ZELAN HELDU:. Arrigorriagara joango gara, Ugao eta Arrankudiaga pasa, eta Arakaldora helduko gara. Hemen hasiko da gure Osteratxue.

JOAN-ETORRI DENBORA: 3 ordu 40 min.

Geldialdiekin eta oso lasai.

KM: 8,9 Km.

DESNIBELA: 656 M.

ZAILTASUNA: erraza.

TRACKa: http://es.wikiloc.com/wikiloc/view.do?id=5898173

IGOERA-DATA: 2013ko Urriaren Abenduaren 14a.

  Arakaldoko Frontoiaren ezkerraldetik doan bidea jarraituko dugu, Iturriaga auzorantza. PR-aren marka hori eta zuriak jarraituko ditugu.

Marka zuri-horiak zuhaitz zein argi posteetan aurkituko ditugu, eta bidegurutzeetan nondik joan behar ez dugun ere adieraziko digute.

Ezkerreko bidetik ez joateko, X zuri-hori baten marka ikusiko dugu zuhaitz batean margozturik.

PR-aren markak utzi eta eskuinerantz egin beharko dugu hemen, malda gogorrak hasiko direlarik.

Ia kilometro bateko malda gogorrak izango dira tarte honetan. Hau igaro eta gero, Zabalgune baterara iritsiko gara eta bertan Untzuetako tontorra ikusiko dugu, antenaz josia.

Tontorrerantz igotzen jarraitzea baino ez zaigu faltako. Balastozko bidea izango dugu nahi izan ezkero, edo lurrezko bidetik jarraitu.

Zelan heldu: Durangorako bidea hartu ondoren, Orozketara zuzendu, eta bertatik hasi ahal izango dogu igoera.

Joan-etorri denbora: 3 ordu guztira; erritmo lasaian, eta Mugarrako kobara sartzeko denbora gehituta.

KM: 5,53 Km.

Desnibela: 516 M.

Zailtasuna: Erraza.

Orozketatik abiatuta, harrizko bidean gora egingo dogu, sastraketan zehar doan bide batera heldu arte. Sastraka tarteko bide horri jarraitu, eta gitxira gune malkartxu batera iritsiko gara (igotzeko oso erraza, ez bildurtu). Gune malkartxua gaindituta, erraz ikusiko dogu Mugarrako tontorrera igotzeko bidea. Misterio bako igoera, erraza eta polita.

TRACKa: http://es.wikiloc.com/wikiloc/view.do?id=5746313

Igoera data: 2013ko abendua.

Mugarra:

Zelan heldu: Sallent de Gallego herrira iritsi behar da kotxez, eta hara iristerakoan Sarra urtegira abiatu beharra dago. Urtegi inguruan parking-a dago (guk han utzi gendun kotxea), baina pixkatxo bat aurrerago eginez gero beste parking batetara iritsi daiteke; bertan taberna eta guzti dago. Igoera hortik ekingo diogu.

Joan-etorri denbora: Bi egunetan egin genuen. Lehenengo egunean Respomuso aterpetxeraino iritsi ginen, eta han egin gendun lo. Aterpetxera iristeko ordu bi eta erdi behar izan genuen, nahiko erritmo onean. Bigarren egunean igoera eta jeitsiera 9 ordutan egin genuen, atsedenaldiak kontuan hartuta.

KM: 21,01 Km.

Desnibela: 1840 M.

Zailtasuna: Ertaina. Kaskoa eroatea derrigorrezkoa da, eta kranpoiak eta pioletak eroatea oso gomendagarria. Latour Arrailak ez dauka zailtasun handiegirik mendi garaietan ibiltzera ohitua dagoenarentzat. Jeisteko, guk Handitik jeitsi genuen, eta, nire ustez, arrisku handiagoa dauka Diagonal Handitik jeisteak Latourretik rapelatzen jeistea baino. Rapelatu ahal izateko, ordea, materiala (pisua) eroan beharra dago, eta  horrelako jeitsieretan esperientzia pixka bat izatea.

