حرا مانی نئے پروجیکٹ میں کس معروف اداکار کیساتھ نظر آئینگی؟
کراچی (جی سی این رپورٹ)جاندار پرفارمنس سے شائقین کے دل جیتنے والے اداکار و گلوکار جنید خان نے نئے پروجیکٹس کے لیے معاہدہ کرلیا، وہ نئے ڈرامے میں حرا مانی اور ارمینہ خان کے ساتھ نظر آئیں گے۔ڈرامے کی تیاری شروع کردی گئی، جو اکتوبر میں نشر کیا جائے گا۔ ڈرامے میں جنید خان مرکزی کردار نبھائیں گے۔ ڈرامے کی ہدایات علی حسن نے دی ہیں۔اس نئے پروجیکٹ میں اسٹار اداکار ایک ایسے شخص کا کردار نبھائیں گے جس کا اپنی ساتھی کے ساتھ ایک مثالی رشتہ ہے، اور وہ اپنے خاندان کے ساتھ کافی خوش اور مطمئن زندگی بسر کرتا دکھائی دیتا ہے، جس کے بعد زندگی میں ایسے موڑ آتے ہیں کہ ایک باہر کا شخص ان کی زندگی میں دخل اندازی کرتا ہے جس کے بعد اسے کچھ ایسی جدوجہد لاحق ہوتی ہے جس کے بعد نفس پرستی اور پریشانیوں کا ایک طویل سفر شروع ہوجاتا ہے۔اپنے کردار سے متعلق بات کرتے ہوئے جنید خان کا کہنا تھا کہ اس ڈرامے میں میرا کردار ایک ایسے انسان کا ہے جو اپنی زندگی میں خوش اور مطمئن ہوتا ہے مگر کچھ افراد کی مداخلت سے زندگی میں سب کچھ الٹ جاتا ہے، اور وہیں سے زندگی میں خود کی تلاش کا سفر شروع ہوجاتا ہے۔حال ہی میں کسک اور کشف میں اداکاری کے جوہر دکھانے والے جنید خان اپنے آپ کو رواں سال میں مکمل محسوس کرتے ہیں، اور وہ خدا اور محبت (تھری) کو لیکر اس میں مزید اضافے کے لیے پر امیدہیں۔انہوں نے حال ہی میں اپنا یوٹیوب چینل بھی متعارف کرایا ہے، جہاں وہ ’’کہہ دو‘‘ کے نام سے ناظرین کے لیے ذاتی تجربات اور خیالات عوام کے ساتھ شیئر کرتے ہیں۔ Read the full article
