بتخيَّل لو واحد اتجوز واحدة اسمها زينب أو واحدة تانية وخلفوا ولد اسمه علي وبعد الفطار قال "هحلِّي بصوابع زينب بقى" أو "الحلو النهارده هيبقى أم علي"😃 تيهيهيهي كيووووت!😃❤️

مستغربة نفسي أوي ومستغربة اللي حصل فشخ، وأكتر حاجة مدهشة بالنسبة لي هو تحوُّل الأفكار في دماغي عن نفس الموضوع من أفكار تقيلة بتقلقني من نومي وبتخليني أعيط وأنهار ووشي يبقى شاحب وهزيل، لفكرة منوَّرة وجميلة بتخليني أحس بسلام وأنام أحسن ومليانة حب ودفء ووشي وعيوني منورين! مستغربة فشخ والله ولسه مخضوضة شوية وبفتكر نفسي من أقل من أسبوعين وأنا عيني وارمة من العياط ومش عايزة أصحى وصوتي كله مكتوم ومعيَّط وكوابيسي وروتين إني كل شوية أراقب وأبص وأفكر وأجز على سناني، لدلوقتي والسهولة في كل حاجة. أنا ممتنة. مستغربة بس ممتنة.