This post is dedicated to all the dubistas who never failed to show their support to our favorite band, Urbandub.

The giant sound of the south. Hindi lahat ng mga banda galing probinsya ay pinapalad na sumikat. Pero gayunpaman, kilala na ngayon ang Urbandub. Sumikat sila dahil sa kantang First of Summer. Inaamin ko naman kaya ko lang naman sila nagustuhan dahil sa kantang yon. Kumbaga, hindi ko talaga sila naumpisahan ang istorya ng kanilang banda. Pero simula noon, talagang na-appreciate ko na talaga ang kanilang musika.

Sa ngayon, may limang albums ang Urbandub:

• Birth (2001)

Ito ang pinaka-unang album nila. Sa album na to, wala pa silang record label. Kumbaga, independent pa sila. Dito mo maririnig ang mga kantang come, give, at 2 things. Yung give talaga ang nagustuhan ko sa album nila.

• Influence (2003) 

Pumasok na dito si JanJan Mendoza, ang kasalukuyang drummer nila. Ilan sa mga kantang maririnig sa album na to ay Soul Searching, Gone, Sailing, at A New Tattoo. Sa album nilang yan, paborito ko ang A New Tattoo. Ewan ko lang. Nagagandahan ako sa lyrics eh. "I'll bleed for you like a new tattoo. In my heart you'll stay, permanent."

• Embrace (2005)

Dito na matatagpuan ang kantang nagpasikat sa kanila. Ang First of Summer. Naaalala ko pa nung unang beses kong nakita yung music video nito. Medyo payat pa nun si Gab. Tapos may buhok pa. Panalo talaga yung kanta! Tapos isama mo pa yung Endless, a Silent Whisper, Alert the Armory, at Frailty. "When all of the world says we won't make it through, we'll battle the world". Pamatay na linya ng Frailty yan. 

• Under Southern Lights (2007)

Pagkatapos ng dalawang taon, inilabas na ng Urbandub ang kanilang ika-apat ng album. Ito yung pinaka-paborito kong album sa kanila. Dito mo talaga mararamdaman ang emosyon ng isang kanta. Mga kanta tulad ng Evidence, Guillotine, Anthem, at The Fight is Over. Naaalala niyo pa ba yung music video ng Evidence? Galing no! Ito na ata ang may pinaka-emosyonal na kanta. "It kills me inside to tink of his arms wrapped around you now, is he a better lover than I?"

• The Apparition (2009)

Dito natin mapapansin na medyo nag-iba na ang tunog ng Urbandub. Hindi na siya tulad ng mga nakaraang album. Sabi nga ni sir Gab, hindi naman daw kasi lahat nakaka-relate sa kanilang buhay. Kung pakikinggan niyo yung itong album nila, kumbaga eh mas "rock" yung dating. Pero kahit ganon, nagustuhan pa rin ito ng mga fans ng Urbandub. Iba-iba rin ang pinaparating nilang mensahe sa bawat kanta. Tulad ng Stars & the Sun na tungkol sa mga pulitika, at A Call to Arms na tungkol sa hindi pagsuko. Ayon nga sa kantang ito "Good things are better taken in, the less you notice." Kaya dapat matuto tayong magpakumbaba. 

Bakit nga ba natin nagugustuhan ang isang banda? Siguro isa na sa mga dahilan diyan ay ang paraan ng kanilang pagsusulat ng kanta. Nakakarelate tayo sa mga sinasabi nila. Nararamdaman natin ang nararamdaman nila. At sa pamamagitan ng kanilang musika, naipapamahagi nila ang kanilang talento sa mga taga-pakinig. At sa tulong na rin ng kanilang mga music video, mas lalo nating nakikita ang istorya sa likod ng bawat kanta. 

Marami nang pinagdaanan ang Urbandub bilang banda. Mabuti man ito o masama. Pero hindi nila mararating ang kinatatayuan nila ngayon kung hindi dahil dito. Dahil sa mga pagsubok na yun, mas lalo silang naging matatag. At siyempre, hindi  rin mabubuhay ang Urbandub kung wala ang mga fans nila, tayo. Tayo ang nagbibigay ng suporta sa kanila. kaya dapat bumili tayo ng kanilang mga original na album. Bumoto rin tayo!

Nagpapasalamat talaga ako sa Urbandub dahil naipamahagi nila ang kanilang musika sa atin. Sana ay magtuloy-tuloy pa ang pagsikat nila at mas lalo pa silang gumaling. 

Maraming salamat sa inyo mga kapwa dubista!

Sources: 

http://en.wikipedia.org/wiki/Urbandub