#25.4.2026

قلبي مكسور أوي عشان الفترة اللي هي كانت نونو فيها وبتلعب ولسه مبتتكلمش بس في قمة الكيوتنيس والجمال كنت أنا مسحولة في صدمة الموت. أي مرة بشوف صور أو ڤيديوهات ليها وقتها بلاقيني مش فاكرة أي حاجة غير الموت. ده قبل الموت، وده في حضرته (؟). مش قادرة أفتكر أي حاجة حتى لو أنا شايفة نفسي معاها في الڤيديو وبنرقص سوا كل اللي دماغي سامعاه "هو مات، هو مات، هو مات" وبعد سنين ببص للذكريات ومش قادرة أسترجعها. مش قادرة أسترجع أي حاجة من وقتها كل حاجة اتمحت تمامًا. أوقات بتمنى لو كانت اتولدت قبلها بكتير أو بعدها بكتير، لكن في حضرة الموت كل حاجة منسية وباهتة وبعيدة.

كل حاجة بخير طالما أنا مش حامل ولا أم. كل شيء تحت السيطرة طالما معنديش عيال.