#journart

Kanina, may nakita akong post sa TBITW, yung birthdays. Humihingi ako ng paumanhin kay ate Monik, ewan ko, nasaktan ko siguro siya. Kaya gumuhit ako ng isang matandang babae upang maging tanda na hindi na kita tatawaging gurang.

Nakinig ako kay Papa Jack kagabi.

Yung isang caller na lalaki imbis na naawa ako eh natawa pa ako. Siya si Franz na kakabreak lang nila ng girlfriend niya nung araw ding iyon.

Dalawang taon at anim na buwan ang tinagal nila tapos tinapos nung babae. Mayabang si franz. Sa dalawang taon at higit pang taon na yun, pinakita lang niya ang kanyang toughness. Hindi niya pinakita yung weakness niya na hindi niya kayang mabuhay nang wala yung girl.

Habang nagsasalita si Franz, iyak siya ng iyak.  Sa relationship nila, marami siyang pinagsisihan, maraming regrets. Sana daw nung pinapapahid nung babae yung ketchup nung kumakain sila ay pinahiran niya imbis na mahiya dahil sa dami ng tao. 

Noong gabing iyon, natutunan siguro ng mga lalaki na huwag maging mayabang at ‘wag pairalin ang pride. Kasi gaano ka man daw kayabang, katapang at kalakas, iiyak at iiyak ka din. Kasi kanino ka ba humuhugot ng lakas? Di ba sa kanya din?