15 16

醫院給人印象通常是冷冰冰的白色裝修、濃得要人知道周圍已消毒的藥水味，莫講冇病冇痛，就算病人都不想久留。而今次專程由Copenhagen踏了一個鐘單車到第二個鎮Herlev(講到咁勁其實座火車只需唔使半個鐘)，參觀一間早在60-70年代已經行得好前的醫院。

幸運我能留在哥本哈根一段時間，話說公司在準備一個wayfinding項目，當中需要好多圓形的參考資料。其中老闆提到了一位戰後北歐好重要又好具爭議性的丹麥極簡主義藝術家Poul Gernes，曾經以佢前衛、鮮豔、有趣的風格幫超過150座丹麥建築物內外作畫(如Palads戲院外牆)，其中一座就係足足26層高嘅Herlev Hospital內部，被譽為「Denmark’s largest work of art」。是旅遊觀光未必會知及會去參觀的地方。

當時外面在進行新翼工程

大樓內外一貫丹麥現代主義建築風格，自然光跟暖光燈飾比例恰到好處

有一條Youtube片介紹Poul Gernes為Herlev Hospital裝飾嘅資訊，同佢當年的訪問。當中仲有受訪員工對Poul Gernes作品中圓圓的細節、鮮豔的顏色幾何，如何對病人及員工有正面幫助，可謂治癒系藝術呀。

另外，不得不提醫院的獨特wayfinding系統。顏色除咗裝飾外，仲係整座醫院分流系統的，由中央大堂進入開始，以A-R分開不同部門，再向上發展。

到訪時約10月上旬，是哥本哈根最好的季節，溫度不凍不熱約10多度，日照充足，溫暖下午陽光照射到連接眾大樓的主要走廊內，完全忘記身在醫院，完美結合建築及視覺藝術。

Poul Gernes 的裝飾充斥著整座大廈，不論天花槽位還是腳線

在哥本哈根每星期都有大大小小的展覽，有時走過小行不難發現有驚喜的展品。有日放工經過一間小Gallery ”Galleri LB”，正在展覽植物插畫。

瞬間被精緻溫柔的植物水彩畫吸引入內，遇見今次畫展的主人家Annette de Jonquières女士。

最後買了張簽名數碼印本支持一下，閒談間得知年介70的Jonquières已畫了30年植物水彩，她更將年輕時由住在巴、西曼谷再回到哥本哈根的故事講了一遍。難怪她的作品多為熱帶植物。

Jonquières更曾為丹麥郵局畫過兩次郵票系列，她說畫同印的版本不同，印刷印印唔到佢作品的感覺。原畫的確比較溫柔呀！

AARSTIDERNE 係哥本哈根很受歡迎的有機農產品供應商除農場有專門店外主要係訂購送貨，我工作的公司就每星期一都會訂一箱水果。不過其實走入任何一間超市都搵到有機農產。

跟同事提起在香港只要掛上「有機」2字都要賣貴一倍，同事就話依邊一樣會貴啲，不過唔少人都支持，一來有機二來係本土農產。

而今次老闆一家順便帶我參觀一下AARSTIDERNE農場不定時舉辦的農墟，到本農場HEA一朝，丹麥人的週末消遣，有嘢買有嘢玩有嘢睇有嘢食，正呀！

我老闆一家

地點位於 Louisiana 傍

農夫先生教人用神奇翻土棍

老闆推介的咖啡

我唔係一個孤高的美食家，但可以話真係好食啲好飲啲，又或者響個咁風和日麗嘅9月，哥本哈根好嘅月份，坐在郊外的櫈上，吹住微風，睇住啲細路喪玩，飲水都好飲啲。

佢地仲有唔同食譜連package box 訂購，填好幾多人份，拎返去跟住煮就有美味organic大餐了。

AARSTIDERNE

早前週末出遊，順路去了 Louisiana Museum of Modern Art (好出名的丹麥當代美術展館) 參觀。當時展緊 AFRICA - Architecture, Culture & Identity，一個展示南非/撒哈拉現今生活文化同建築的展覽。

見識少的我，前衛美術同非洲兩樣獨立睇都唔係吸引我畀錢入場的主因，最吸引係一個前衛美術館會點解構非洲呢? 對我而言，提起非洲往往第一時間諗起的，一定唔係前衛，硬要同前衛有關的，可能係一些「前衛」的時裝品牌某季用了非洲部落的某某花樣造的一堆天價時裝，跟非洲當地未必有直接關係。

而展覽內容主要圍繞7個題目(Belonging、Co-Existence、Expanding Cities、Making Space、Rebuilding New Communities、Building Futures)，當中最好睇係建築裝置同社區的關係，好非洲、好前衛、功能性、高技術底科技，完全唔離地。(由時間有限我又掛住睇，冇乜影相...) 好設計真的可以救一個城市。

p75

p138

p144

p162

真身:

p218

p254

以下係隨影: 

我好鍾意的一個非常細緻的大型模型叫 “Project for the Kinshasa of the third millennium”，由剛果artist Bodys Isek Kingelez 製作，以資本消費產品作物料組成的大都會，係佢對未來Kinshasa的素描。

最唔開心係見到有一大個booth係講非洲與中國，仔細睇發現唔對路。原來被中國霸權「救濟」之後存在好多去非洲化問題(當然個booth唔係咁寫)，但提到中國式重建用的係，中國物資、中國勞動力、中國設計、中國公司，感覺非洲似賣身妹仔，被老爺捉左入柴房⋯⋯非洲得到的唔係人民發展上的幫助而係硬登陸硬殖民。仲有中國大量賣「廉價」商品到非洲，嚴重打擊本土產物⋯⋯

Louisiana最好的地方係當你唔舍得用400港幣買場刊的話，佢有免費高清online版：http://quickpaper.rosendahls.dk/Louisiana/AfrikaUK/#/1/