Tamilagam Seithigal

வரவிருக்கும் சட்டமன்றத் தேர்தலை முன்னிட்டு, தமிழ்நாட்டின் அனைத்து மாவட்டங்களிலும் திமுக உறுப்பினர் சேர்க்கை வேகமாக நடைபெற்று வருகிறது. இதன் பகுதியாக, “ஓரணியில் தமிழ்நாடு” என்ற உறுப்பினர் சேர்க்கை இயக்கத்தை கடந்த ஜூலை 1-ஆம் தேதி முதலமைச்சர் மு.க. ஸ்டாலின் தொடங்கி வைத்தார்.

இந்த முயற்சிக்காக பிரத்யேக செயலி அறிமுகப்படுத்தப்பட்டதால், பொதுமக்கள் எளிதில் திமுகவில் இணையும் வகையில் வசதி செய்யப்பட்டு வருகிறது. திமுகவின் இலக்கு, மாநில வாக்காளர்களில் குறைந்தது 30% பேரை உறுப்பினர்களாக்குவதாகும்.

இந்நிலையில், கரூர் மாவட்டம் இந்த இயக்கத்தில் முதலிடத்தைப் பிடித்து, மாநில அளவில் சிறப்பாக சாதனை படைத்துள்ளது. தற்போது, கரூரில் 41% க்கும் அதிகமான வாக்காளர்கள் திமுக உறுப்பினர்களாக இணைந்துள்ளனர்.

இதுகுறித்து திமுக தலைவர் மு.க. ஸ்டாலின், கரூர் மாவட்டம் எடுத்த முன்னேற்றம் மற்ற மாவட்டங்களுக்கும் முன்மாதிரியாக உள்ளது என்று பாராட்டினார்.

கரூர் மாவட்ட செயலாளரான செந்தில் பாலாஜி, இந்த வெற்றி குறித்து பேசும்போது, “இது கரூர் மக்களின் நம்பிக்கையையும், ஒருங்கிணைந்த வளர்ச்சிக்கான ஆர்வத்தையும் வெளிப்படுத்துகிறது. மக்களின் பங்கேற்புதான் இந்த சாதனையை சாத்தியமாக்கியது” என்று தெரிவித்தார்.

கொங்கு மண்டலம் என அழைக்கப்படும் கரூர், கோவை, நீலகிரி, திருப்பூர், ஈரோடு, சேலம், தருமபுரி, நாமக்கல், கிருஷ்ணகிரி போன்ற மேற்கு மாவட்டங்களை திமுக வலுவாக கைப்பற்றும் முயற்சியில் உள்ளது. இதன் மூலம், எதிர்வரும் தேர்தலில் அந்த பிராந்தியத்தை முழுமையாக கட்டுப்படுத்தும் திட்டத்தை கட்சி முன்னெடுத்து வருகிறது.

சென்னை: சென்னையில் போராட்டம் நடத்தி வரும் தூய்மை பணியாளர்களை அப்புறப்படுத்தவும், அவர்கள் மீது நடவடிக்கை எடுக்கவும் ஐகோர்ட் உத்தரவிட்டுள்ளது.

சென்னை மாநகராட்சி, ராயபுரம், திரு.வி.க., நகர் மண்டலங்களில், தனியார் நிறுவனத்தின் வாயிலாக, ஜூலை 16ம் தேதி முதல் திடக்கழிவு மேலாண்மை மேற்கொள்ளப்படுகிறது.

இதற்கு எதிர்ப்பு தெரிவித்தும், பணி நிரந்தரம் உள்ளிட்ட கோரிக்கைகளை வலியுறுத்தியும், 1ம் தேதி முதல் வேலை நிறுத்த போராட்டத்தில், தற்காலிக துாய்மை பணியாளர்கள் ஈடுபட்டு வருகின்றனர்.

இந்த போராட்டத்திற்கு, அ.தி.மு.க., காங்., நா.த.க., கம்யூ., உள்ளிட்ட அரசியல் கட்சிகள், சினிமா பிரபலங்கள் உள்ளிட்டோர் ஆதரவு தெரிவித்து வருகின்றனர்.இதற்கிடையே, போராட்டத்தை கைவிட்டு துாய்மை பணியாளர்கள் பணிக்கு திரும்ப வேண்டும்.

தனியார் நிறுவன பணியில் பணி பாதுகாப்பு மற்றும் பல்வேறு சலுகைகள் இருப்பதாக, மாநகராட்சி தெரிவித்துள்ளது. இந்நிலையில், பொது மக்களுக்கு இடையூறு ஏற்படுவதாக கூறி தேன்மொழி என்பவர் சென்னை ஐகோர்ட்டில் வழக்கு தொடர்ந்தார்.

இந்த வழக்கு இன்று விசாரணைக்கு வந்தது. அப்போது தலைமை நீதிபதி கூறியதாவது:

* சென்னை ரிப்பன் பில்டிங் முன்பு தொடர் போராட்டத்தில் ஈடுபட்டு வரும் தூய்மை பணியாளர்கள் மீது நடவடிக்கை எடுக்க வேண்டும்.

* போராட்டம் நடத்தி வரும் தூய்மை பணியாளர்களை அப்புறப்படுத்த வேண்டும்.

* அனுமதிக்கப்பட்ட இடத்தில் போராட்டம் நடத்திக் கொள்ளலாம்.

* சட்டத்திற்கு உட்பட்டு அனைவரையும் அப்புறப்படுத்துங்கள்.

* அனுமதிக்கப்படாத இடத்தில் போராட்டம் நடத்த அனுமதிக்க முடியாது.

டோக்கியோ; அவசர தரையிறக்கம், தொடரும் தொழில் நுட்ப கோளாறு காரணமாக அமெரிக்காவின் எப் 35 பி போர் விமானங்களை வாங்கும் முடிவில் இருந்து உலக நாடுகள் பின் வாங்கி உள்ளன.

