#072416

me:

Sisimulan ko sa tagpong nasa highschool pa kami. First year highschool, 2010. Bagong salta, hindi ko pa masyadong kilala. Wala pa nga akong pakialam sa kanya. Inaasar ko pa nga e.

Lumipas ang isang taon.

Eto na nga, second year highschool, 2011. Kasagsagan ng nagiging magka-in a relationship ang mga kaklase ko. Nahuhuli na ata ako sa tropa. Sakto, may event sa school at siya dapat ang partner. Kaso iba ang nangyari. Unang linggo, nagtapat ako. Pangalawang linggo, kami na. Hindi alam ang gagawin, una ko siya. Tantsahan na muna sa una. Balit kaagad sa classroom. Napaluhod pa para sagutin. Maraming away, mas madalas pa sa switch ng ilaw mag-on and off. Ngunit nakaraos naman.

Hanggang sa isang taon na ang lumipas.

Third year highschool, 2012. Isang taon na namin. Simpleng regalo hanggang sa pribadong regalo. Lahat ng una, walang kawala ngunit may limitasyon. Unang sayaw sa prom. Huling sayaw sa prom. Nakaraos sa pang-araw-araw. Mas maraming date kaysa sa dati. Malapit na talaga ang katapusan ng highschool.

Huling taong lumipas para sa highschool.

Fourth year highschool, batch 2013. Huling pagkakataon na magkasama sa isang paaralan. Huling sayaw na din sa prom. Huli taon na rin para magkita limang beses sa isang linggo. Isang maling hakbang ang nagawa ko. Napakapit sa tukso. Naging laganap ang pakikipag-usap sa iba't ibang babae. Nagalit. Umiiyak. Nainis. Siya. Sakin. Walang nagawa. Naging mahina ako. Sinuyo. Sinuyo muli. Sinuyo ulit. Naging maayos sa bandang huli. Subalit may humabol ng graduation, nag-away ulit at buti naman ay nagkaayos.