ العلاقة بمشاكل و مضارب 😋✨.. وهذا اللي كان بين هالاثنين .. كوحدة تابعت العمل وصفر حرق ..وصفر توقعات عالية .. كنت متوقعة بتكون عن قصة حب أهيرو بالأمير نسيت اسمه أبو شعر أبيض ..

ما توقعت أبد انه العلاقة بتكون بينها وبين فاكيار 🤯

وبرضو هنا عندنا , الولد هو اللي المعجب أولاً .. ولما نفكر ان الولد المعجب -فاكيار- شخصيته من نوعية الأولاد النفسيات اللي مسوين لي فيها .. تزيد الخقة أكثر 😍✨.. لانها تعطيه هالة ملح كبيرة جداً .. 😫🩵

☹️🩵

,

,

,

هاريما \ ايري

برضو نفس الكلام اللي قلته بـ فاكيار\أهيرو .. علاقة أبداً أبداً ما توقعتها ..وكانت أغلب المشاهد اللي بينهم ضرب وكوميديا .. وهاريما كان يحب البطلة -نسيت اسمها- .. فأبداً ما توقعت انه بيتشبك بالأخير بـ ايري 🤯

ورغم ان الطرف المعجب بالبداية هي البنت .. بس كانت خفيفة و مو ثقيلة على القلب أبددد .. 🩵

لقطات هالاثنين كانت أكثر شيء حلو بهالانمي ...☹️🩵

الحلو انهم أوسم و أجمل اثنين بالعمل .. رغم اني أحب التوازن في علاقات الشخصيات .. وانه كل واحد يكمّل النقص اللي بالثاني .. و ما يستحوذون على كل شيء بالانمي .. مثلاً يصيرون كلهم الأذكى بالعمل .. أو كلهم الأجمل … الخ

بس هالاثنين كان كمالهم جميل .. 🩵

يب هاريما جميل و وسيم .. بس جماله مختفي مع هالنظارة و ستايله العبيط

شوفوا الوسامة والطخامة☹️🩵

اسفي انهم ما كملوا المانجا لما تزوجوا و ما قدرت ألقى الحلقات الخاصة بصفاوة عالية و باقتباس جيد .. واللي كان فيها لقطات حلوة لهم .. 😞

, ,

سويتش \ موموكا

رغم اني كنت افضل ثنائية سويتش مع راعية الأشباح نسيت اسمها .. بس ستل لقطاته مع موموكا حلوة 🩵

السبب : مافيه سبب محدد .. بس ثنائيتهم جت خفيفة لطيفة .. بدون غثاء و خد متورد 24 ساعة و لحظات متوترة .. بس تحسين فجأة ان بينهم لقطات مشتركة كثير .. وان سويتش دايم يفزع لـ موموكا .. فيه شيء من داخل يقول انها لها مكانة عنده .. وهي اللي حبّته قبل .. وماتنلام .. صح انه رفضها بالبداية .. بس بعدين رجع لها .. ولو اني ما حبيت انه رجع لها سريع سريع كأنه ما رفضها قبل .. مدري عاد يمكن الأحداث لما أشوفها كاملة يتغير رأيي .. لاني شفت لمحات من المانجا مو كل التشابترات ..

,

,

فريرين \ هيميل

هذي التشبيكة جمعت ملاحَق الولد للبنت في غيبتن عنها .. وملاحَق البنت للولد في غيبتن عنه .. >لا عاد تشرحين

فـ بالبداية الولد كان هو العاشق .. والبنت مو مستوعبة .. و مو مقدرة اللحظات الثمينة اللي بينهم ..😪

ثم فجأة .. تستوعب ان حياة البشر قصيرة ! .. ليش ؟؟

لما مات هيميل 😪😭.. آآآخ 😭💔💔.. جيتوا عند نقطة ضعفي😭😭😭 .. اللي لامستها علاقة أوبيتو و كاكاشي 😭😭😭..