அமெரிக்காவின் லாக்ஹீட் மார்ட்டின் நிறுவனம், போர் தளவாட உற்பத்தியில் உலகின் முன்னணி நிறுவனம் ஆகும். இந்த நிறுவனத்தால் தயாரிக்கப்படும் போர் விமானங்கள், அதிநவீன தொழில்நுட்பம் கொண்டவை என்று அந்த நிறுவனம் கூறுகிறது.

இந்த நிறுவனத்தால் தயாரிக்கப்பட்ட எப் 35 ரக போர் விமானங்கள், உலகில் 12 நாடுகளில் மட்டுமே பயன்பாட்டில் உள்ளன. அதிலும், எப் 35 பி என்ற வகை போர் விமானம், அமெரிக்கா, பிரிட்டன், இத்தாலி நாடுகளில் மட்டுமே பயன்பாட்டில் உள்ளது.

இந்த விமானம், ரேடாரில் கண்டறிய முடியாத ஸ்டெல்த் தொழில்நுட்பத்துடன் உருவாக்கப்பட்டது.

செங்குத்தாக தரை இறங்கும். குறுகிய ஓடுபாதையிலும் டேக் ஆஃப் ஆகும் திறன் கொண்டது. உலகின் மிக விலை உயர்ந்த விமானம் என்பதால் இதில் இருக்கும் தொழில் நுட்பங்களை நிறுவனம் ரகசியமாக பாதுகாக்கிறது.

தொழில்நுட்பம், முதலீடு தந்து உதவிய பிரிட்டன், இத்தாலி நாடுகளுக்கு சலுகை விலையிலும், பிற நாடுகளுக்கு 900 கோடி ரூபாய் முதல் 1100 கோடி ரூபாய் வரையிலான விலையிலும் இந்த விமானங்கள் விற்பனை செய்யப்படுகின்றன.

இத்தகைய விலை மதிப்பு கொண்ட இந்த விமானங்கள், சமீப காலமாக அடிக்கடி பழுதாகி வருகின்றன.

பிரிட்டன் கடற்படை பயன்படுத்தி வரும் இந்த வகை விமானம் கடந்த மாதம் திருவனந்தபுரம் விமான நிலையத்தில் அவசர, அவசரமாக தரையிறக்கப்பட்டது.

பின்னர், 25 பிரிட்டன் பொறியாளர் குழு, திருவனந்தபுரத்திற்கு வந்து, விமானத்தில் பழுதை நீக்க, கிட்டத்தட்ட 37 நாட்களுக்குப் பிறகு அந்த விமானம் தாயகம் திரும்பியது.

இதேபோன்று ஒரு சம்பவம் ஜப்பானின் கிரிஷிமா நகரில் உள்ள ககோஷிமா விமான நிலையத்தில் நிகழ்ந்தது. பிரிட்டனைச் சேர்ந்த அதே வகை போர் விமானம், தொழில்நுட்ப கோளாறு காரணமாக அவசர அவசரமாக தரையிறக்கப்பட்டது.

இதனால் ககோஷிமா விமான நிலைய ஓடுபாதை சிறிதுநேரம் மூடப்பட்டது. இதை ஜப்பான் பாதுகாப்புத்துறை அமைச்சகம் உறுதி செய்து, விமானத்தில் தொழில் நுட்ப கோளாறு இருப்பதாக தெரிவித்தது. தற்போது அந்த கோளாறு சரி செய்யப்பட்டு வருகிறது.

இரு வார கால இடைவெளியில், இந்தியா, ஜப்பான் என இரு நாடுகளில் உலகின் மேம்படுத்தப்பட்ட போர் விமானம் பழுது காரணமாக தரையிறங்கி இருக்கிறது.

2018ம் ஆண்டு முதல் இதுபோல் 12 தொழில்நுட்பக் கோளாறு சம்பவங்கள் இந்த வகை விமானத்துக்கு நிகழ்ந்துள்ளன. தொடக்கத்தில் அமெரிக்காவின் நட்பு நாடுகள், இந்த விமானத்தை வாங்க அதிக ஆர்வம் காட்டின. ஆனால், தொடரும் தொழில்நுட்ப கோளாறு, தரையிறக்கம் போன்ற பிரச்னை காரணமாக அந்நாடுகள் விமானத்தை வாங்குவதில் இருந்து பின்வாங்கி உள்ளன.

பின்வாங்கிய நாடுகள்

எப் 35 பி போர் விமானம் வாங்க மிகவும் ஆர்வமாக இருந்த ஸ்பெயின் இப்போது, 'வேண்டாம்' என்று கூறி விட்டது. போர்ச்சுக்கல், ஸ்விட்சர்லாந்து, கனடா ஆகிய நாடுகள், 'யோசித்து சொல்கிறோம்' என்று கூறி பின் வாங்கி விட்டன. ஒரு காலத்தில், 'வாங்கலாம்' என்று யோசித்துக் கொண்டிருந்த இந்தியாவும், இப்போது டிரம்ப் வரி விதிப்பு பிரச்னையால் பின்வாங்கும் நிலையில் இருக்கிறது.

புதுடில்லி: இந்திய குடிமகள் ஆவதற்கு முன்பே காங்கிரஸ் முன்னாள் தலைவர் சோனியாவின் பெயர் வாக்காளர் பட்டியலில் இடம்பெற்றது எப்படி என்று பாஜ கேள்வி எழுப்பியுள்ளது.

2024 லோக்சபா தேர்தலுக்கான வாக்காளர் பட்டியலில் முறைகேடு நடந்ததாக காங்கிரஸ் அடங்கிய இண்டி கூட்டணி குற்றம்சாட்டி வருகிறது. இந்த நிலையில், பாஜ தற்போது சோனியாவின் ஓட்டுரிமை குறித்து பரபரப்பான குற்றச்சாட்டை முன்வைத்துள்ளது.

