#8feb2015

It is interesting yet painful at the same time to see a friend struggle so much within. When words are her means of escape, sometimes, I want to tell her that I am all ears for anything, everything. However, I am scared that if she realises I am reading her blog regularly, she might stop writing. It hurts so much to see that she is going through so much when in real life, she does not give away any sign of it.

انهارده الصبح كنا بنتكلم عن الأمم اللي ربنا أهلكها بعذابه و أنواع العذاب ده،و قلت ان دلوقتي اكتر وقت الناس تستاهل تتعذب! تقى قالتلي ان كل زمن الكويسين فيه بيفكرو ان زمنهم ده هو اسوأ زمن وهما أكتر الناس استحقاقًا للعذاب. الكلام ده صح جدًا..لكن اللي احنا فيه حاليًا ده عادي؟ اللي بيحصل في الكوكب البائس ده والقطعة الأكثر بؤسًا-مصر- ده عادي؟! انهارده بس كده عالماشي 22 او 28 قتيل رايحين يتفرجو على ماتش يعني دلوقتي،لو ابنك راح الجامعة بيرجع مقتول..راح الجيش بيرجع مقتول..راح يشوف ماتش بيرجع مقتول..نزل مظاهرة بيرجع مقتول وكل دول مالهمش ديّة يعني. طيب وبعدين؟ أنا لما بفكر في الموضوع ده بابقى هاتجنن حرفيًا..يعني يا رب لطفك بعقولنا يا رب ! أكبر ابتلاء بيتعرضله الانسان هو انه مايبقاش فاهم الحكمة من الابتلاءات والمصايب دي. يعني ليه ولاد الكلب دول يكونو متحكمين فينا بالمنظر ده؟ ليه أسهل حاجة بالنسبالهم انهم يقتلونا وشايفين ان ده العادي يعني مش حاجة تدعو للإحساس بالذنب مثلًا..إحنا الأسياد و انتو العبيد فموتو في هدوء بقى ماتعملوش دوشة. انا بس دلوقتي فهمت معنى دعاء "ولا تسلط علينا بذنوبنا من لا يخافك فينا و لا يرحمنا". بفكر في انه ممكن البشري ده المكوّن من جسد وعقل وقلب زينا ده يوصل بيه الاجرام و اللاانسانية لفين؟ و ازاي بيوصلو للمراحل دي اساسًا! انا عمري ما شفت مبرر مقنع للأذى أو الشر..ما بالك القتل ! ازاي ممكن "انسان" مع التحفظ على لفظ انسان يعني،يقتل انسان زيه بالظبط ويسلبه حياته ببساطة كده اللي هو الحق المقدس اللي ربنا وهبه لكل حد فينا و ماداش اي حد ايًا كان الحق في انتزاعه حتى ولو كان الشخص نفسه أنا عارفة ان الحياة فيها الخير و الشر..وان الحياة مستحيل تكون ملائكية،وان الدنيا مش مكان المؤمنين. لكن مابستوعبش يا رب..هنفضل بني آدمين ازاي طيب واحنا اكتر حاجة بنسمع عنها وبنتكلم فيها هي الدم؟ يعني،ايه اللي ممكن يدي حد دافع كده انه يحب الحياة و يحب كونه فيها؟ العالم مكان قاسي جدًا حقيقي..و مش عارفة يعني هنفضل كده لحد امتى. الطف بينا و بعقولنا يا رب..