التحسر على شيء من الماضي ماعطيته حقه من التقدير و الاهتمام .. 😫💔

التحسر على شيء جميل .. كان يستحق منك الالتفات ..الانتباه .. 😩💔

المشاعر المتفجرة ولا شيء آخر ..😭😩🩵🩵

رغم انه مات و انتهى .. بس مشاعر الحب اللي بينهم تتولد كل حلقة ..😩😭

علاقة جميلة أخّاذة تخليك تنتظر اللقاء الأخير اللي بينهم .. حتى وان كان يخالف المنطق😭

,

,

,

ساتو \ يوشيرو

لما الولد الهادئ الثقيل المثالي اللي كل صفات الكمال فيه خاق ومتخرفن معك .. لدرجة يسمع سواليفك المملة المكررة الطويلة اللي كلن يهرب منها 😪.. وأنتِ مفهية مو راضية تستوعبين ..

ولما استوعبتِ .. بفعل فاعل ..

ههههههههههههههههههههههههههههههههههههههههههه

صارت اللحظات اللي بينهم متوترة والبنت مو قادرة تتصرف زين من الإحراج و التوتر .. إلين الولد غيّر السالفة -ناسيه كيف- فـ رجعت معه طبيعية ..

فالولد أساساً مايبيها تستوعب مشاعره بفعل فاعل

😂😭.

انما هي من نفسها و بدون فجيعة .. لانها ماراح تكون طبيعية معه ..

يمكن طريقة سردي لعلاقتهم تحسسك انها عادية و تقهر . بس لا لا .. حلوين ولطيفين جداً ☹️🩵.. وانتهى الانمي باعتراف رسمي بينهم .. وكان مشهد جميل جداً😪🩵

,

,

ماحطيت علاقة سيشومارو\رين رغم حبي لها لان ماشفت لهم شيء بالانمي .. تمنيت لو انهم تعمقوا أكثر بعلاقتهم وكيف سيشومارو فهم مشاعر الحب كما فهم مشاعر الرحمة لما ماتت كاغرا و الشفقة لما تحوّل انوياشا و الحزن لما ماتت رين .. وغيرها من المشاعر اللي ماكان يستوعبها .. فالمفروض يتوضح لنا كيف فهم شعور الحب.. وكيف فكّر انه يختار رين للحب .. 😞

برضو علاقة بوسون\هيميكو .. رغم تفضيلي لـ ثنائية كاتو\هيميكو أكثر ..بس مايمنع ان ذولي حلوين بعد 🩵.. أصلاً أي علاقة تدخل فيها هيميكو تكون حلوة☹️🩵 .. بس لان الانمي انتهى بدون أي تشبيكة رسمية بينهم زي سويتش وموموكا مثلاً فـ ما أعتبرهم ثنائي رومانسي ..

+

علاقة شيكا\تيماري .. أحب ثنائيتهم .. الأفضل في ناروتو 🩵.. بس كعلاقة رومانسية ماشفت منهم شيء .. طبعاً ماشفت الآرك الفلري الأخير حقهم .. 🥱

,

,

,

أسوأ العلاقات الرومانسية ..

طبعاً مستحيل أنسى أسوأ و أزبل و أقبح علاقة في الوجود البشري :

ثنائي النكد اللي بـ باكومان😷

السبب : يكفي ان أحد الطرفين سيد نكد .. فهو من أسوأ الشخصيات اللي مرت علي بعالم الانمي .. ومن توب أسوأ أبطال ..

علاقة غبية.. مدري وش تبي .. فيلم هندي مصطنع ..

راح اعترف لها بباب بيتهم .. وقبلت اعترافه على طول !😐

و صار بينهم وعد .. مايواعدها لموعد او يتزوجون -ناسيه- إلين كل واحد منهم يحقق حلمه ..

ووحدة من المرات حس انه مطوّل ع تحقيق الحلم هههههه و كتب لها رسالة بالفصل > عليك مكان😐 .. وش رايك بس نكون مرنين شوي و نحقق حلمنا وحنا حبايب وكذا .. بلاها هالانتظار > ناسية تفاصيل الكلام ..

.. وقعدت تتبكبك ع الصامت .. ليش تطلب قبل تحقق الوعد ؟؟

مدري يعني أطرش على طريقة الرفض ؟ والا فكرة الرفض والا فكرة علاقتكم كلها ؟؟😑

أنا كرهت الانمي كله بسبب أمور معينة .. وعلاقة هالاثنين من أبرزها

,

,

ايتشيغو \ اوريهيمي 😷

السبب : هو فيه سبب عشان تحبهم أصلاً ؟؟

مافيه أي كيمياء بينهم أبد .. 🙅‍♀️

والمشاعر كلها بالبداية من طرف البقرة .. بينما ايتشيغو يعاملها معاملة واحد من العيال 😅... مشاعره لـ روكيا كانت أقوى ..