முன்னாள் மத்திய அமைச்சரும், பாஜ எம்பியுமான அனுராக் தாகூர் செய்தியாளர்களிடம் பேசியதாவது; இத்தாலியில் பிறந்த சோனியாவின் பெயர் 1980ம் ஆண்டு வாக்காளர் பட்டியலில் இடம்பெற்றிருந்தது. ஆனால், அதன்பிறகு 3 ஆண்டுகள் கழித்தே அவர் இந்திய குடியுரிமை பெற்றார், எனக் கூறியிருந்தார்.

அவரது இந்தக் குற்றச்சாட்டை தொடர்ந்து, பாஜ ஐடி பிரிவு தலைவர் அமித் மாள்வியா, தனது எக்ஸ் தளப்பக்கத்தில் 1980ம் ஆண்டு புதுடில்லி தொகுதியின் வாக்காளர் பட்டியலின் நகலை பகிர்ந்துள்ளார்.

மேலும் அவர் விடுத்துள்ள பதிவில்; 1980ம் ஆண்டு முதல்முறையாக சோனியாவின் பெயர் வாக்காளர் பட்டியலில் இடம்பெற்றிருந்தது. அதன்பிறகு 3 ஆண்டுகள் கழித்தே அவர் இந்திய குடியுரிமை பெற்றார். அந்த சமயம் சப்தர்ஜூங் சாலையில் உள்ள பிரதமர் இந்திராவின் வீட்டில் வசித்து வந்தனர். இந்திரா, ராஜிவ், சஞ்சய் மற்றும் மேனகா ஆகியோரின் பெயர்கள் இடம்பெற்றிருந்தன. 1980ம் ஆண்டு டில்லி பார்லிமென்ட் தொகுதி வாக்காளர் பட்டியல் திருத்தத்தின் போது, வாக்குச்சாவடி 145ல் வரிசை எண் 388ல் சோனியாவின் பெயர் சேர்க்கப்பட்டது.

இது முழுக்க முழுக்க தேர்தல் சட்ட விதிமீறலாகும். இந்திய குடிமகன்களால் மட்டுமே வாக்காளர் பட்டியலில் இடம்பெற தகுதியுண்டு. அதன்பிறகு 1982ல் அவரது பெயர் நீக்கம் செய்யப்பட்டு, 1983ம் ஆண்டு ஜனவரி மாதம் சோனியா பெயர் மீண்டும் சேர்க்கப்பட்டது. அவர் 1983ம் ஆண்டு ஏப்ரல் 30ம் தேதி மட்டுமே இந்திய குடியுரிமை பெற்றார். அதாவது, குடியுரிமை இல்லாத நிலையில், 4 மாதங்களுக்கு முன்பே மீண்டும் வாக்காளர் பட்டியலில் 2வது முறையாக பெயர் சேர்க்கப்பட்டது.

'நேருக்கு நேர்' நிகழ்ச்சியில் ஈரோடு மாவட்ட கட்சியினரைத் தனித்தனியாக சந்தித்த ஸ்டாலின், ‘ஈரோட்டின் அ.தி.மு.க. ஜாம்பவான்களான செங்கோட்டையனையும் கருப்பண்ணனையும் வீழ்த்த வேண்டும். ஈரோட்டை தி.மு.க கோட்டையாக மாற்றவேண்டும்' என சொன்னபோது செந்தில் பாலாஜி கொடுத்த ரியாக்ஷன்தான் ஈரோடு அரசியலில் ‘டாக் ஆஃப் தி டவுன்’.

முதல்வருக்கு செந்தில்பாலாஜி கொடுத்த உறுதி:

சமீபத்தில், அண்ணா அறிவாலயத்தில் நடைபெற்ற 'நேருக்கு நேர்' சந்திப்பில் முதல்வரை சந்தித்துவிட்டு வந்த ஈரோடு மாவட்ட நிர்வாகி ஒருவரிடம் இதுபற்றி பேசினோம். "நேருக்கு நேர் நிகழ்ச்சியில் முதல்வரைச் சந்தித்தபோது, எங்கள் ஈரோட்டைச் சேர்ந்த நிர்வாகிகள் யாருமே உடன் இல்லை. செந்தில் பாலாஜி மட்டுமே அமர்ந்திருந்தார். முதல்வர் எங்களிடம் கேள்வி கேட்கும்போது அதற்கு நாங்கள் சொல்லும் பதில்களை செந்தில் பாலாஜியும் குறிப்பு எடுத்துக்கொண்டார். 

தொகுதியில் உள்ள பொதுவான பிரச்னைகள், உட்கட்சி பிரச்னைகள் பற்றி பேசிய முதல்வர், 'இந்த முறை ஈரோடு மாவட்டத்தின் அனைத்து தொகுதிகளிலும் தி.மு.க கட்டாயம் வெற்றிபெற வேண்டும்' என சொன்னபோது, செந்தில் பாலாஜி தன் நெஞ்சில் கை வைத்து அதை ஏற்றுக்கொண்டார்.

அதிமுகவின் செல்வாக்கிற்கு காரணம் என்ன?

எங்கள் மாவட்டத்தைப் பொறுத்தவரை, அ.தி.மு.க.வினரும், தி.மு.க.வினரும் அரசியல்ரீதியாக எதிரிகளாகவும், தொழில்ரீதியாக நட்பாகவும் இருப்பார்கள். இங்கு கிராமங்கள் அதிகளவில் இருப்பதால் எங்களைவிட இங்கு அ.தி.மு.க.வுக்கு அதிக செல்வாக்கு இருப்பது என்னவோ உண்மைதான். எங்கள் மாவட்டத்திலுள்ள எட்டு தொகுதிகளில் கோபிசெட்டிப்பாளையம், பவானி, அந்தியூர், பெருந்துறை, மொடக்குறிச்சி ஆகிய ஐந்து தொகுதிகளில் எங்களைவிட அ.தி.மு.க. வலுவாக இருக்கிறது.