Esan beharra dago igoera hau irailaren amaieran egin genuela, horrela Latour Arrailan ez genuen edurrik topatu, neberotxuren bat bakarrik hor inguruan. Aterpetxean lo egiteak ere abantaila handiak ditu, batez ere pisu gutxiago eroatea (beste desabantaila batzuk baita, ondoko oheetako jendearen zurrungak…).

Sarra urtegitik urten, eta Respomusorako bidea jarraitu behar da. Bidea jarraitzea erreza da, ez dago galbiderik. Bidea polita eta erraza da, eta goiz hasiz gero aterpetxera iritsi, eta Gran Facha egiteko aukera dago. Zapatu goizez Getxotik urtenda, zaila da Respomusoko aterpetxera goiz iristea.

Hurrengo egunean goizean goiz esnatu, eta martxan jarri ginen. Frontalak erabili genituen, oraindik gaua zelako. Respomusoko troka (barranco) igo genuen, itoak jarraituta ez genuen Latour Arrailera iristeko  arazorik izan. Arrailera hurbildu ahala edur apur bat agertu zen, eta kranpoiak jantzi behar izan genituen bertara heltzeko. Denbora tarte labur batez kranpoiak erabili, eta barriro motxilan gorde genituen, Latour Arraila igotzeko. Igoera erraza da, baina ez da gomendagarria eskaladan esperientziarik ez duenarentzat, ezta altuerarekin erraz bildurtzen denarentzat. Behin arraila igota, Balaitus tontorrerako bidea jarraitzea besterik ez dago.

Diagonal Handitik jeistea erabakita geneukan, eta horrela egin genuen. Bide nahiko arriskutsua iruditu zitzaidan jeisteko, baina tira, pisu gitxi eroateko asmoagaz ez gendun rapelatzeko materialik eraman, eta Diagonaletik jeitsi behar ginen. Tarte honetan kaskoa eramatea ere derrigorrezkoa da, inguruan dabilen jendeak harriak mugitu baitezakete, eta harriak zure gainera eror daitezke; oso adi eta tentsioan joateko ibilbidea da.

Diagonala bukatuta, Michaud kobaren ondotik igaro ginan, Arrielgo ibonen ondotik Joan, eta azkenik Arrielgo troka jeitsi genuen aurreko eguneko igoerako bidearekin bat egin aurretik. Arrielgo ibonak igarota kontuz ibili beharra dago bidez ez erratzeko. GPSari adi ibili ginan, batez ere, Respomusora itzultzeko bidea guk jarraitu nahi genuen bidea baino hobeto markatuta zegoelako.

Aurreko eguneko bidearekin bat egin ondoren, bidea berriro oso erosoa eta jarraitzeko erraza bihurtzen da, eta ez dogu itzultzeko arazorik izango. Parkingera heldu, eta merezitako atsedenaldia hartu genuen tragotxo batekin.

Mendiko blog frantsez batetan ere agertzen gara!!!

http://cordee64.blogspot.com.es/2013/09/22-09-2013-balaitous-en-boucle.html

TRACKa: http://es.wikiloc.com/wikiloc/view.do?id=5668927

Igoera data: 2013ko iraila.

Pagaditik:

                    Respomuso Aterpetxea:

Aterpetxeetako ohiko irudia:

Infiernos, Tebarray, Garmo Negro…:

Latour Arraila:

Latour Arrailaren igoera:

Latour Arraila igo ondoren, Balaitus puntara iristeko bidea:

Balaitus:

Diagonal Handia:

Diagonal Handia:

Michaud koba:

Arrielgo ibonak:

ZELAN HELDU: Zierbenako Valle auzora hurbilduko gara oraingoan. Bertan kotxea utzi, eta hankei eragingo diegu.

JOAN-ETORRI DENBORA: 2 ordu.

KM: 7,49 Km.

DESNIBELA: 404 M.

ZAILTASUNA: erdi mailakoa.

