#choby

إكتشفت...

حاجات كتير

اتنين و عشرين سنة

عشر سنين من ساعة ما حياتي باظت ونا عندي ١٢ سنة و عشر سنين قبل ما تظبط إن شاء الله لما يبقى عندي ٣٢ سنة، رقم الحظ.

إكتشفت حاجات كتير مكنش نفسي اعرفها عشان دماغي مبقتش زي الشاب العادي ف السن ده

مش مهتم خلاص ان ممكن يبان من كلامي اني شايفني مميز لأن تبا لك، دي حكايتي انا، انا هنا مميز و مهم

و تعبت نفسيا و دماغي تقلت

مزيكا انضف و مشاكل انضف و اتقل و كلام اقل بس اكتر

و شتايم كتير

فشخ

إكتشافات كتير الواحد منها كافي يغير حياة شخصا ما للابد

و النار تمسك ف جفوني من الوجع و صدري عليه حجر و مش هستنجد بحد

هشتكي بس مش عايز مساعدة

و اطلع غلط و مساعدة الناس تنجدني

و صح و اوّقف نفسي على رجليا لوحدي

اكتب سطور و سطور اقنع نفسي فيها ابقى احسن

اطمني، اهديني، اشتمني، اشتمكوا

اشوفني بقطع شرايني، بنط م السابع، بسيب نفسي قدام المترو

و بعرفني قد ايه الانتحار غبي

بكتشف اني غلط احكي عن اللي هعمله او اللي عملته

عشان كده مش هعمل و مش هتعلم اثق ف نفسي و محتاجش حد

و احكي عشان نفسي احكي لصحابي عشان حد غيري يعرف و الحكاية متمتش معايا

غلط اتكلم عشان الكلام رخيص

عشان الكلام بيجرح اللي قاله و اللي سمعه

التُقل ف السكوت

و اتكلم عشان نفسي اقول، نفسي اتسمع و نفسي اتقري

نفسي اتشاف

"عينك تشوف" علاقتي بأبويا خره بس مش هنسى الجملة دي

لما احس انه معلمنيش كتير ادور ع الباقي من علامه ف الجملة دي

و اشوف

اتمنى البُكى من كتر اللي شوفته، اتمنى العمى

لكن باشوف و اكتشف

ساعات بحس طعم الرماد ف لساني من كتر ما قلبي اتحرق

و ساعات اشوف جمال ربنا ف نقطة مطر، ف ضحكة، ف خط حبر

اتنين و عشرين، اتعلمت اني معرفش حاجة

بس عرفت ان القرار قراري

كل ما ببقى حزين بيبقى عندي القدرة ابقى كويس و باختار افضل حزين

الحزن اشيك يا جيهان

مبصدقنيش و الصدق و الكدب حكاية

تنام على ضهرك تشوف قوس قزح اسود موشوم بكدبي على نفسي

و بتعب من اللفة هيا هياها

بس تصدقوا

وورث إت

السعادة كميا و الحزن كميا؟ ماشي

المغاربة صوتهم حلو

تونس و ايرلندا وجهين لعملة واحدة

و صوت ف اخر الطريق ( مش هيفهموك يا حمار)

اللي ميفهمش يحس

الغلط و الصح مية و ملح و الفصل بالتبخير

استحمل الغليان تنضف و أصلك  يبان

و تشوف عنيك عينك تشوف

واياك اريد ارجص تشوبي

هادي رجصة محبوبي

واياك اريد اغني تشوبي

هادي غنوة محبوبي

demo babe