موبائل پولیس سٹیشن قائم، ایف آئی آر درج نہیں ہوگی
بلوچستان میں شہریوں کو سہولیات کی فراہمی کے لیے پولیس نے موبائل پولیس سٹیشن کی سہولت متعارف کرادی ہے، جس کے ذریعے لوگوں کے بیشتر مسائل ان کی دیلیز پر حل کرنے کی کوشش کی گئی ہے، تاہم ان سٹیشنز پر ایف آئی آر درج نہیں کروائی جاسکیں گی۔ محکمہ پولیس بلوچستان کے مطابق اس مقصد کے لیے پولیس کی دو ناکارہ بسوں کا انتخاب کیا گیا ہے، جن کو جدید ہارڈ ویئرز اور سافٹ ویئرز سے لیس کرکے ان میں مامور عملے کو تربیت دی گئی ہے۔ ان بسوں میں جدید کمپیوٹرائزڈ سسٹم کے ذریعے لوگوں کو ابتدائی ڈرائیونگ لائسنس اور بین الاقوامی لائسنس بنا کر دیے جائیں گے جبکہ یہاں سے ڈرائیونگ لائسنس کی تجدید بھی ممکن ہوگی۔ اس کے علاوہ کرائے داروں کے اندارج، گمشدگی کی اطلاع کی رپورٹ اور کیریکٹر سرٹیفکیٹ سمیت پولیس کے تصدیقی سرٹیفکیٹ کا اجرا بھی یہیں سے کیا جائے گا، جس کے لیے پہلے پولیس سٹیشن جانا ہوتا تھا۔ انسپکٹر جنرل (آئی جی) بلوچستان محسن حسن بٹ نے اس منصوبے کو بلوچستان پولیس کی تاریخ میں اہم پیش رفت قرار دیتے ہوئے کہا ہے کہ 2020 بلوچستان پولیس کے لیے ڈیجیٹلائزیشن کا سال ہے۔ آئی جی بلوچستان نے مزید کہا کہ ان کے صوبے کی پولیس کو جدید کمپیوٹرائزیشن کے دور میں داخل کیا جارہا ہے اور عوام کی خدمت کے نئے دور کا آغاز ہوگیا ہے۔ پولیس موبائل سٹیشن ہفتہ وار شیڈول کے مطابق صوبائی دارالحکومت کوئٹہ کے مختلف علاقوں میں شہریوں کو خدمت فراہم کرے گا۔ آئی جی محسن حسن بٹ نے بسوں کے افتتاح کے موقع پر اعلان کیا جلد بلوچستان میں سمارٹ پولیس سٹیشن بھی بنائے جائیں گے۔ اس سیکشن میں متعلقہ حوالہ پوائنٹس شامل ہیں پولیس حکام کے مطابق ان موبائل سٹیشنز میں ایف آئی آر درج نہیں کی جارہی ہے بلکہ ان کا مقصد صرف عوام کو ان کے گھر کے Read the full article