Bidean ikusi ditudan hitoek ondorio honetara eraman nau: normalean egiten dan osteratxuaren kontrara egin dodala. Baina, bardin da! Oso polita izan da ibilbidea. Auzotik urteten dan hormigoizko bide bat jarraituko dugu. Bide horrek hilerrira eramango gaitu, eta, bertara heltzean, ezkerrera egingo dogu bira.

Bidea ez da galtzeko modukoa, baina beno...astopotro xamarra izango naz... jarri dodan track-an argi ikusiko duzue non erratu naizen. 5 minutu besterik ez dira izan. Erratu naizen tokian, aldapak gora egingo dau, eta horrela jarraituko dau tontorrera iritsi arte. Argazkietako batean agertzen diren bi pinuetara heltzean ere bi bidexka topatuko ditugu, horietatik, eskumakoa jarraitu.

Puntara iristeko azken aldapa hormigoizkoa ien beharrean mendiko bidea hartuko badugu, izerdia botako dogu, hori ziur; eta horela ez bada, oso forma onean zaude.

Puntara iritsi, eta jeitsiera. Ibilbide zirkularra egingo dugu, eta, beraz, bueltako bidea ez da berdina izango. Oso ibilbide polita da; kobazulo pare bat ere ikusiko ditugu.

TRACKa: http://es.wikiloc.com/wikiloc/view.do?id=4054604

IGOERA-DATA: 2013ko martxoaren 1a.

Serantes Valle auzotik ikusita:

Bidean zehar, basa nonnahi:

Lehen aipaturiko pinu biak, nonbaiterako atea izango balitz bezala:

Bideko paisaia:

Gaina:

Beste aldetik ikusita:

Kobazuloa:

Sakona da! Ez pentsa:

ZELAN HELDU: Sopelako Urko polikiroldegiko aparka-lekutik hasiko dugu ibilbidea.

JOAN-ETORRI DENBORA: 2 ordu.

KM: 8,08 Km.

DESNIBELA: 290 M.

ZAILTASUNA: erraza.

Saskibaloi kantxaren atzeko aldetik abiatuko gara, eta seinaleei jarraituz ez dogu galtzeko arriskurik edukiko. Ibilbide honetan, Munarrikolandara ieteaz gain, Ikurriñara ere joan gara. Ikurriña dagoen lekuan, guda zibileko burdinezko gerrikoaren parte bat aurkituko dogu. Ikurriñaren ondoren mendi-puntara abiatuko gara, eta ondo zaindutako bidea jarraituz erraz helduko gara. Ibilbidearen inguru gehiena eukaliptus eta otez beteta dago; tarte batean ehiza postuak ere ikusiko ditugu. Bidean zehar, zenbait trikuharri eta antzinako egitura ikusiko ditugu, denak ondo seinalizatuak. Azkenik, Munarrikolanda gainera helduko gara, eta bertan ere bunker bat topatuko dogu.

Bueltako bidea ez dogu berdin-berdina egingo. Bide-gurutze batean GR 280a jarraituko dogu. Kontuz ibili bidean basa badago; holan bada gomendagarria da GR bidea ez jarraitzea, laprast egiteko aukera handia baitago.

Ibilbide hau oso aproposa da, baita ere, mendi-bizikletagaz egiteko.

TRACKa: http://es.wikiloc.com/wikiloc/view.do?id=4051668

IGOERA-DATA: 2013ko otsailaren 28a.

Ikurriñaren inguruko bunkerra:

Bunkerra, barrutik:

Ikurriña:

Sopela, Ikurriña dagoen puntutik ikusita:

Munarrikolanda, eta, atzean, bunkerra:

ZELAN HELDU: Aretxabaletaraino iritsi behar gara. Urkuluko urtegira hurbilduko gara, eta bertako parkingean utziko dugu kotxea. Aparkalekuaren hasieran iturri bat aurkituko dugu, eta ezkerreko bidexka jarraituz ekingo diogu txangoari.

JOAN-ETORRI DENBORA: 6 ordu.

KM: 12,18 Km.

DESNIBELA: 792 M.

ZAILTASUNA: erdi mailakoa. Igoeran aldapatxo gogorra, eta, gure kasuan, jeitsieran edur gehiegi eduki genuen.