இதற்குக் காரணம், தொகுதிகளில் நடக்கும் எல்லா சுப, துக்க நிகழ்ச்சிகளிலும் செங்கோட்டையனும், கருப்பண்ணனும் தவறாமல் கலந்துகொள்கிறார்கள். அவர்களுக்கு இணையாக தி.மு.க.வினர் யாரும் கலந்துகொள்வதில்லை. இப்படி பொதுமக்களோடு, தி.மு.க.வினரை விட அ.தி.மு.க.வினர் மிகவும் நெருங்கி இருப்பதால்தான் ஈரோடு மாவட்டத்தில் அதிமுக பலமாக இருக்கிறது. அதனால்தான் கடந்த தேர்தலில் மொடக்குறிச்சியில் அதிமுகவின் கூட்டணியில் இருந்த பா.ஜ.க. வெற்றி பெற்றது.

செங்கோட்டையனை வீழ்த்துவது எளிதா?

தி.மு.க. தரப்பில் இப்போது மண்டலப் பொறுப்பாளராக செந்தில் பாலாஜி வந்திருக்கிறார். அவருடன் ஈரோடு கிழக்கு இடைத்தேர்தலில் பணியாற்றிய அனுபவம் எங்களுக்கு இருக்கிறது. அவருடைய தேர்தல் வியூகம் வித்தியாசமாக இருப்பதால், இம்முறை அதிமுக ஜாம்பவான்களான செங்கோட்டையன், கருப்பண்ணன், கே.வி.ராமலிங்கம் ஆகியோரை வீழ்த்தி ஈரோட்டை தி.மு.க கோட்டையாக மாற்றுவார் என்று நம்புகிறோம்' என்றார்.

கோபியில் செங்கோட்டையனை வீழ்ந்த முடியுமா? என்று தி.மு.க மாநில நெசவாளர் அணி செயலாளர் சிந்து ரவிச்சந்திரனிடம் கேட்டோம். 'பலமான எதிர்க்கட்சி வேட்பாளர்கள் களத்தில் இல்லாததால்தான் செங்கோட்டையன் ஒவ்வொரு முறையும் கோபிசெட்டிபாளையத்தில் வெற்றிபெறுகிறார். 1996ம் ஆண்டு தேர்தலில் சாதாரண சைக்கிள் கடை வைத்திருந்த தி.மு.க. வேட்பாளர் வெங்கிடு என்பவரிடம் செங்கோட்டையன் தோற்கவில்லையா? கடந்த தேர்தலில்கூட செங்கோட்டையனை எதிர்த்து தி.மு.க. நிற்காமல் காங்கிரஸில் மக்களுக்கு அறிமுகம் இல்லாத சரவணன் என்பவருக்கு சீட் கொடுத்தார்கள். அதனால்தான் செங்கோட்டையன் ஈசியாக வெற்றி பெற்றார்.

இப்போது நிலைமையே தலைகீழாக இருக்கிறது. மேற்கு மண்டலப் பொறுப்பாளராக இருக்கும் செந்தில் பாலாஜியின் தேர்தல் வியூகம் எனக்கு நன்றாகத் தெரியும். கடந்த அதிமுக ஆட்சியின்போது நடைபெற்ற அரவக்குறிச்சி சட்டமன்ற இடைத்தேர்தலில் செந்தில் பாலாஜி திமுக வேட்பாளராக நிற்கிறார். நான் அப்போது அதிமுகவில் சிப்காட் சேர்மனாக இருந்தேன். அவருக்கு எதிராக நிற்கும் அதிமுக வேட்பாளர் செந்தில்நாதனுக்காக தேர்தல் பணி செய்ய அப்போதைய முதலமைச்சர் எடப்பாடி பழனிசாமி தலைமையில் அனைத்து அமைச்சர்களும், சட்டமன்ற உறுப்பினர்களும், தமிழகத்தின் பல ஊர்களில் இருந்து வரவைக்கப்பட்ட கட்சி நிர்வாகிகளும் அரவக்குறிச்சியிலேயே தங்கியிருந்து தேர்தல் பணியாற்றினோம்.

செந்தில்பாலாஜியும் தேர்தல் வியூகமும்:

ஒரு முதலமைச்சர் தலைமையில் அமைச்சர் பட்டாளமே அரவக்குறிச்சியில் களம் இறங்கியம் தி.மு.க வேட்பாளர் செந்தில் பாலாஜிதான் வெற்றி பெற்றார். இடைத்தேர்தல் என்றாலே ஆளுங்கட்சிதான் வெற்றி பெறும் என்கிற வழக்கத்தை உடைத்தார். கடந்த சட்டமன்றத் தேர்தலில் கட்சி பேதம் இல்லாத அபரிவிதமான நடுநிலையாளர்களின் ஆதரவோடு அரவக்குறிச்சி தொகுதியில் களமிறங்கிய பாஜக வேட்பாளர் அண்ணாமலையை எதிர்த்து தி.மு.க.வில், சாதாரணப் பின்னணிகொண்ட இளங்கோவை களம் இறக்கி விட்டுத் தோற்கடித்தார்.

செந்தில் பாலாஜிக்கு தேர்தல் மேஜிக் அத்துப்படி. அதனால் எங்களுக்கு கவலை இல்லை. செங்கோட்டையன் இன்றைய தேதிக்கு அப்டேட்டில் இருப்பார். செந்தில் பாலாஜி இன்னும் ஐந்து ஆண்டுகளுக்குப் பிறகு என்ன நடக்கும் என்கிற அப்டேட்டில் இருப்பார். அதனால் இந்த முறை கோபிசெட்டிபாளையத்தில் செங்கோட்டையன் தோற்பது உறுதி' என்றார்.