وطبعاً لاني كنت داعمة لـ تشبيكة روكيا\اتشيغيو .. كان من اسباب كرهي لهم

,

,

ديكو \ أوراراكا

السبب : تخيلوا .. وحدة مشرقة لطيفة مبتسمة دوماً .. تنعش الناس بكلامها .. والولد ماكل تبن بطفولته و محد يعطيه وجه .. ولما دخل المدرسة .. أول من شجعه كانت هالبنت ..

مين المفروض اللي يحب ويهيم و يعشق ؟؟

الولد ؟

لا كوهي عنده كلام ثاني .. ☺️

البنت .. 😊

ومو بس حب و انجذاب عادي ..

لااااا ..

حبت و هامت بالعشق عليه وصارت تتأمله بخرفنة وهو يتدرب ويبذل جهده😷 !!!! .. وتمحورت شخصيتها كلها بالكامل عنه و عن الحب !!!!!

و زود عليها يقحمها المؤلف بالغصصصصصب إلا شخصية مهمة ومحورية بالعمل .. وكل مشاهدها بيض و حوارات طفولية😴 .. وتتبكبك عنده لانها ما قابلت توغا وهم أطفال , كان ما صارت شريرة وكانوا صديقات 😕.. ايه وأنا بابكي لاني ما قابلت نتنياهو وهو صغير .. كان ما ذبّح المسلمين .. والحين هو مدرس اسلامية بمدرسة التحفيظ اللي جنب بيت اختي ..وخروا باصيح 😪.. مرة مؤثر .. 🙄

أقسم بالله يدورون لها الأهمية والتركيز من لا شيء .. تطب فوق العمارة وتلقي خطبة للناس .. ويقتنعون بكلامها ويصيحون اهئ اهئ .. خلاص أنقذت الأبطال ! وتاخذ الأتنشن كله !!!! لو خليتها بمكان أيدا و هي اللي تمسك يد ديكو أصرف ..

بس لا .. إلا أصنع لها أهمية كبرى و تركيز من العدم .. وتصير هي المنقذة وتستحوذ على الأجواء ويجي ديكو يشكرها هي من بد كل الفصل !!!.. واللي قاد فرقة الانقاذ و عرف مكان ديكو و أعاده للحياة من جديد .. ينسحب على سابع جده .. ولا كأنه سوى شيء !! 🙃

ويوم جاء بيقول لها كلمة رومانسية .. وش طلع منه ؟؟

أنتِ بطلتي ..

يعني لا حوارات صح .. ولا لقطات صح .. ولا كلمات غزل حتى …

بطلتي أجل؟؟

واللي مليون مرة أنقذك وبغى يموت عشانك ليش ما قلت له أنت بطلي ..؟ أو حتى كلمة شكر الله ياخذك ؟

والا اوه .. عشانه تنمر عليه قبل .. خلاص ما يُشكَر على أي فعل جيد يسويه .. حتى لو كان على حساب حياته .. بيبقى حبيس التنمر اللي سواه وهو طفل ما يفقه إلين يموت ... > ترى كذا عقلية كثير من فانز هالانمي😅 ..يبون الشخص ملاك ومايخطئ ..

واللي تستغربين منه .. تشوفين أغلبهم مبسوطين على الثنائي ولقطاتهم اللي أضافها المؤلف , ليش ؟

عشان حقون التشبيكات ينقهرون ..😕

مرّت عليّ أكثر من تغريدة وتقول نفس الجملة .. !!!

مدري أنتم تتابعون عشان تستمتعون والا عشان تصفون حساباتكم مع أحد ؟

وش دخلكم بحقون التشبيكات ..؟؟ عساهم بحريقة ..

