Detour/s
Heto ka na naman, naglalakad sa isang madilim na eskinita. Saan ka nagmula? Saan ka patungo? Saan nga ba? Saan. Nahihirapan ka na naman. Ano na naman bang nagyari? Hndi ba talaga mawari? Oy. Umimik ka naman. Lumingon ka naman. Masakit ba? Hndi pa rin ba naghilom? Sa iyong pagtigil hinihiling mo rin bang ang nadarama'y huminto? Hmm.. Ipagpatawad mo, tanging ikaw lang ang may hawak sa nadarama mo. Lumingon ka sa likod, tignan mo nang maagi ang natahak mo. Nagsisisi ka ba? Oy. Sige na. Tama na. Wag na nating patagalin pa. Dalawang bagay lang naman ang susi. Ang matanggap mo na ang lahat ng ito'y base sa Kanyang plano. Natakda na umano. Sa daang dinaana'y may mga taong nakabangga at tinutumba ka hanggang sa 'di kana makatayo. Oy. Tapos na. Okay na 'yon. Patawarin mo na. Pakawalan mo na ang sarili mo sa kulungang ikaw din naman ang nagsimula.
Sa buhay, darating talaga tayo sa puntong napapagod. Okay lang naman 'yon. Ang mahalaga'y 'di ka hihinto.