ஈரோடு அதிமுகவின் கோட்டை:

கடந்த ஜூலை 21 ஆம் தேதியன்று, முன்னாள் குடியரசு துணைத் தலைவர் ஜகதீப் தன்கர் தனது பதவிக்காலம் முடிவதற்கு இரண்டு ஆண்டுகளுக்கு முன்பே பதவி விலகியதால், புதிய தேர்தல் நடத்த வேண்டிய அவசியம் ஏற்பட்டுள்ளது. அரசியலமைப்பின் 324வது பிரிவின் கீழ் இந்திய குடியரசு துணைத் தலைவர் அலுவலகத்திற்குத் தேர்தலை நடத்துவது இந்திய தேர்தல் ஆணையத்தின் கடமையாகும்.

மக்களவை உறுப்பினர்கள், தேர்ந்தெடுக்கப்பட்ட மற்றும் நியமன மாநிலங்களவை உறுப்பினர்கள் குடியரசு துணைத் தலைவரை தேர்வு செய்வர். அதிகாரப்பூர்வ அறிவிப்பைத் தொடர்ந்து தேர்தலுக்கான வாக்காளர் பட்டியலை தேர்தல் ஆணையம் அண்மையில் இறுதி செய்தது.

குடியரசு துணைத் தலைவர் தேர்தலில் வாக்களிக்க உள்ளவர்களின் பட்டியல் மாநிலங்களின் அடிப்படையில் அகர வரிசையில் தயார் செய்யப்பட்டுள்ளதாக அறிவித்துள்ள ஆணையம், தேர்தல் தேதி விரைவில் அறிவிக்கப்படும் என்றும் தெரிவித்திருந்தது.

அதேபோல ஆகஸ்ட் 7ஆம் தேதி தொடங்கி 21 வரை வேட்பு மனு தாக்கல் நடைபெறும் என அறிவித்துள்ள தேர்தல் ஆணையம் வேட்பு மனுவை திரும்பப் பெறுவதற்கு ஆகஸ்ட் 25 தேதியை கடைசி நாளாக அறிவித்துள்ளது.

ஆகஸ்ட் 3-ம் தேதி தஞ்சாவூர், திருவாரூர், நாகப்பட்டினம், மயிலாடுதுறை, கடலூர் மாவட்டங்கள் மற்றும் காரைக்கால் பகுதிகளில் மிக கனமழையும் ஆகஸ்ட் 4 மற்றும் 5-ம் தேதிகளில் கடலூர், கள்ளக்குறிச்சி, மயிலாடுதுறை, நீலகிரி மாவட்டங்கள், கோயம்புத்தூர் மலைப்பகுதிகளில் மிக கனமழைக்கும் வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழகத்தில் அடுத்த ஏழு தினங்களுக்கான வானிலை முன்னறிவிப்பு குறித்து சென்னை வானிலை ஆய்வு மையம் அறிக்கை விடுத்துள்ளது. அந்த அறிக்கையில் தெரிவித்துள்ளதாவது:-

கடந்த 24 மணி நேரத்தில் தமிழகத்தின் ஒருசில இடங்களில் மழை பதிவாகியுள்ளது. புதுவை மற்றும் காரைக்கால் பகுதிகளில் லேசான மழை பெய்தது. அதிகபட்சமாக, தஞ்சாவூரில் உள்ள மஞ்சளாறில் 5 சென்டிமீட்டர் மழை பதிவாகியுள்ளது. அதேபோல வேப்பந்தட்டை (பெரம்பலூர்), பெரம்பலூர், புது வேட்டக்குடி, சேந்தமங்கலம் (நாமக்கல்) ஆகிய இடங்களில் தலா 4 செ.மீ மழையும், நன்னிலம் (திருவாரூர்), லக்கூர் (கடலூர்), திருவிடைமருதூர் (தஞ்சாவூர்) ஆகிய இடங்களில் தலா 3 செ.மீ மழையும் பதிவாகியுள்ளது. சென்னை மற்றும் அதன் புறநகர் பகுதிகளிலும் பல இடங்களில் மழை பெய்துள்ளது.

வெப்பநிலை நிலவரம்:

கடந்த 24 மணி நேரத்தில் தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை 1-2° செல்சியஸ் குறைந்துள்ளது. இருப்பினும், அநேக இடங்களில் இயல்பைவிட 2-4° செல்சியஸ் அதிகமாகவே வெப்பநிலை காணப்பட்டது. அதிகபட்சமாக, மதுரை விமான நிலையத்தில் 41.3° செல்சியஸ் வெப்பநிலை பதிவானது. குறைந்தபட்ச வெப்பநிலை கரூர் பரமத்தியில் 22.0° செல்சியஸ் ஆக இருந்தது.

அடுத்த ஏழு தினங்களுக்கான வானிலை முன்னறிவிப்பு:

ஆகஸ்ட் 1: தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, கடலூர் மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழைக்கு வாய்ப்புள்ளது.

ஆகஸ்ட் 2: தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, கடலூர், விழுப்புரம், அரியலூர் மாவட்டங்கள், புதுவை மற்றும் காரைக்கால் பகுதிகளில் ஓரிரு இடங்களில் கனமழைக்கு வாய்ப்புள்ளது.

ஆகஸ்ட் 3: தஞ்சாவூர், திருவாரூர், நாகப்பட்டினம், மயிலாடுதுறை, கடலூர் மாவட்டங்கள் மற்றும் காரைக்கால் பகுதிகளில் ஓரிரு இடங்களில் கன முதல் மிக கனமழையும், அரியலூர், கள்ளக்குறிச்சி, புதுக்கோட்டை, விழுப்புரம், செங்கல்பட்டு மாவட்டங்கள் மற்றும் புதுவையில் கனமழையும் பெய்ய வாய்ப்புள்ளது.

