SAFAYEE
Merey haath perr dou lareekain hai, ma I’ve been tracing them all my life
Aik aap ki, aik meri And I follow each one in my head every night Aik aap key liye, aik apney but in the morning, I think I often remember dil sey aik meri asliyat, aik aapkey sapney
Mera buss chaley na, maa, toh main sab bhool jaoon: Apni zindagi ko aap ki khuwaahish key qadmon pey barrhaoon Aap ki zubaan, aap key dil ki dhun pey nachaoon Mera buss chaley, maa, toh main bilkul badal jaoon Aap key sapnon key aks ko galley lag jaoon Aap ki expectations ki spectacular heroine bunn key aoon Beghair jhumkon key sab ka sirr phirraoon Apni durd şey yoon darr na jaoon Mera buss chaley toh main sachi main sab bhool jaoon; Daadi ki badtameezi full ignore karoon, Aap ki disappointment main apni shakal na dhoondoon Kisi tarhan sey apney dil ko puhanchaoon sakoon Sabun sey apney kharrey rang ko maanjna chorr doon.
Merey haath perr dou lareekain hai, ma, aur aik bhi Maya ka peecha nahi karti. Aik aapki zindagi key mukaam per ishara karti hai, aur aik sharma key kuch bhi bolti nahi, aur aik bhi mujhey batati nahi, keh merey rang-o-insaan sey kyun cheeni gayee iss mulk ki pasandeeda gene, beybunyaad badmazgi, rangon ki yey badtameezi, Barrey Sagheer ki hypocrisy Key I couldn’t be pak and I’ll never be saaf Because I don’t deserve to be Pak in Pakistan
Meinay bhi bola hai, jhoot nahi boloon gi: woh boy kitna saaf lagta hai, dil shayed shafaaf ho sakta hai, Meinay bhi maa’na hai, uss ka rang kitna saaf hai attitude uss pey maaf hai
aur kitni cheating hai na, kitni na-insaafi hai key apney liye nafrat, aur gorrey gaalon key liye maafi hai?
Jab main choti si thi, meri iss anjaan beqarari main khoob qarar tha. main subah subah sheeshay ko avoid karti thi aur foran naha key apney chehray pey ghorr karti thi. kitni saaf lag rahi hoon aaj, saari gandagi dhulla di. magar iss optimism ki dhajjiyan har roz urrthi thi: tu kitni kaali, kitni gandi kitni khaali teri aqalmandi. saari self-perception saalon ney mitti main mila di. itni kaali, itni gandi, hai gehri kitni yey pabandi.
aur athaaran saal lagi rahi, ma, but yey rang hai keh dhulta hi nahi. ka’im hai mera rang, yey saanwli lakeer — terey peechay, peechay lagi rehti hai magar phir bhi yoon is dil main koi naraazgi rehti hai, teri taqdeer keh khilaaf namanzoori behti hai.
merey haathon main kuch lakeerain hai, ma mujhey kehti hain huddein paar kar ja rang-e-badd, apney sey pyaar kar ja. na teri suntin hain, na maanti hai, safai kehti imaan main hai, khush qismat hai tu meri jaan, rang-e-badd kuch logon ko dekh, dil-e-badd, dil-e-badd, dil-e-badd.
