#salamin

Naalala ko pa ang ngiti sa iyong mukha Kung paanong kumukurba ang iyong labi ano man ang iyong ginagawa Ang mga halakhak mong sadya namang nakakahawa Bumubulahaw na patunay sa totoo mong saya Kung paanong ang buong mundo'y tila nagliliwanag Hindi kailangan ang araw upang makita ang iyong sinag Ito'y kumukompleto sa rekado ng hapag Ikaw ang kapanatagan sa pusong nababagabag Ngunit nakapagtataka Sapagkat naaalala ko man ang iyong ngiti ngunit iba na ito saaking nakikita Naaalala ko man ang iyong saya ngunit iba na ito saaking nadarama Tila ito'y natabunan na ng mga luha saiyong mga mata Napaos na ba sa mga hikbi ang masigla mong pagtawa? Nasaan na ang dating ikaw? Nasaan na ang presenya mong matingkad pa sa dilaw? Gusto kitang hanapin Gusto kitang gamutin Gusto kong ibalik ang sigla saiyong paningin Ngunit paano ko iyon gagawin? Kung ang sarili'y basag din? Salamin salamin, ako sanay sagutin.