#tukayo

You came into my life like an earthquake. Walang sabi-sabi sa pagdating at basta basta na lang nagparamdam ng yanig sa puso ko. Everything was so unexpected. I treated you like a brother and you treated me like a sister, or not? We’re so close na para talagang magkapatid. We both like Big Hero 6 and Baymax. I have a baymax keychain and you have that baymax pouch. We got the same lip balm kasi parehong nagddry ang lips natin. Parang magkakilala na tayo dati pa dahil sobrang close natin. 

Suddenly, naramdaman kong medyo nag iiba na tayo. Not in a negative way pero ibang iba talaga. Kung nung una nagkukulitan lang tayo na parang magkapatid bigla tayong nagtransform na para bang may kung anong meron sa gitna nating dalawa. Hindi ko maipaliwanag kung ano pero nasiyahan talagaako sa pinaparamdam mo sakin. Unfortunately, doon na ko nagsimulang mahulog sayo. Hindi ko sinasadya pero sinubukan ko naman na pigilan yung nararamdaman ko at wala akong nagawa. Para mo akong hinihila pababa at ayaw mo akong paahunin sa isang malalim na bangin na wala akong kasiguraduhan kung saan ako babagsak. Hindi ko alam kung masasalo mo ba ako, hahayaan mo akong mabasag at mamatay sa sakit o maiiwan sa ere at maghihintay na may sumalo sa ginawa mong pagtulak sakin. Patuloy mo akong binababa hanggang sa halos hindi na ko makaahon. Hinihintay kong ahunin ako pero di ka dumating. 

Hinayaan kita sa lahat ng ginagawa mo. Pareho lang naman tayong nakikinabang sa ginagawa mo pero nakalimutan kong hindi nga lang pala ako. May iba pa nga pala. Hindi ko naisip na nasasaktan ko din sila kapag nilalapitan kita o nilalapitan mo ko. Masyado akong nalunod sa kaisipang ako lang. 

Sa bawat hilig ng ulo mo sa balikat ko, paghawak mo sa kamay ko, pag alalay mo, pagyakap mo at pagtingin sa mga mata ko habang kumakanta tayo ay nakatatak sa memorya ko. Hindi ko makakalimutan. Parang sa movie na “Inside Out”, sa long term memory ko lahat nakalagay ang lahat ng iyon. ‘Di basta basta makakalimutan at hindi basta basta mawawala kasi iniingatan ko. Isama na natin yung mga pagtawag mo sa tuwing di tayo magkasama, pagtatanong mo kung nasaan ako at kung kumain na ba ako, pagpapaalam mo na para bang ayaw mo kong iwanan kita kapag naka alis ka na. Walang dull moment kapag kasama kita kasi hindi ka nauubusan ng kwento. Yung pamuyod ko pa ang gamit mo na pantali sa buhok mo kapag naglalaro ka ng basketball. Hindi mo naman nagagawa yung mga ganon na bagay sa ibang kaibigan nating babae pero close mo din sila. Napagkamalan pa nga akong nililigawan mo kasi kung kumilos tayo parang meron talagang something. Yungmga tao sa paligid natin kinikilig kapag may ginagawa kang sweet pero nagbago ang lahat nung dumating SIYA.

Ka-org natin siya. Kabatch ko pa nga at mabilis kong naka close. Sweet siya sa mga kaibigan niya pati na rin sakin. Di kayo close pero dahil friendly ka kinaibigan mo siya at sinali sa grupo natin. May boyfriend siya at isa din nating ka-org pero last week nakipag break si guy sa kanya at ikaw bilang mabait na kaibigan, inalo mo siya at ayos lang sakin yun. Sino nga ba naman ako para pigilan ka sa pagtulong sa kanya pero patagal ng patagal feeling ko nilalayo ka niya sakin.

Dumating yung araw na hati na yung oras mo pero di ko naman kayang mag demand sayo ng oras dahil kaibigan mo lang din naman ako. Hindi siya maayos physically and emotionally so alam kong kailangan ka niya pero bakit ikaw pa? Di ba pwedeng iba na lang? Marami naman siyang pwedeng mahingan ng tulong pero ikaw pa rin yung napili niya at naalala ko ulit na hindi nga pala kita pwedeng ipagdamot. 

