Apr 26, 2025
திருச்செந்தூர் பக்தர்களுக்காக நேரடி ரயில் சேவை கோரிக்கை: எம்.பி கனிமொழி வலியுறுத்தல்
திருச்செந்தூரில் பக்தர்கள் பெருமளவில் வந்து செல்கின்ற நிலையில், திருச்செந்தூர் மற்றும் சென்னை இடையே நேரடி ரயில் சேவை ஏற்படுத்த வேண்டும் என்று தூத்துக்குடி தொகுதி எம்.பி. கனிமொழி வலியுறுத்தியுள்ளார்.
அங்குள்ள முருகன் கோவிலுக்கு நாள்தோறும் ஆயிரக்கணக்கான பக்தர்கள் வருகை தருகின்றனர். குறிப்பாக திருவிழா காலங்களில், இந்த பக்தர்கள் எண்ணிக்கை அதிகரிக்கும். இதனால், பயணிகளுக்கு நேரடி ரயில் வசதி பெரிதும் தேவைப்படுகிறது.
இந்த நிலைமையை கருத்தில் கொண்டு, திருச்செந்தூர்-சென்னை இடையே நேரடி ரயில் இயக்கும் கோரிக்கையை கனிமொழி எம்பி அதிகாரிகளிடம் முன்வைத்துள்ளார். பக்தர்களின் அன்றாட பயணத்தை எளிமைப்படுத்தும் வகையில் விரைவில் நடவடிக்கை எடுக்கப்படும் என எதிர்பார்க்கப்படுகிறது.