ஆகஸ்ட் 4 & 5: கடலூர், கள்ளக்குறிச்சி, மயிலாடுதுறை, நீலகிரி மாவட்டங்கள், கோயம்புத்தூர் மலைப்பகுதிகளில் கன முதல் மிக கனமழையும், பிற டெல்டா மாவட்டங்கள், விழுப்புரம், செங்கல்பட்டு, திருவண்ணாமலை, காஞ்சிபுரம், அரியலூர், பெரம்பலூர் மற்றும் புதுவை, காரைக்கால் பகுதிகளில் கனமழையும் பெய்ய வாய்ப்புள்ளது.

ஆகஸ்ட் 6 & 7: கோயம்புத்தூர் மலைப்பகுதிகள், நீலகிரி, தேனி, தென்காசி, திண்டுக்கல், கிருஷ்ணகிரி, தர்மபுரி, திருப்பத்தூர் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

அதிகபட்ச வெப்பநிலை பற்றிய முன்னறிவிப்பு:

ஆகஸ்ட் 1 முதல் 5 வரையிலான ஐந்து தினங்களில், தமிழகம், புதுவை மற்றும் காரைக்கால் பகுதிகளில் பெரும்பாலான இடங்களில் அதிகபட்ச வெப்பநிலை 2-4° செல்சியஸ் வரை படிப்படியாகக் குறையக்கூடும்.

சென்னை மற்றும் புறநகர் பகுதிகளுக்கான முன்னறிவிப்பு:

இன்றும், நாளையும் சென்னை மற்றும் புறநகர்ப் பகுதிகளில் வானம் ஓரளவு மேகமூட்டத்துடன் காணப்படும். நகரின் சில பகுதிகளில் இடி, மின்னலுடன் கூடிய லேசான அல்லது மிதமான மழை பெய்ய வாய்ப்புள்ளது. அதிகபட்ச வெப்பநிலை 36-38°C ஆகவும், குறைந்தபட்ச வெப்பநிலை 28°C ஆகவும் இருக்கக்கூடும்.

2026 சட்டசபை தேர்தலை முன்னிட்டு, திமுக தலைமையகமான அறிவாலயத்தில் வார் ரூம் செயல்பாடுகள் தொடங்கப்பட்டுள்ளன. இந்த முயற்சிக்கு முன்னணி அம்சமாக, அமைச்சர் செந்தில் பாலாஜி தலைமையில் செயற்குழுவினர் பலத்த அதிர்வுடன் பணியைத் தொடங்கி இருக்கின்றனர்.

ஜூலை 1ஆம் தேதி முதல் திமுக துவக்கிய “ஓரணியில் தமிழ்நாடு” பிரசார இயக்கம், உறுப்பினர் சேர்க்கை பணிகளை தீவிரமாக மேற்கொண்டு வருகிறது.

முக்கிய அம்சங்கள்:

12 நாட்களில் 77.34 லட்சம் பேர் உறுப்பினராக இணையப்பட்டுள்ளனர்.

திமுக தலைவர் முதல் கிளைத் தலைவர் வரை, எல்லா நிலை நிர்வாகிகளும் நேரடியாக வீட்டுக்கு வீடு சென்று மக்களை தொடர்பு கொண்டு வருகிறார்கள்.

இந்த திட்டத்தின் முதற்கட்ட ஆளாக செந்தில் பாலாஜி துவக்க நடவடிக்கைகளைப் புனைந்துள்ளார்.

வார் ரூமில் இருந்து மாநிலம் முழுவதும் உறுப்பினர் சேகரிப்பு, தரவுகள் கண்காணிப்பு, மக்களுடன் நேரடி தொடர்பு போன்ற செயல்கள் தொழில்நுட்ப ஆதரவுடன் தொடர்கின்றன.

சர்வதேச விண்வெளி நிலையத்தில் இருந்து முக்கிய பணிகளை நிறைவு செய்த இந்திய விண்வெளி வீரர் சுபான்ஷு சுக்லா உள்ளிட்ட நான்கு பேரடங்கிய குழு, இன்று பூமிக்குத் திரும்புகிறார்கள். அவர்கள் பயணிக்கும் 'டிராகன்' விண்கலம், நாளை மாலை கலிபோர்னியா கடற்கரையில் தரையிறங்கும் என்று அறிவிக்கப்பட்டுள்ளது.

விண்வெளிப் பயண வரலாற்றில் முக்கிய நிகழ்வுகள்:

கடந்த மாதம் 25ஆம் தேதி, ‘ஸ்பேஸ் எக்ஸ்’ நிறுவனத்தின் பால்கன் 9 ராக்கெட் மூலம், 'டிராகன்' விண்கலம் விண்ணில் பாய்ந்தது.

சுபான்ஷு சுக்லா, சர்வதேச விண்வெளி நிலையம் சென்ற முதல் இந்திய விமானப்படை வீரராக வரலாற்றில் இடம் பெற்றார்.

28 மணி நேர பயணத்துக்குப் பிறகு ஜூன் 26ஆம் தேதி விண்வெளி நிலையத்துடன் இணைந்தது.

அறிவியல் சாதனைகள் மற்றும் அனுபவங்கள்: சுபான்ஷு சுக்லா மற்றும் குழுவினர், தங்கியிருந்த நாட்களில் 60க்கும் மேற்பட்ட விஞ்ஞான ஆய்வுகளை மேற்கொண்டனர். விண்வெளி நிலையத்தில் இருந்தபோது, இந்தியா விண்வெளியிலிருந்து எப்படி தெரிகிறது என்பதைக் கூறும்போது, சுக்லா நெகிழ்ச்சியுடன் உரையாற்றினார்.

திரும்பும் பயணம் விவரம்:

இன்று பிற்பகல் 2 மணிக்கு ‘டிராகன்’ விண்கலம் திறக்கப்படும்.

மாலை 4.45 மணிக்கு அது சர்வதேச விண்வெளி நிலையத்திலிருந்து விடுபட்டு பூமியை நோக்கி பயணத்தைத் தொடங்கும்.

சுமார் 24 மணி நேர பயணத்திற்குப் பிறகு, நாளை (ஜூலை 15) பிற்பகல் 3 மணியளவில் கலிபோர்னியா கடற்கரையில் தரையிறங்கும்.

