whakawhetai ra#1 mai te 100
Rahina 11 o Pipiri.
E whakawhetai ana ki taku whanau, ko ratou i whakatoo i te kakano o te aroha ki roto i ahau. Ahakoa aku awangawanga mo taku haerenga, me kia kaha, kia maia te whai whakaaro ki a tau ano.
E whakawhetai ana ahau ki nga tangata katoa kei roto i toku nei ao. Naku te waimarie te hikoi ngatahi, te tutaki ki nga hunga ngakau mahaki, ngakau hari, ngakau nui, whakapau kaha ki nga kaupapa e whai ana e ratou. Ko ratou e whakatauira mai ki ahau te ara-tika ~ ma te aroha, tika, pono ki ahau ano, ka puta ai ki te ao marama ki te para i taku ara mua.
E whakawhetai ana ki ta tatou nei taiao ataahua, ki a Papatuanuku raua ko Ranginui me a raua tiini tamariki. I tenei ra, ki a Paparuanuku, mo te whakaatu mai ki ahau te kaha o te tuapapa o te tangata mena ka ita ia!
