#munnawar

ye durveshoñ kī bastī hai yahāñ aisā nahīñ hogā

libās-e-zindagī phaT jā.egā mailā nahīñ hogā

share-bāzār meñ qīmat uchhaltī girtī rahtī hai

magar ye ḳhūn-e-muflis hai kabhī mahñgā nahīñ hogā

tire ehsās kī īñTeñ lagī haiñ is imārat meñ

hamārā ghar tire ghar se kabhī ūñchā nahīñ hogā

hamārī dostī ke biich ḳhud-ġharzī bhī shāmil hai

ye be-mausam kā phal hai ye bahut mīThā nahīñ hogā

purāne shahr ke logoñ meñ ik rasm-e-muravvat hai

hamāre paas aa jaao kabhī dhoka nahīñ hogā

ye aisī choT hai jis ko hamesha dukhte rahnā hai