#daratingdinyan

Hindi ka pa ba nagsasawa sa kakahiling na sana dumating na yung tamang lalaki/babae para sa'yo?

Pwes, ibahin mo na lang yung dasal mo. Subukan mong hilingin na ikaw mismo ang maging mabuting tao para ikaw ang maging karapat-dapat mahalin. Malay mo magbago ang kapalaran mo sa buhay pag-ibig. 

Minsan kasi kailangan din natin isipin kung ano yung mga katangian natin para ibigin tayo. Hindi pwedeng katangian na lang ng iba ang pinupuna natin. Kung may standards ka sa pagpili ng mamahalin, dapat maisip mo rin na pasok ka sa standards ng isang tao. Fair and square dapat!

Share ko sa inyo ang isang sikreto. HAHAHAHA! Hindi na pala sikreto kasi ibubunyag ko na. Dati, nung naisip ko na gusto ko na magka-lovelife, ang lagi kong dasal ay: "Lord, send me a man who'll love me and accept me for who I am." Hindi naman ako nagmamadali pero syempre di ko nakakalimutan isama sa dasal ko yun. May dumating pero di nagtagal. Kaya simula nun, naging ganito ang dasal ko: "Lord, help me to be the right girl for the man You'll send me."