#13.02.2017

   არსებობენ დღეები, სიმღერები და მელოდებივით ადამიანები, რომლებსაც ისე უცებ ისაკუთრებ, თვითონაც ვერ ასწრებ გაცნობიერებას. თითოეულ მათგანს ეგოისტურად ეჭიდები და ხანდახან შენსა და სამყაროს შორის იჭყლიტებიან კიდეც. ვერცერთის გაყოფას ვერ ახერხებ სხვისთვის, ვერ იმეტებ, მთლიანი შოკოლადის ფილა გინდა და არა მისი ნახევარი. პატარა ბავშვივით იკრობ გულში მაგრად და არ უზიარებ სამყაროს, რადგან გინდა მხოლოდ შენში ცოცხლობდეს იმ დღეთა მოგონებები, გონებაში ბექგრაუნდად დადებული სიმღერები და მთავარი პერსონაჟები.

   არსებობენ სიმღერები, რომლებიც შენს ყველასთვის უცნობ ისტორიებს ყვებიან. 

   არსებობენ დღეები, რომლებიც მთელ ფილმის უწყვეტ ფირს ქმნიან შენს გონებაში.

   და არსებობენ თითზე ჩამოსათვლელი ადამიანები, რომელთაც ამ ფილმს ანახებ, ისინი ერთადერთი მოქმედი გმირები არიან. 

   არსებობენ მომენტები, რომლებიც ამ ყველაფერს აერთიანებენ და მე მათ ვერ გაგიზიარებთ. ისინი მხოლოდ ჩემთვის მინდა, ისინი მხოლოდ ჩემს გონებაში უნდა ცოცხლობდნენ, იმიტომ რომ მათ მხოლოდ ჩემს თავში შეუძლიათ დაიდონ ბინა.

13.02.2017 Click Photo to see full Size Thank you for visit my Blog ☢ ☠ ☢ 💉Skygazer 💨💨 ✈✈