தமிழக அரசின் மக்கள் தொடர்பு முயற்சியாக நடைபெறும் 'உங்களுடன் ஸ்டாலின்' திட்டத்தில் பெறப்படும் மனுக்கள் 45 நாட்களுக்குள் தீர்வு காணப்படும் என கூடுதல் தலைமை செயலாளர் அமுதா, ஐ.ஏ.எஸ்., உறுதிபட தெரிவித்தார்.

அமைச்சரவையின் விரைவான சேவையை மக்களுக்கு கொண்டு செல்வதற்காக, அரசு முகாம்கள் நடைபெறும் ஒரு வாரத்திற்கு முன்பே மக்களுக்கு தகவல் அளிக்கப்படும்.

தற்போது வரை 1.05 கோடி மனுக்கள் பெறப்பட்டுள்ள நிலையில், 1.01 கோடியுக்கும் தீர்வு வழங்கப்பட்டுள்ளது.

அரசின் முக்கியத் திட்டங்களான பட்டா மாற்றம், மின் இணைப்பு மாற்றம் உள்ளிட்டவை விரைவில் தீர்வு காணப்படும்.

ஒரு லட்சம் தன்னார்வலர்கள் ஈடுபட உள்ளனர்; நவம்பர் வரை 10,000 முகாம்கள் நடைபெறும்.

முன்பு 20,000 மக்கள் தொகைக்கு ஒரு முகாம் இருந்தது, இப்போது 10,000க்கு ஒரு முகாம் நடத்தப்படும்.

ஜனாதிபதி திரவுபதி முர்மு, கோவா, ஹரியானா மற்றும் லடாக் யூனியன் பிரதேசங்களுக்கு புதிய கவர்னர்களை நியமித்து உத்தரவு பிறப்பித்துள்ளார்.

🔹 கோவா மாநிலத்திற்கு அசோக் கஜபதி ராஜூ நியமிக்கப்பட்டுள்ளார். 🔹 ஹரியானா மாநிலத்திற்கு ஆஜிம் குமார் கோஷ் புதிய கவர்னராகப் பொறுப்பேற்கிறார். 🔹 லடாக் யூனியன் பிரதேசத்திற்கு கவீந்தர் குப்தா நியமிக்கப்பட்டுள்ளார்.

கரூர் மாவட்டம் இன்று பல்வேறு நலத்திட்ட உதவிகளால் நனையப்பட்டது. துணை முதல்வர் உதயநிதி ஸ்டாலின், மாவட்டத்தைச் சுற்றிப் பார்த்து, மொத்தம் 162 கோடி ரூபாய் மதிப்பில் நலத்திட்டங்களை தொடங்கி வைத்தார்.

இந்த விழாவில் கலந்து கொண்டு உரையாற்றிய அவர், முன்னாள் அமைச்சர் செந்தில் பாலாஜியை பாராட்டினார். "மூன்று நாட்களில் இப்படிப் பெரிய நலத்திட்ட விழா நடத்த முடியும் என்றால் அது கரூரில் மட்டும் தான்!" என உரக்க தெரிவித்தார்.

கரூருக்கு கிடைத்த முக்கிய அறிவிப்புகள்: 🔹 13 திட்டங்கள் திறப்பு – ரூ.58.25 கோடி மதிப்பில் 🔹 3 புதிய திட்டங்களுக்கு அடிக்கல் – ரூ.3.35 கோடி 🔹 18,332 பயனாளிகளுக்கு நலத்திட்ட உதவிகள் – ரூ.162.22 கோடி 🔹 13,124 வீட்டு மனை பட்டாக்கள் வழங்கல் 🔹 1100 மகளிருக்கு வங்கி கடன் இணைப்பு – ரூ.14 கோடி

பேருந்து நிலையம் திறப்பு: நீண்ட நாள் கனவு நனவான நாள் கரூர் நகரில் ரூ.40 கோடியில் கட்டப்பட்ட புதிய பேருந்து நிலையம் இன்று திறக்கப்பட்டது. “பல தடைகள் இருந்தபோதும், செந்தில் பாலாஜி அனைத்து வழக்குகளையும் சமாளித்து இதனை செய்து முடித்தார்” என உதயநிதி புகழ்ந்தார்.

பட்டா வழங்கல்: 25 ஆண்டு எதிர்பார்ப்பு நிறைவேறியது திமுக ஆட்சியில் மட்டும் 4 ஆண்டுகளில் 18.3 லட்சம் பட்டாக்கள் வழங்கப்பட்டுள்ளதாகவும், இன்று மட்டும் 13,000 பேர் வீட்டு மனை உரிமை பெற்றதாகவும் தெரிவித்தார்.

மகளிர் நலத்திட்டங்கள் – ஆளுமையின் ஆழம் மகளிர் சுய உதவிக் குழுக்களுக்கு ரூ.14 கோடி கடன், புதுமைப் பெண் திட்டம், மகளிர் உரிமைத் தொகை உள்ளிட்ட பல திட்டங்கள் பயனாளிகளிடம் நேரடியாக சென்றதாக விளக்கினார்.

'96' மற்றும் 'மெய்யழகன்' படங்களை இயக்கிய பிரேம்குமார், தமிழ் சினிமாவில் தற்போது பரவலாக காணப்படும் 'பெய்டு நெகட்டிவ் விமர்சனங்கள்' குறித்த புதிய கவலையை வெளிப்படுத்தியுள்ளார்.

இந்திய திரைப்பட எழுத்தாளர்கள் சங்கத்தின் மாநாட்டில் கலந்து கொண்ட ஒரு விவாதத்தில், இவர் பேசுகையில், "இப்போது விமர்சனங்கள் என்பவை விமர்சனம் அல்ல, வணிக நோக்கில் நிகழ்கின்ற தாக்குதலாக மாறிவிட்டது" என வருத்தம் தெரிவித்தார்.

