#seadee

Ilang araw na ang nag daan Nandito pa rin sa pagitan Sa pagitan ng inaalala ka at minamahal ka Napapansin mo pa rin ba ang aking mga mata Mga matang nakatitig sa iyong mukha Na ang kagandaha'y mo'y katangi tangi Tanging ang alam ko lang ika'y mahalaga Tapos na ang sigwa pero heto pa rin ako Heto pa rin ako sa paghihintay na may ikaw at ako Ang ikaw at ako na sa panaginip lang nadarama Ang ikaw at ako na hanggang pangarap na lamang Ang ikaw at ako na tanging hinihiling ngayon pasko Ikaw at Ako salitang naglalaro sa akin isipan Na nagbibigay sa akin ng kahalagahan Kahalagahan sa tayo na di matutupad kailanman Hayaan mo andito lamang ako sa iyong tabi upang mapasaya ka Hayaan mo makikinig lamang ako sa iyo Sa mga agam agam mo sa buhay at mga problema Dahil alam ko hanggang doon lang ako Hanggang doon lang sa tayo na magkaibigan Hanggang doon lang sa kalawakan Na kung saan binubulong sayo ng mundo Na walang ikaw at ako sa realidad Na mabuting pumukit ka na lang at ilagay sa imahinasyon Sa pagmulat ng mata'y tanging sakit lang ang nararamdaman Marahil siguro'y di matutupad kailanman Nakatingala sa mga bituin ang tanging hinihiling Makapiling ka huling sandali Di man mapagbigyan ang hiling sa mga tala Tanging aasa na lamang kay bathala Kung hindi man maging sapat iyon, Kakapit na lang kay tadhana Kung tayo ma'y tinadhana Dadating at dadating ang araw na may isang ikaw at ako Na minsan ko lang pinangarap yun pala'y magkatotoo Hayaan mo lang ako sa iyong tabi Dumilim man ang gabi Ako ang magsisilbing liwanag ng iyong madilim na pag iisa Dahil asahan mo may isang taong nagmamahal sayo kahit di mo pansin Nandito lang ako naghihintay