#pusopuso

Hindi mo makikita ang kagandahan ng isang bagay kung hindi mo ito bibigyan ng pagkakataon para tingnan at titigan. Maaring hindi mo ito makita sa unang sulyap dahil may malaking harang pala sa bagay na tinitingnan mo. Maaaring wala kang makita sa unang tingin pero kapag muli mong ifinocus ang iyong mata at tinitigan mong mabuti, mauunawaan mong hindi ka nagkamali na titigan ito ulit.

Kung sa tao, merong sa unang tingin, parang hindi mo agad magugustuhan. Yung tipong walang dating sa’yo. Pero kapag tinitigan mong mabuti at kinilala mo ng lubusan, makikita mo na siya na pala yung hinahanap mo. Na akala mo, hindi siya. Pero siya na pala talaga. Yung parang pag ibig lang na kung saan saan mo na hinanap pero hindi mo matagpuan. Anlayo na ng narating mo, pati sa Hopeless Place ni Rihanna nakaabot ka. Yung sa sobrang paghahanap mo para sa taong para sa’yo, minsan, hindi mo na nakikita dahil andami mong lugar na pinaghahanapan. At sa sobrang dami mong pinupuntahan, lalo ka lang napapalayo para sa taong totoong naghihintay sa’yo.