ماتشوفون العفن بلقطاتهم اللي المفروض ينحط مكانها لقطات أصرف و أحلى وأمتع ؟

ماتشوفون الإقحام اللي ماله سنع ؟

ماتشوفون ان نص الشخصيات انسحب عليها و ما انعطت حقها عشان لقطات هالاثنين ؟؟

بالله أوراراكا و ديكو أحسن من ثنائية كاميناري و جيرو .. والا كيريشيما و أشيدو.. والا شوتو و مومو ؟؟؟

هذولا ليش انسحب عليهم تماماً ؟؟؟

ما انتم ملاحظين ان المؤلف طفّشنا ببطله بزيادة ؟؟؟ ويصنع الأهمية لـ أوراراكا من العدم ؟؟

للمرة المليون أقول عجزت أفهم فانز هالانمي 🤦‍♀️.. بس أتوقع السبب هو ان أغلبهم صغار بالعمر .. لانه شونني درجة أولى .. مو مثل كثير من انيميات الجيل الجديد

من الأمور اللي مو محمستني للحلقة الإضافية بـ بنها انها عن هالاثنين .. بالله وين المتعة هنا ؟

, , ,

تاكاناشي \ إينامي

اااه .. لو أتكلم عن سخافة و غباء هالثنائي ماراح أخلص .. 🥱

فكرته ان البنت عندها عقدة من الرجال .. واي رجال تقابله بحياتها تضربه وتصبخه بالجدار .. وهالولد إلا مسكت معه يحل لها مشكلتها😕😑 .. الله الله ع المشكلة العظيمة🙃 ..وياما انجلد وانصفق بالجدار ويا لبس ملابس نساء عشان ما تجيها العقدة🙂 .. اففف أقول لكم سخافة و غباء .. 😣

اللي يقهر ان الانمي فيه ثنائيات لطيفة .. بس التركيز كله على سالفة هالاثنين السخيفة ..لانه البطل 🙂

الزين انه بالمواسم الثانية ماعاد صار عليهم تركيز زي أول .. لان المشكلة خفّت عن البنت وصارت تتقبل الرجال ..

,

,

,

الخياس ذولا😷

أنا ما أدري إذا حصل بينهم رومانس بنهاية المانجا .. بس مايمنع انهم من أقرف التشبيكات اللي مرت عليّ ..😷🤢🤮

المؤلفة شكل ودها تكتب علاقة ياوي .. بس مستحية .. فـ راحت جابت لنا علاقة بين بنت مسترجلة لا تعرف طريق للأنوثة ..وبنات المدرسة خاقين معها كالأمير ... بينما الولد تسوندريه عصبي قصير .. ويجلدها .. وشغل كاتشان مع ديكو ..😷😷

وع وع ووع > أبد رياكشن البنت ذيك يمثلني

,

,

,

زوكو \ماي

من أخيس الثنائيات الرومانسية اللي مرّت علي .. مملة 😴.. بيسك 😴.. تحس كأنك تشوف جدك وجدتك جالسين قدامك يتقهوون 🫩..

بالله زوكو الأمير الجميل اللي قصته مكتوبة بماء الذهب ينتهي مع الكومبارس ذي 🥲؟؟

وزاد كرهي لهم اني كنت أبغاه مع كتارا .. 😩💔

اللي يقهر ان الكُتّاب نفسهم كانت نيّتهم انه مع كتارا برضو .. وتشابه خطوط قصصهم تقول كذا .. بس المخرج الكلب قال لا .. عشان البطل والبطلة ينتهون مع بعض .. الله يقلعه ..حرمني من ثنائية جميلة جداً .. حتى كتارا ظلمها لما أنهاها مع البزر ذاك..

ملاحظة هامة :

>مانيب أسخر من الأجداد.. بس لان أغلب القديمين زواجاتهم تقليدية ومافيها لقاءات مسبقة و صارت بدون حب يسبق .. ماينفع تسوي عليها قصة أو فيلم .. فرق بين الواقع و الحكاية .. والا الله يغفر لجدي وجدتي .. ياحبي لهم🩵 .. كان جنتل معها وحنون مع بناته حبيبي هو 🥺.. تقول أمي مرة تسببت بمشكلة بينهم بدون قصد ..فتعكرت الأجواء بينهم .. وما كان بالبيت الا هم الثلاثة .. بعدين تراضوا و أمي نايمة .. ولما تجمعوا يتعشون .. حضن جدتي قدام أمي عشان ما تتضايق وتعرف انهم متصافين الحين🥺 .. اففف بكيت 😞🩵.. الله يرحمهم .. أنا وش وصّلني هنا 😑💔؟

,

,

وبس والله