#iluzioj

La reva fabriko.

La suno, tiu kruela, sufokanta fokuso, vekis ilin ĉiumatene. La ĉirkaŭaĵo de la tendaĉo, ilia sola rifuĝejo en la koro de Los-Anĝeleso, odoris je urino, fekaĵo, medikamentoj kaj rompitaj sonĝoj. Harper leviĝis kaj faris sian rutinon de streĉado, levante siajn brakojn kaj kunigante la fingrojn de siaj manoj; liaj ripoj reliefigiĝis sub la maldika ĉemizo. Li rigardis Kelly, ŝian ruĝan hararon malordigita kiel birdonesto, kaj ridetis al ŝi.

—Alia tago por konkeri Holivudon, karuleto —ŝi murmuris, ŝia voĉo raŭka pro la dormo.

Harper kapjesis, liaj okuloj brilantaj pro iluzio, kiu kontrastis kun la malpuraĵo, kiu ĉirkaŭis ilin. Dum la tago, ili estis figurantoj en malaltbuĝetaj filmoj, kelneroj en malbonaj restoracioj kaj, foje, simple almozuloj. Sed nokte, sub la stelplena ĉielo de la urbo, ili fariĝis la plej brilaj steloj de sia propra filmo.

En lia fantazio, Harper estis malmola kaj turmentita detektivo, persekutita de malhela pasinteco. Kelly, fatalulino kun verdaj okuloj, delogis kaj perfidis lin, postlasante vicon da detruo.

—Hodiaŭ mi havas aŭdicion —anoncis Kelly, ĝustigante sian dorsosakon.

Harper brakumis ŝin forte. —Vi sukcesos, mi scias.

En ŝia sonĝo, Kelly estis juna, naiva kaj decidema junulino, kiu alvenis al Holivudo kun la iluzio fariĝi aktorino. Ŝia beleco kaj talento portis ŝin al la supro, sed la prezo estis alta.

La aŭdicio estis katastrofo. Kelly eliris el la intervjuo kun la okuloj plenaj de larmoj. Harper atendis ŝin en malmultekosta kafejo, kie ili dividis malvarman kafon kaj ranca sandviĉon.

—Ne malkuraĝiĝu —instigis ŝin Harper, kvankam lia voĉo sonis malforta.

En momento de febra imagado, Harper kaj Kelly renkontiĝis ĉe domego en Beverly Hills, ĉirkaŭitaj de lukso kaj famo. Ili festis sian sukceson per granda festo, malfermante kaj trinkante grandan botelon da ruĝa vino; sendube, ili estis la envio de ĉiuj.

La tagoj sinsekvis, monotonaj kaj senesperaj. La tendaĉo fariĝis pli malfirma kaj senutila en sia funkcio provizi ŝirmon, la malvarmo ĉiam pli intensa. La espero, iam brila, komencis estingiĝi.

Dum unu el tiom da memindulgemaj sonĝoj, Harper kaj Kelly maljuniĝis kune, ĉirkaŭitaj de siaj infanoj kaj nepoj. Ili rigardis malantaŭen kaj ridetis, memorante ĉiujn obstaklojn, kiujn ili venkis.

Unu nokton, dum ili dormis, ŝtormo frapis la urbon. La vento hurlis kiel sovaĝa besto, forŝirante la tendaĉon kaj trenante ĝin tra la stratoj. Harper kaj Kelly vekiĝis konfuzitaj kaj timigitaj, kovritaj de koto kaj folioj.

Ĉe la tagiĝo, ili trovis rifuĝon sub ponto, postlasante siajn posedaĵojn kaj la restaĵojn de la tendaĉo ĝuste tie. Ili ĉirkaŭrigardis, al la urbo, kiu malakceptis ilin, kaj konstatis, ke iliaj sonĝoj estis nur tio, sonĝoj.

—Eble ni devus rezigni —flustris Kelly.

Harper rigardis ŝin fikse, liaj okuloj plenaj de malĝojo. —Neniam.

En ilia fantazio, Harper kaj Kelly geedziĝis en intima ceremonio sur paradiza plaĝo. La suno brilis, la ondoj karesis la sablon kaj ili ĵuris al si eternan amon.

La sekvaj tagoj estis la plej malfacilaj de iliaj vivoj. La malsato, la malvarmo kaj la malespero konsumis ilin.

Tiam, unu malbonan tagon, kaj laŭ instigo de siaj najbaroj, ili konatiĝis kun la pezaj drogoj. Sinjorino, kiu ŝajnis afabla, rekomendis al ili, ke heroino estas la kuraco al la fizika kaj spirita doloro, kaj la konstanta solvo al la malsato kaj la angoro. Ili ne rezistis esti injektitaj, ili estis mense detruitaj por malakcepti ĝin.

Ekde tiam, la prioritatoj ŝanĝiĝis. Iluzio kontraŭ drogoj, decida libereco kontraŭ hazarda sklaveco. Ne plu estis sonĝoj aŭ fantazioj ĝis la fino.

Unu nokton, alvenis tri uloj al la tendaĉo dum ili dormis, ili ne povis rezisti tian abomenaĵon. Post kiam ili ligis lin, unu post alia ili fitraktis la ankoraŭ sveltan kaj prizorgitan korpon de Kelly, kiu troviĝis en terura stato de tranco kaj mensa foresto. Ne estis rezisto, nek lamentoj.

Finita tia tranco, la malfeliĉa virino leviĝis kiel ŝi povis kaj liberigis sian kunulon. Ili ne ĉesis brakumi unu la alian dum la resto de la malbenita tago.

Ĉe la vesperiĝo, revenante de komunuma manĝejo, aŭto, kiu veturis tro rapide, tretis ilin. Harper mortis survoje al la hospitalo. Kelly postvivis, sed restis enhospitaligita kun multoblaj vundoj.

En ŝia lasta sonĝo, Harper kaj Kelly promenis laŭ plaĝo ĉe la sunsubiro, man-en-mane. La ĉielo koloriĝis per pastelaj koloroj, kaj ili sentis sin senfine feliĉaj.

Kelly vekiĝis en hospitalo, sola kaj forlasita. La urbo, kiun ŝi sonĝis konkeri, igis ŝin plia viktimo de sia senkompata realeco. Ŝi rigardis tra la fenestro kaj vidis la surskribon de Holivudo brili en la malproksimo, kruela moko al ŝiaj rompitaj iluzioj.