#domasno

Рикота е популарно италијанско свежо сирење. Може да се најде и на нашиот пазар, но неговата цена во однос на цените на другите видови сирења е прилично повисока. Затоа ви го презентираме овај рецепт со чија што помош повеќе нема да имате потреба да го купувате, туку ќе можете сами да направите домашно сирење и тоа на начин кој е повеќе од едноставен.

Сè што ви треба за да направите домашно рикота сирење е половина час од вашето време и само неколку состојки кои можете да ги набавите во најблиската продавница.

Состојки:

2л полномасно млеко

сок од два лимони или 1/3 чаша дестилиран бел оцет

лажичка сол.

Подготовка:

Млекото се загрева на околу 93 степени во тенџере на оган.

Кога на површината ќе почне да се прави пена и бавно да се ослободува пареа, тогаш се додава сокот од лимон или (оцет) и тенџерето се трга од огнот. Внимавајте на температурата, млекото не треба да зоврие.

Садот со млеко се остава да стои на собна температура околу 10 минути, при што веќе ќе може да се забележи формирање на грутки и издвојување на жолтеникава, воденикаста сурутка.

Со дрвена лажица промешајте го млекото и проверете го засирувањето. Ако забележите дека се уште има многу млеко кое не се засирило, додадете уште една лажица сок од лимон или (оцет) и почекајте уште неколку минути.

Потоа сирењето се бери и се процедува низ густа ткаенина, добро се подврзува и се остава да се цеди од 10 до 60 минути во зависност од тоа колку суво сирење сакате да добиете.

Вака подготвеното рикота сирење може да стои во фрижидер околу една недела.

Извор: lifepressmagazin

Автор: Марина Иваноска Ружиновска

  Состојки:

3 варени јајца

110 гр туна од конзерва (во парчиња)

8 риби инчуни

20 гр капари

3 гранчиња магдонос

по потреба црн бибер.

  Подготовка:

Јајцата исечете ги на крупни парчиња и ставете ги во блендер.

Додајте ги парчињата туна заедно со маслото, инчуните, капарите и магдоносот.

Наросете малку црн бибер и убаво изблендирајте.

За многу кратко време ќе имате вкусна здрава домашна паштета.

      Автор: Катерина Милошоска Глигороска

  Состојки:

4 јајца

12 лажици шеќер

5 лажици какао

1 коцка маргарин

100 гр лешници.

  Подготовка:

Најпрво се матат јајцата со шеќерот се додека не се постигне убава густина (додека не се познава трага од движењето на миксерот).

Потоа се додава какаото и се мати додека не се постигне хомогена смеса со една боја.

Претходно иситнетиот маргарин (со помош на вилушка) се додава во садот за матење и се продолжува со матење за да се распредели низ целата смеса.

На крајот се додаваат ситно мелените лешници, кои е пожелно претходно да бидат потпечени бидејќи така даваат поизразена и подобра арома.

Готовата смеса се става во затворен сад со капак и се остава во фрижидер добро да се излади. 

Се чува на температура од 4-8 степени.

      Автор: М-р Катерина Шамбевска

Дознајте повеќе за авторот