#cmstalin

சிகிச்சைக்காக மருத்துவமனையில் இருக்கும்போதும், தமிழக முதல்வர் மு.க. ஸ்டாலின் தனது நிர்வாகப் பொறுப்புகளை புறக்கணிக்காமல் தொடர்ந்து செயல்படுகிறார். ஜூலை 22, 2025 அன்று, அவர் 'உங்களுடன் ஸ்டாலின்' திட்டம் குறித்து மாநில தலைமைச் செயலாளர் முருகானந்தத்துடன் முக்கிய ஆலோசனையை நடத்தியுள்ளார்.

தமிழக அரசின் வெளியீட்டில் தெரிவிக்கப்பட்டுள்ளதாவது, சென்னை அப்போலோ மருத்துவமனையில் மூன்று நாட்களுக்கு மருத்துவ கண்காணிப்பில் இருக்கிறார் முதலமைச்சர். மருத்துவர்கள் அவருக்கு நிர்வாக பணிகளை மேற்கொள்ள அனுமதித்ததை தொடர்ந்து, இன்று முக்கியமான திட்டங்களைப் பற்றிய ஆலோசனையை அவர் மேற்கொண்டார்.

'உங்களுடன் ஸ்டாலின்' திட்டத்தின் தற்போதைய நிலை குறித்து முழுமையான விபரங்களை கேட்டறிந்த ஸ்டாலின், ஜூலை 21, 2025 வரையிலான காலக்கட்டத்தில் மொத்தமாக 5,74,614 மனுக்கள் பெற்றிருப்பதை கவனத்தில் எடுத்தார். எத்தனை மனுக்கள் தீர்வு பெற்றுள்ளன, துறைகள் ஒவ்வொன்றும் நடவடிக்கை எடுத்துள்ளனவா என சீராக கேட்டறிந்தார்.

மேலும், திட்ட முகாம்கள் ஒழுங்கான அட்டவணைப்படி நடைபெற வேண்டும் என்றும், பொதுமக்கள் மனுக்கள் அளிக்க வருகின்ற முகாம்களில் அவர்களுக்கு தேவையான அடிப்படை வசதிகள் கட்டாயமாக ஏற்படுத்தப்பட வேண்டும் என்றும் முதலமைச்சர் அறிவுறுத்தினார்.

மனுக்கள் மீது எந்தவித தாமதமும் இன்றி குறித்த காலக்கெட்டுக்குள் தீர்வு காண நடவடிக்கைகள் அவசியம் என அவர் உறுதியுடன் அறிவுறுத்தியுள்ளார்.

Trinethram News : తమిళనాడు మధురైలో జల్లికట్టు స్టేడియం ప్రారంభించిన సీఎం స్టాలిన్.. జల్లికట్టు కోసం దేశ చరిత్రలో తొలిసారిగా ప్రత్యేకంగా స్టేడియం నిర్మించిన ప్రభుత్వం.. స్టేడియంలో తొలిసారిగా పోటీలకు సిద్ధమైన ఆరువందల ఎద్దులు.. పాల్గొన్న నాలుగు వందల మంది యువకులు.