#tsismosa

So yeah, it has been raining most of the days here kaya ang tendency, hindi na ako masundo ng jowa ko dito sa bahay ng naka-motor. Madalas niya akong sunduin these past few days dahil sa traffic gawa ng ginagawa ang daan dito sa may samen. Kung mag-co-commute ako, probably dapat mga 10AM gising na ako pero 2PM palang ang shift ko. Ganun kalala yung traffic. So para mas mapadali, sinusundo niya ako dito ng naka-motor. Mas madali kasing sumingit sa mga sasakyan kapagka ganun. Since madalas nakong sunduin ng jowa ko, pinag-uusapan na kami ng kapitbahay. I didn't mind actually. Kasi ano ba naman paki ko kung pag-tsismisan nila ako? Ang importante hindi ako ma-late sa trabaho. Hindi naman sila yung makakaltasan ng sahod kapag sila inisip ko, diba? But then, since maulan na nga, kinakailangan kong magkita nalang kami ni jowa halfway ng daan. So magko-commute ako hanggang makalampas sa may traffic. Heto na nga. Holiday ata nun e, although hindi ko na ma-recall anong holiday yun, inutusan ako ni mama na isauli yung mga bote ng softdrinks sa kapitbahay tutal palabas narin naman ako para pumasok ng work. Hindi ako susunduin ng jowa ko nun sa bahay dahil nasa bahay si mama, issue parin kasi sakanya yung pag-angkas ng motor kahit ginagawa naman niya, at nagsisimula ng dumilim. Baka umulan narin naman anytime. So, hinatid ko muna yung mga bote. Palapit pa lang ako sa may tindahan, nakita ko na yung tindera sa may labas. Ibinababa niya yung parang shade sa tindahan para di mainit. Nakita niya ako, sabay sabing "Aba! Wala ata sundo mo? Hindi ba sinusundo ka na ng boyfriend mo?" I didn't mind. Totoo naman. Pero wala rin naman akong balak mag-kwento pa sakanya. Isa-sauli ko lang naman yung mga bote. So nginitian ko lang siya, saka sinabing "Tita, isasauli ko na po yung mga bote. Thank you po." Sumagot naman siya at sinabing iwan ko nalang dun sa may labas, siya nalang daw ang magpapasok. Hindi pa nakuntento, tinanong pa ako, "Wala ata yung sundo mo?" Ayaw ko ng pag-usapan pa, so sabi ko "Tita, alis na po ako." Hindi pa ata naka-intindi, humirit pa. "Oo, mukhang wala yung sundo mo e. Hindi ba may sundo ka naman?" Iniwan ko nalang siya dun at hindi na nilingunan.