#kthetra

Institucionet tona të larta jo pak herë janë përdhosur, janë qëlluar me armë, me bojë, me vezë e domate, madje janë grabitur, por duket se kohërat kanë ndryshuar e së bashku me të dhe njerëzit. Berisha nuk gjen dot më skifterë të repareve paramilitare bukoshjane, mamurrse, qerretëse, etj. Ata këtë vend tashmë e duan jo më pak se të tjerët, ndjehen atdhetarë nuk kanë ndërmend ta lënë veten e ndërgjegjen e tyre të përdoren nga të tjerët. Protesta vërtet paqësore vlen si dëshmi e mësim që të mos shpifim, siç u kërcënua kryeministri para disa ditësh, “mos i fyej veriorët se për 30’...etj”.

Vini re sa ekonomike është natyra në zgjidhjet që ajo u jep problemeve të jetës. Gjithçka mbi parimin minimaks: efektin maksimal me investimingilman bakalli minimal. Fjala bie, për të mbrojtur territorin, veten apo këlyshët, kafsha përdor ekskluzivisht trupin, d.m.th. dhëmbët, kthetrat dhe ndonjë ekskrement helmues apo me aromë të pakëndshme. Kaq. Këtu mbyllet gjithçka. As gurë për ta gjuajtur rivalin e as degë pemësh për t’ia ngulur në brinjë. Nikoqirllëk në përdorimin e arsenalit: qeni ose leh, ose kafshon. Qeni që leh, nuk të kafshon. Dhe hierarki: në fillim paralajmërimi, pastaj sulmi! Ndryshon puna me njeriun. Shpërdorues dhe i hallakatur! Kur e kuptoi se dhëmbët e tij s’e kishin fuqinë shqyese të tigrit, as duart e tij forcën goditëse të luanit e as pështyma e tij substancën helmuese të gjarprit, njeriu iu drejtua fillimisht shkopit e gurit, e pastaj hekurit, duke ardhur deri te bomba atomike. Me të cilën ai sot është në gjendje të vrasë të gjitha kafshët e pyllit njëherësh, përfshi dhe veten.