Jan 8, 2018
في مرة قريت في مكان ما على الإنترنت إن القطط لما بتحب بني آدم بتمسح وشها في رجله مش بس عشان تعبرله عن حبها بس عشان تلزق ريحتها في هدومه فلما قطة تانية تشمها تعرف إن البني آدم ده له صاحب. من زمان واحنا نحب القطط والقطط تحبنا. تملّي ييجوا على عتبة بابنا عيونهم تغمض وتفتح ورجليهم تتململ عشان يدخلوا. ييجوا يآنسونا كام ساعة أو كام يوم.. ياخدوا واجبهم ويروحوا يحكوا لقطط تانية علينا. وبعد فترة طالت أو قصرت نلاقي أصحابهم جايين يإما بيظهروا قدام الباب من تاني أو بيتعرفوا علينا في الشارع وكأن على وجوهنا شئ بيقول: الناس دول بيحبوا القطط. #cats #newkitten #kittens #cats_everywhere #everydaystories