Nagdinner tayo. Hindi kasama yung ibang barkada pero kasama siya. Bad mood na bad mood ako nung araw na ‘yon kasi tangina ako nanuod ng game mo tapos siya lang din naman pala makakasama mo after ‘non kaya tumambay na lang ako sa conference room kasama yung ibang ka-org natin. Nalaman ko na sinugod pala siya sa clinic dahil nag hyper ventilate siya at sinundo mo pa siya sa clinic bago dumirecho sa conference room. Dala mo yung bag niya pati yung ibang gamit. Punyeta. Nakaka-irita yon pero sinubukan kong intindihin kasi alam kong hindi siya okay. Hindi kita malapitan at matabihan kasi inaalalayan mo siya at baka mairita ka lang sakin. Di na langkita pinansin kahit gustong gusto na kita batiin at yakapin kasi nanalo yung team niyo. Papalabas na tayo ng school at kayo pa rin yung magkatabi habangako nasa pinaka likod at mag isang naglalakad kasi wala akong makasabay dahil odd number tayo. Nakayuko lang ako, gustong gusto kong ilayo ka sa kanya pero di ko magawa. Wala akong magawa. Nagulat na lamang ako nung bigla mong inangat ang ulo ko at tinanong kung okay lang ako. Gusto kong sabihin na “Hindi. Hindi ako okay kasi nagseselos ako.” pero di ko na naman magawa kaya ang sabi mo ngumiti ako kaya ngumiti naman ako kaso pilit. Pinasok mo ang kamay ko sa nakapamewang mong braso at saka sabay tayo naglakad. Medyo umayos ang pakiramdam ko dahil sa wakas ay nakaramdamka at ikaw na mismo ang may gusto na sumabay sakin sa paglakad kaso paglabas ntin ng campus ang lakas ng ulan. Kayong dalawa ang naghati sa isang payong at inaalalayan mo siya. Ako naman nakihati sa iba. Akala ko sakin ka pa rin sasabay pero siguro naalala mong hindi nga pala siya okay. Basang basa ako ng ulan at todo punas sa sarili ko samantalang ikaw, siya yung inaalala mo kasi baka kung anong mangyari sa kanya. Iniintindi ko na lang kasi no choice naman ako di ba?

Umiyak ako buong gabi dahil lang ‘don pati na rin nung sumunod na umaga. Sabi ko sa sarili ko na iiwasan muna kita. Habang kumakain ako ng tanghalian tinawagan mo ko at tinanong kung nasaan ako kaya sinagot kita tapos sabi mopumunta ako sa CSO room kasi nandun ka kaya medyo nagmadali ako kumain. Hindi kita matiis e. Ikaw kasi yung kahinaan at lakas ko. Pagpunta ko ng CSO room wala ka na kaya tinanong ko sa iba kung nasan ka at ang sabi nila kumain ka daw sa labas at siya ang kasama mo. Nakakapanlumo yun para sakin. Nageffort ako magmadali para lang mapuntahan ka tapos malalaman ko na kumakain ka pala sa labas kasama siya? Ang tanga ko at ang gago mo. 

I needed a good cry that time pero wala na talagang lumalabas na luha sa mata ko kasi pagod na ata yung tear glands ko kakaiyak. I was talking with my bestfriends sa may corridor ng 6th floor at bigla kayong dumating. Sabay talaga kayong lumabas ng elevator. Di kita pinansin kaya di mo rin ako pinansin. Siguro inaasahan mo talaga na nandun ako. Nanatili lang ako sa labas ng CSO room kasama ang mga kaibigan ko. Ayokong pumasok sa loob dahil pakiramdam ko ang hindi ako makakahinga dahil nandun din kayong dalawa. Saktong dumating yung isang kaibigan natin na nakatampuhan mo at nakiusap siya sakin na tawagin ka para makapagbati na kayo at ganun nga ang ginawa ko.

Lumayo ako at ang mga kaibigan ko para makapag usap kayo ng kaibigan natin ng maayos at natuwa ako dahil napkapag bati na kayo at tinawag mo ko at niyakap. Namiss ko yun kasi feeling ko antagal nating di nagkita. Pagkatapos mo kong yakapin ay hinawakan mo naman ang kamay ko at pinaglaruan. Ayan. Kaya tayo napagkakamalan na may something kasi kung anu-anong ginagawa mo sakin. Hinayaan kita kasi sanay naman ako at hindi rin talaga kita natiis.