படங்கள் வெளியாவும் முதல் வாரம் தான் குறிக்கோளாக மாறிவிட்டதாகவும், சில விமர்சகர்கள் வசூலை பாதிக்கவே நெகட்டிவ் விமர்சனங்களை பரப்புவதாகவும் அவர் குற்றம் சாட்டினார். இதனால் ரசிகர்களும் குழப்பத்திற்கு ஆளாகிறார்கள் எனவும், "விமர்சனங்கள் மூலம் ஒரு படத்தின் எதிர்காலம் தீர்மானிக்கப்படுகிறது" என்றார்.

டெல்லி உயர் நீதிமன்ற நீதிபதி யஷ்வந்த் வர்மாவை பணி நீக்க மத்திய அரசு திட்டமிட்டுள்ள நடவடிக்கைக்கு, முக்கிய எதிர்க்கட்சிகள் ஆதரவு வழங்கியுள்ளன. இதனால், வருமான முறைகேடு விவகாரத்தில் அவரை பதவிநீக்கம் செய்யும் முயற்சி வலுவடைந்துள்ளது.

முன்னதாக, யஷ்வந்த் வர்மாவின் இல்லத்தில் தீவிபத்து ஏற்பட்டபோது, மூட்டைமூட்டையாக ₹500 நோட்டுகள் பறிமுதல் செய்யப்பட்ட சம்பவம் பெரும் பரபரப்பை ஏற்படுத்தியது. இதையடுத்து, உச்ச நீதிமன்றம் விசாரணைக் குழுவை அமைத்து நடவடிக்கை மேற்கொண்டது.

உலகப் புகழ்பெற்ற நீதிமன்ற அமைப்பில் நம்பிக்கையைப் பாதிக்கக் கூடாது எனக் கூறி, அவரை அலகாபாத் உயர் நீதிமன்றத்துக்கு இடமாற்றம் செய்ததோடு, அங்கு அவருக்கு எந்தவிதமான பணியும் வழங்க வேண்டாம் என உச்சநீதிமன்ற தலைமை நீதிபதி உத்தரவு பிறப்பித்தார்.

உலக வில்வித்தை போட்டியின் (World Archery Cup – Stage 4) கலப்பு அணி பிரிவில் இந்தியாவின் ரிஷப் யாதவ் மற்றும் ஜோதி சுரேகா இணைந்து புதிய உலக சாதனையை பதித்துள்ளனர். இவர்கள் இருவரும் இணைந்து 1431 புள்ளிகளை பெற்று, முந்தைய சாதனையை முறியடித்து தங்களின் பெயரை சர்வதேச அரங்கில் பொற்கொளுத்தியுள்ளனர்.

இந்த போட்டியில், ரிஷப் யாதவ் 72 அம்புகளில் 68 அம்புகளை 10 புள்ளி குறியில் எய்த்து, 716 புள்ளிகளை பெற்றார். அதேபோன்று ஜோதி சுரேகாவும் துல்லியமான குறியீட்டுடன் 715 புள்ளிகளைப் பெற்றார். இது அவர்களது தனிப்பட்ட சாதனையாகும்.

மொத்தமாக, 1431 புள்ளிகள் பெற்ற இந்த ஜோடி, கடந்த 2023 ஆம் ஆண்டு டென்மார்க்கின் டான்ஜா கெல்லன்தியன் மற்றும் மத்தியாஸ் புல்லர்டன் ஜோடி பெற்ற 1429 புள்ளி சாதனையை முறியடித்துள்ளது.

பரந்தூர் விமான நிலையத் திட்டம் நாளொன்றும் முன்னேற்றம் காண்கிறது. இத்திட்டத்திற்கு தேவையான நிலங்களை அடையாளம் காணும் பணியில் தமிழக அரசு தீவிரம் காட்டி வருகிறது.

அந்தவகையில், பரந்தூர் விமான நிலைய திட்டத்திற்காக 17.52 ஏக்கர் நிலம் தமிழக அரசால் பதிவு செய்யப்பட்டது. இந்த நிலம் ரூ.9.22 கோடி செலவில் பதிவு செய்யப்பட்டுள்ளது. இது இந்த மிகப்பெரிய உள்கட்டமைப்பு திட்டத்தில் முக்கியமான முன்னேற்றமாகும்.

இந்த புதிய விமான நிலையம் முடிந்ததும், சென்னை நகரத்தின் இரண்டாம் விமான நிலையமாக அமையும் என்றும், வர்த்தகம் மற்றும் வேலை வாய்ப்புகள் அதிகரிக்க வாய்ப்பு உள்ளது என்றும் அரசு வட்டாரங்கள் தெரிவித்தன.

திமுக நிர்வாகிகள் பொறுப்புணர்வுடன் செயல்பட வேண்டும் என அமைச்சர் செந்தில்பாலாஜி அறிவுறுத்தியுள்ளார்.

கரூர் மாவட்டத்தில் இன்று நடைபெற்ற திமுக மாவட்ட நிர்வாகிகள் கூட்டத்தில் கலந்து கொண்ட அமைச்சர் செந்தில்பாலாஜி, கட்சி நிர்வாகிகளுக்கு முக்கிய அறிவுரைகளை வழங்கினார். நிர்வாகிகள் பொதுமக்களிடையே நல்லுறவுடன் செயல்பட்டு, மக்கள் சேவையில் முனைப்புடன் செயல்பட வேண்டும் என அவர் தெரிவித்தார்.

மேலும், திமுக ஆட்சியில் நடைபெற்ற வளர்ச்சிகளை பொதுமக்களுக்கு எடுத்து சொல்லும் பொறுப்பும், சமூக வலைதளங்களில் கட்சி மீது வரும் எதிர்மறையான விமர்சனங்களுக்கு நேர்மையான பதிலை தரும் பொறுப்பும் நிர்வாகிகளுக்கு உண்டு என்றார்.