#fjv

headers

— Hindi mo ba ineexpect na maghihiwalay tayo? Kung hindi e bakit mo ginawa? Pinag-isipan mo diba. Mahal mo ko pero pinagtangkaan mo ko iwan. Iniwan mo ko ng ganon ganon lang. Sinubukan ko pakiusapan ka, Na bigyan mo ng pangalawang pagkakataon ang tayo, Pero parang itinapon mo lang lahat. Hindi ba worth it ang relasyon natin? Naging masaya ka naman sakin diba? Minahal mo ko diba. Bakit hindi deserve ng isa pang chance? Hindi kita pinipilit. Pero bakit diba? Oo napag-usapan na natin to. Sabi mo wala akong pagkukulang, Ayaw mo na ituloy ang relasyon natin kasi ayaw mo kong masaktan. Pero mas lalo mo kong sinasaktan ngayon. Sabi ka ng sabi na mahal na mahal mo ko Tapos pangalawang pagkakataon sa relasyon natin wala? Tangina diba?

Nakakaiyak na lang e. Naiiyak ako kasi pag naalala ko ang lahat, Di ko alam kung matutuwa ako o masasaktan. Siguro pareho. Natutuwa kasi alam ko sa mga panahon na yon, Mahalaga ako. May nagmamahal sakin. Importante ako. Ako ay isang malaking parte ng kasiyahan mo. Minahal mo ko ng totoo. Ngunit nasasaktan din ako. Kasi alam ko di na mauulit yon. Hanggang alaala na lang ang lahat. Ang pagiging mahalaga ko ay isang parte na lang ng nakaraan ko. Dahil alam ko, Kung mahalaga pa ko, Nasa tabi pa din kita hanggang ngayon.

Ganon na lang ba ko kadaling iwan? Kung talagang minahal mo ko ng higit pa sa sarili mo, Bakit isang bagsakan lang ang lahat? Ganon ba ko ka-walang kwenta? Anong nangyari sa mga pangako mo? Ayun, bula na lang. Pero tangina tawagin na ko tanga ng lahat, Hanggang ngayon naniniwala pa din ako. Sa kabila ng lahat. Kahit iniwan mo ko, Naniniwala pa din ako sa mga pangako mo. Yung pangako mo na tayo hanggang dulo. Alam mo kung bakit? Kasi naghihintay pa din ako. Kasi hiniling mo ang buong tiwala ko. At binigay ko kasi alam ko hindi ka maling tao. Pero eto ako ngayon. Sirang sira na. Nawawala.

Para akong nasa kalawakan, Hindi ko makita ang unahan at dulo. Hindi ko alam san magsisimula ulit O kung san matatapos ang sakit na nararamdaman ko.

vasco headers

- Mr. SellYourSoul