Urkuluko urtegiaren aparkalekuko iturria atzean utzi ondoren, larreetan zehar eta basoan zehar gora egingo dugu. Basoa zeharkatu ondoren harrizko horma duen

bidea jarraituko dugu, eta bertatik irtengo gara, aldapa gogor bat igotzeko. Aldapa hori izango da ibilbide zirkular honek duen zatirik gogorrena.

Ondoren bidea lauagoa izango da, eta ez dugu Kurutzeberri eta Elorretako Haitzera iristeko inolako arazorik izango. Tontorrak atzean utzita, ez zen arazorik egongo, eta erraz egingo genuke ibilbidea. Zailtasun atalean azaldu den bezala, gu igo ginenean edur asko zegoen, eta ibilbidearen bigarren zatia gogorra bilakatu zitzaigun.

TRACKa: http://es.wikiloc.com/wikiloc/view.do?id=4011473

IGOERA-DATA: 2013ko otsailaren 16a.

Ibilbidearen hasiera:

Harrizko horma duen bidea:

Tontorrera bidean:

Aldapa atzean utzi ondoren:

Kurutzeberri:

Elorretako Haitza:

Tontorren ondorengo paisaia:

ZELAN HELDU: Lagran herrira iritsi, eta mendia zein den erraz ezberdinduko dugu. Mendira orientatuz, herritik irtengo gara.

JOAN-ETORRI DENBORA: 3 ordu.

KM: 8,86 Km.

DESNIBELA: 548 M.

ZAILTASUNA: erraza.

Ibilbide erraz bezain ederra da hau. Pagadi eder baten zehar abiatuko gara, eta, bidean zehar, lehengo garaian, txondorrak nola egiten ziran ikusten da. Erakusketa hori 3 adibiderekin egiten dute. Bide hasierako txondorrak erakusten digu prozesuaren hasierako itxura, eta, mendia igo ahala, txondorra bere azken itxura hartzera iritsi arte eraldatuko da.

Pagadia atzean uzten dugunean, harriak presentzia handiagoa izango du paisaian. Zuhaitzen arteko bidexka batetik igoko gara tontorrera heldu arte.

TRACKa: http://es.wikiloc.com/wikiloc/view.do?id=3780535

IGOERA-DATA: 2012ko abenduaren 29a.

Pagadia:

Txondorra:

Pagadiaren ondorengo paisaia:

Zuhaitzetan zehar doan bidexka:

Cruz del Castillo:

ZELAN HELDU: Azpeitiko elizatik hasi behar da. Bertatik hilerrirako bidea jarraitu, baserri batzuren artetik igaro, eta lasterrera mendi-bidea hasiko da.

JOAN-ETORRI DENBORA: 4 ordu eta 45 minutu.

KM: 13 Km.

DESNIBELA: 960 m.

ZAILTASUNA: erraza.

Aurretik aipaturiko baserriak atzean utzi ondoren, harri-bide izango dugu aurrean, nahiko ongi markaturik dago, eta ez da zaila bidea jarraitzea. Ondoren, pinudi batetan barneratuko gara, eta, hori gurutzatzean, pagadi batetara murgilduko gara. Pagaditik irtetean, Azketako iturriarekin topo egingo dugu; atseden hartzeko eta ur botila berriz betetzeko aukera paregabea.

Iturria atzean utzi ondoren, aldapa maldatsua igo beharko dugu. Azketako Neberie topatu arte. Hau antzinako hozkailu bezala erabiltzen zen, erabat naturala. Hortik aurrera egin, eta ezkerrera, Xoxote gaina dago. Xoxotetik bide erraza daukagu Erlo puntara. Bista eta paraje zoragarriak!

TRACKa: http://es.wikiloc.com/wikiloc/view.do?id=3241864

IGOERA-DATA: 2012ko abuztuaren 22a.

Hasierako harri-bidea:

Pagadia:

Azketako iturria:

Azketako Neberie:

Xoxote, eta atze aldean Erlo:

Erlo: