#td17

الناس إللي يعيشوا حولنا ومعانا سواء في النت أو الواقع وما يصيروا بعد فترة يعلقوا على أنماط يلاحظونها في تصرفاتنا وما نختار أو لا نختار الاهتمام به يستاهلوا تقدير هائل

أحتاج طبطبة وتطمين وأكل لذيذ وبحر وهدوء شديد

ليلة سعيدة اليوم كمان ، ممتنة للشخص إللي كلمته كلام طويل ، أو هو كلمني بالأصح ، كنت أقرف من أي محادثة طويلة مع أي أحد ، وهذا النوع من المحادثات مهو محادثة طويلة بالمعنى الذي يوحي أن الهدف من المحادثة هو فقط المحادثة ولو استدعى ذلك مشاركة تفاهات وسخرية ، وصح أن الهدف -من جهتي- في الكم يوم السابقة كان فعلا بس المحادثة بس المحادثة نفسها مفيدة أو تشبه الفن لما فيها من حكايا عن الشخص ، بس كلام طويل لطيف يخليني في نهايته أقول ياللجمال أبغى كلام طويل كهذا كمان ، كأني أشوف في الكلام نفسه طبطبة ، والكلام قد يكون عن جغرافيا ، مو مهم ، والحقيقة إنه الكلام مع ناس عشوائيين تقريبا زي قراءة الكتب ، الكتب إللي أحبها عالأقل ، لولا الخوف من الثقل والتعلق كان مرة حبيت بدء محادثات عشوائية طويلة أكثر مما أفعل دحين، وقصدي تعلقهم مو تعلقي ههه ، خيار اليوم ما كان عشوائي ، ومرة أقدر وجود أشخاص كهؤلاء حولي ، ناس يظهرون تسامح هائل ولغتهم لطيفة فيها تودد خفيف ويوحون بذكاء وما يخوفوا خوف ال " ماذا بعد هذا " ، في يوم كهذا نفسي فيه أهرب من السوشال ميديا للأبد يضحك أعتمد عالسوشال ميديا -ناس وصلت لهم به- للطبطبة على نفسي ، ويحزن .

اليوم ما رحت الجامعة لأسباب نفسية ومرة ما كان يوم عادي السحب فيه كان يوم مهم لحد بعيد بس أتوقع كان العالم فاقد لمعناه لدرجة أني لم أهتم حتى لو انطردت ، يومين كمان أسوي دي الحركة حأنطرد من جد ، أدويتي مخلصة وراسي مصدع وكل جسمي يعورني وحولي بشر مزعجون وإزعاجهم لحد كبير سببه أن مزاجي سيء ، أقدر أضحي بكليتي عشان بس لا أضطر أطلع من الغرفة وأعيش احتمالية مقابلة البنات ، حاقدة على كل الناس وقرفانة من كل الناس ونفسي أحذف حساباتي وأهرب لأبعد مكان ، وتعبت وأنا من أمس بأستنى يختفي الشعور ويخلص بس علق الدماغ الخرا خلاص هذا الوضع الطبيعي والمزاج الهادئ استثناء السؤال هو إلى متى ، حأحاول أروح للدكتور في أقرب وقت ، ودحين حأحاول أنام ؟ مدري

أحب جانبي الجنسي مرة ، أقيمه ١٠/١٠ قمة الصدق والحقيقية والقبول والراحة ، حتى كل ما في الأمر من عدم رغبة في التجربة الواقعية وقلة الثقة يمتعني

مبسوطة وممتنة للعالم عالحياة التي أعيشها وأتمنى يبقى مزاجي كدة دائما .

عندكم إجازة قريبة ؟ متى ؟