#haliparot

IG: nhea_heyney

Dapat ay noong Biyernes ko pa ito ginawa ngunit ako'y tinamad (Hindi maipagkakaila iyon). Tawa kayo kung gusto niyo, iyak kayo dahil sa kakornihan nito. Inihahatid sa inyo ang Funny Fridays.

Nagkwento si Mama sa akin ng isang pangyayari sa istasyon ng Pureza sa LRT. May isang estudyante ng PUP daw ang bumili ng Single Journey ticket sa counter.

Estudyante: Bayad po (Sabay abot ng bente Pesos). Isang Pureza po!

Counter: Ahhhhhhhmmmm... (Napaisip si ateng nasa counter) Iha... Nasa Pureza ka pa.

Estudyante: Ay! Anonas po pala...

Mama:(Tumatawa ng palihim)

May pinagdadaanan yata si ate kaya hindi nakapili kung saan talaga pupunta. Isa pang kwento ang inyong mababasa, ihanda na ang mga ang mga mata dahil maiiyak na lamang kayo dahil sa kakornihan (Wag GREEN-MINDED!)

Dumaan kami ng kaklase ko sa Fire Exit para mas mabilis na dumaan sa Gabriela Silang. Habang pababa kame sa 3rd Floor may natunghayan kaming mga kapwa kamag-aral.

Boy 1: Dito na lang kasi.

Girl: Masyadong masikip... Dito...

Boy 2: Dali na kasi, wag ka nang maarte!

Nagulat kami ni Bel... ay este... kaklase ko (Naibunyag ko yata pangalan mo! Belle Mendoza!!!). Tas nagmadali kaming bumaba habang kunwari hindi kami nakikita ng tatlong estudyante. Tapos ay nag-usap ulit sila, tungkol pala sa sayaw yung pinag-uusapan nila. Nagtawanan na lang kami ni BELLE MENDOZA at ikinuwento kay ZYRA MARIE CARILLO, DANDREB MAMARIL at VICTOR CALINAO!

Sa init at mga nagbabagang uling. Isa na namang balitang punong-puno ng katotohanan na may kahalong katangahan at kasinungalingan. Ang bagong palabas na pelikula na “Inside Out” ay patok na patok mapa-bata o matanda. Ngunit hindi talaga siya pambata dahil sa kanyang kwentong napakalalim. Tunghayan ang mga susunod na mga kwento.

Ang isip ng tao ay makapangyarihan. Hindi maubos-ubos na mga ideya at paggkamalikhain. Pasalamat tayo sa ating superyor na pag-iisip, tayo ay mas nakaaangat sa mga hayop. Ngunit ayon sa Teorya ng Ebolusyon ni Charles Darwin, tayo ay minsan naging hayop at nakahanap ng paraan upang manatiling buhay. Kung iisipin, iba-iba ang mga pumapasok na mga kaisipan sa bawat utak ng mga tao. Maaaaring may isang nakaisip na ng paraan upang maiwasan ang isang napakalalang sakit at mabilis kumalat at hindi rin maiiwasan na may taong makagagawa ng ganitong uri ng sakit. Kung ating lalawakan ang ating pang-unawa, may kapasidad tayong lumikha at sirain ang mga ito. Ngunit hindi lamang ang mga nalilikha ang mga nasisira, kasama na rin ang kapaligiran. Bakit hindi gamitin ang mga isipan upang maiwasan ang mga ito? Sa tingin ko, walang taong maglalakas-loob na magpahayag ng kanilang mga ideya sapagkat alam nilang imposible. Isang malaking problema rin ang walang humpay na pagpapahayag ngunit wala namang mapatutunguhan. Ang bawat isa sa atin ay may natatagong katalinuhan kailangan lamang kalikutin ang kanilang mga isipan nang maipakita nila ang kanilang kakakayahan.