#؛

لو كل الأيام تمسح على قلب الواحد مثل هاليوم يا زين العيشة!

عارف شعور إنك... مش عارف إيه الحاجات اللي المفروض تبسطك، إيه اللي إنت عايز توصله.

إنت ماعندكش مشكلة تبدأ وتعافر وتتحمل، إنت مشكلتك الحقيقية في إنك مش عارف إنت عايز إيه.

طيب إيه في الفترة دي ممكن يحصل يخليك فرحان وسعيد وبالك رايق!

عارفين الإحساس المُلحّ جدًا اللي دايمًا بيقولك "ماينفعش تقف مكانك" بس إنت في نفس الوقت مش عارف تتحرك في إني إتجاه أو تتحرك عشان إيه من الأساس.

الأسوأ من دا لما تبص علي اللي في إيدك متلاقيش في إيدك حاجة ولا حواليك حد، لا أصحاب ولا علاقة واحدة أمنة تروحلها ترتبك، لا فلوس تسمح إنك تجازف وتفشل ولا شغف ينفع يتجدد تاني لأنك أساسًا مصطنعه عشان لحظات الملل واللاشيء تعباك.

عارف إحساس إنك في وسط كل الناس اللي ماشية "إنت واقف".

وفي وسط كل الصراع اللي جواك وكل التساؤلات.

إنت لازم تعمل حاجة حالاً.

عشان مش عاجبك حالك !

هو مين فرض إني مش عاوزة أصلًا وليه فرضوه؟ غريب تفكيرهم إني عاوزة اكرس حياتي للدراسة والشغل في حين إني أكتر حد بحب فكرة الجواز والإستقرار، أكتر منهم..

ليه محدش منهم بص من وجهة نظري إني لسه محستش لحد بالأمان طيب وإنه يكون وطن ليا ألجأ له وألاقيني بحكيله حتى لو أنا مش عاوزة أتكلم أصلًا..

ليه محدش بص إني خايفة اتعلق بحد يطلع مش هو ده النصيب وأخسر وأنا قلبي مدشدش وحده!!

نفسي يفهموا إني عاوزة يبقا ليا بيت وأحس بإحساس الأمومة وأكوّن أسرة أبقى حضن ليهم بعيد عن العالم ونخرج ونتفسح ونزعل ونعمل كل حاجه سوا