Sobrang saya ko nung araw na ‘yon kasi buong araw nasa akin lang yung atensyon mo dahil ako yung kasama mo at wala siya dahil may ginagawa. Nagawa mo pang itirintas ang buhok ko at ihatid ako papunta sa sasakyan namin bago kayo umalis ng kaibigan natin.

Ano na bang nangyari ngayon? Iwas na iwas na ko sayo. Ayoko na. Nakakapagod pala yung ganito. Na ang dami na palang nasasaktan sa paligid natin nang hindi ko man lang nalalaman. She won. Hanggang dito na lang ako.Sobra na yung nakita ko. You sleeping , your head on her lap while you’re holding her hand like you don’t wanna let go. Tama na yun. Sasaktan ko lang yung sarili ko kung ipagpapatuloy ko pa. Ako yung nauna pero siya yung pinili mo. Okay. Tanggap na tanggap ko na pero wag ka sana mag expect na magiging okay tayong dalawa. Gustong gustong gusto kasi kita pero wala naman akong magagawa kaya sa kanya ka na lang kasi sa kanya ka naman mas sumasaya.

Thanks for the memories. Babaunin ko yun hanggang sa pag tanda ko kasi sobrang swerte ko na kahit ilang linggo lang naparamdam mo na special ako. Hindi ko talaga makakalimutan lahat ‘yon. Maybe this is really a ‘beautiful goodbye’ para satin. I’m letting you go kahit hindi ka naman nakakapit sakin simula pa lang. It was indeed a good ride with you pero ako nanatiling nasa taas and still hanging pero alam ko naman na may magbababa sakin and it’s not you.

I hope na hindi na talaga tayo magkakalapit katulad noon. I’m reserving myselfsa taong alam kong ako ang magiging priority at hindi choice and option lang. Make her feel special and please remember the 3 months rule kasi baka masira pa image niyo pareho nakakahiya naman sa ex niya di ba? This is it. I’m shutting you out of my system. I’m tired. I’m done with this kind of situation. I’m done with you. We faded.

Bye.

Never been yours,

Hindi tayo. Walang tayo. Ikaw at ako lang meron pero sa tingin ng iba may “tayo”, “kayo” o ”kami” pero wala naman talagang ganun. 

Ikaw at ako.

Nakikisakay lang ako sa gusto mo. Hinahawakan mo ko na para bang bibitaw ako sayo ano mang oras. Inaalalayan mo ko na para bang may mangyayari saking masama. Niyayakap mo ko na para bang ayaw mo akong mawala. Tinitignan mo ko na para bang mawawala ako sa paningin mo kapag kumurap ka.

Walang “tayo.”

Habang tinutugtog mo ang gitara, ako ang kumakanta. Minsan nakikisabay ka at kakanta tayong dalawa. Titignan mo ako sa mata na parang hinahalughog mo ang aking kaluluwa.

Napagkamalan pa ng ibang tao na nililigawan mo ko. Sana nga mangyari kaso alam kong imposible.

Hindi ko rin alam.

Kumain tayo ng hapunan kasama ang mga kaibigan natin kaso kailangan ko umuwi ng maaga. Sabi ko sayo, “Aalis na ko” pero sinagot mo ko ng “babalik ka pa ba?” habang titig na titig sa aking mga mata at doon ako walang naisagot.

Kung babalik ba ako ay may babalikan pa ba? Nandun ka pa rin ba para saluhin ako? Kung aalis ba ako ay mahihintay mo ang pagbalik ko?

Mahirap.

Ayokong makaramdam ng selos pero sa tuwing kailangan ka niya nararamdaman kong nakakalimutan mo ako. Parang ninanakaw ka niya sakin pero hindi naman kita pag mamay-ari. Selos na ba ang tawag ‘don? Pagdating sa iba gusto kitang ipagdamot pero naalala kong hindi ka nga pala akin. Wala akong magawa.

Ano nga bang meron? Ang gulo-gulo. Nakakahilo, nakakabaliw, nakakafrustate mag isip ng mga bagay na walang kasiguraduhan.