#7.7.2020

أخويا من بداية الحظر ولحد دلوقتي بيخرج مع صحابه وبيأجروا عربية ويتمشوا بيها، وحجته إنه مبنطلعش من العربية وحاطين كمامات -وده مش حقيقي لأنه بيبقى الوحيد بكمامة + كلام بيقنعهم بيه وخلاص- والموضوع بيتكرر كتير فشخ وبياكلوا سوا في بيت حد منهم وميعرفش هما كويسين ولا لأ صحيًا ولا يعرف العربية دي نضيفة ولا لأ ولا أي حاجة، وفي نص جائحة! ويعني ممكن أقارن بيا أنا من قبل الجائحة -وأنا مخرجتش من ٧ مارس- ولما كنت بقول عايزة أخرج ويتقالي لأ ومن غير سبب أو "كده" وبتحايل ع الخروجة قبلها بفترة وبردو لأ وكله إقناع وحرق دم، ولو خرجت متأخرش بره وبيفضلوا يتصلوا بيا كل شوية ارجعي حالًا وحبة شتايم وشخير، ودلوقتي في عز الوباء أخويا اللي أصغر مني ب٧ سنين واللي مبيعملش لنفسه سندوتش حتى بيخرج في الشارع ويتأخر ويتصلوا به يقولوا "ها يا حبيبي؟ هترجع امتى؟ بنتطمن عليك بس"، ويرجع ع ١ بالليل أو بعدها كمان، ودلوقتي لما أتدخل وأقولهم بلاش يخرج عشان الكورونا مبيمنعهوش منع قاطع زيي، لأ بتبقى "عشان خاطري متخرجش، والنبي متخرجش، قلبي واجعني والله، متخرجش وأنا هعملك كذا وهنخرج بكرة مع بعض أمشيك..." وفي الآخر بيخرج بردو، مفيش "لأ وهو كده ومفيش نقاش" مع حبة زعيق وحرق دم كتير ليا وفي الآخر أدخل أوضتي أعيط وأنام عشان متعصبيش أبوكِ وهتجيبله جلطة وهترتاحي لما يحصله حاجة. بكتب ده وماما بتكوي لأخويا التيشيرت اللي هيخرج بيه دلوقتي مع صحابه :)

كتير بسمع الجمل دي "طب انا كنت ايه بالنسباله/ها" , "طب كنت اعتبر ايه في حياته/ها", "هو اللي انا عشته ده حقيقي ولا وهم! " وكتير من الأسئلة المتكررة في المضمون وان اختلفت الصيغ, الخلاصة عشان ترتاح/ي في جميع الحالات كفاية نحلل كنا ايه , بص انت بقيت فين؛ انت خلاص بقيت من غيرهم! هما بقي اللي سابوك عشان مش بيحبوك او مشيوا عشان اكتشفوا انهم مش بيحبوك او عشان بطلوا يحبوك أو كانوا بيحبوك واظطروا يمشوا عشان اكبر خدعة اسمها الظروف! "... كلها ماتفرقش المهم ان انت مش معاهم دلوقت ولا هما في حياتك واختاروا بكامل اراداتهم وقواهم العقلية والنفسية انهم يمشوا, وانك ببساطة تبقي برة حياتهم, مين احسن ومين الخسران والله ماهتفرق, انت لازم تبطل تزعل علي حد مشي عشان والله هو ماكانش ليك أصلا, وتبطل تندم انك عرفت فلان ولا قابلت علان عشان ده قدر و مكتوب بعيدا عن الغلطات اللي لازك تتعلم منها لكن مش دورها انها توقف حياتك, بطل تقفل البيبان في وش ناس ممكن يكونوا أمان ودفا ربنا جابهم في طريقك وانت اللي بتختار تبني بينك وبينهم سور عالي وانت للاسف فاكر انك بتحمي نفسك وانت في الأصل بتحرمها من أبسط حقوقها كل واحد مننا لازم يحاول كل يوم يبطل يخاف يبطل يحزن عشان احنا اللي بنعود نفسنا ونزنقها في كورنر مااتخلقناش ليه ولا فيه, الحياه حوالينا براح . -lolima

مبعرفش أعمل ايه في أوقات الحزن، بالتحديد وقت وفاة حد وتبليغ حبايبه والعزا، كل اللي بقدر عليه إني أفضل جنبهم وأسمع فضفضتهم وكلامهم مهما كان، حتى لو بالنسبة للتانيين كُفر، لأنه ببساطة في وقت حزن وصدمة ومينفعش تحاسبه ولا تقوله متقولش كده ولا تعيط ولا تصرخ لأنك مش في مكانه ولا حاسس بالنار اللي في قلبه. أخو نينتي مات النهارده بعد تعب، والناس بتصبرها إنه معلش أحسن ما كان يفضل تعبان، فقالت أكتر جملة بديهية "ربنا كان قادر يشفيه" بالضبط. اللي الناس بتقوله عبارة عن "معلش أحسن ما يفضل تعبان أهو مات وارتاح". أنا فضلت جنبها ماسكة ايدها وبأكد ع كلامها إنه دلوقتي عند ربنا وأخته وأمه وأبوه وابنه، وإنهم سوا دلوقتي ومبسوطين ببعض وشافوا بعض بعد شوقة، وإنه راجل كويس والناس هتفضل فاكراه بالخير وإني أنا كمان فاكراه، رغم إني مش فاكرة شكله خالص حتى بس قلتلها أيوه، ورغم عدم ايماني بكل اللي بتقوله. المؤمنين اللي زيها فضلوا يقولوا حرام تقولي كده ومتعيطيش ومتعمليش وقاعدين ع نفَسها، وجدو أول ما سمعها وهي بتعيط خرج يزعق ويعني كسم القرف بجد متخلينيش حتى أبدأ أتكلم عنه وعن أسلوبه ولا بنص جنيه مفهومية واحساس، ولا جه طبطب عليها ولا هداها ولا حضنها حتى، فضل ع الكرسي ممتعض من كل حاجة ومن تعبير الخلق عن مشاعرهم وحزنهم ويقولها لأ مش هيشوفوا بعض هو وأهله ولأ مفيش الكلام ده ولأ متقوليش يا أخويا تسيبني وتروح ولا تقولي الكلام ده -الراجل المؤمن اللي بيصلي في المسجد ويصم وداننا بصوته الوحش في الأذان- وخالو اللي يزعق ويقولها متعيطيش بقى ولا تفضلي تقولي كده احنا ماسكين نفسنا بالعافية! ما كسم تسيبوا الناس الحزينة تعبر عن حزنها!!! مش فاهمة يعني ايه تعرف إن أخوها اللي بتعتبره ابنها مات فجأة في يومين وهي مشافتوش من زمان عشان تعبها وعشان الكورونا وبتلوم نفسها ع كل ده وع تعبها إنها مبقتش تقدر تتحرك وأنت جاي بكل جلاخة تقولها متعيطيش ومتعمليش! يعني بأي حق ولا بأي دماغ! أنا تعبت من البشرية والبشر.

I think a big part of why people believe in any religion is that it offers them some relief and solace. Meaning that when it comes to big life questions you don't have to bother yourself with it, cause your religion offers you the answer or tells you that it's unknown and only God knows it and that it's better that way. And when it comes to death I think it's more consoling knowing that there's another life where you'll get to meet again, and that your loved ones are in heaven not rotting underneath the ground and eaten by worms without any chance to meet again. Religion gives you hope, so you'll keep doing what you're asked to do without feeling that it's all in vain.