RE.START

It’s the middle of the month

We’re still planning to outlast

All the time spent on our knees

Wishing we could somehow outrun

The first half of the year, hoping to throw out

All the dark days, the painfully slow nights

We’re in the second half of the year

And we’re also cut in between, cleanly

I swear your fears feel like my fears

Of walking in circles, braving storm clouds

We’re allowed to feel warm, it will soon thaw out

May mga Sabadong biglang madarama mong

Wala atang nagmamahal sa’yo

At walang-wala ka ng ganang isipin

Kung sa mga araw na iyon,

Wala ka lang gustong gawin

O wala ka lang talagang magawa

Parang mga bida sa simula ng mga pelikula

Ng movie studio na kabisado na natin ang formula

Pero hindi parin tayo nadadala at iniiskor pa rin natin

Ng waluhan kada-CD sa mga suki nating pirata

Imposible ko na atang maintindihan

Kung paano sa totoong buhay,

May makakatiis ulit-ulitin,

Ang mga deklarasyon ng “walang hanggan”

With matching “peksman”

Ng walang kahit konting pananawa

Ayokong mag-tunog kontrabida,

O yung kontra-bulateng extra

Na sumusulpot tuwing nasasaktan yung bida

Pero tanong lang,

Ilan na ba ang mga taong napagsabihan natin ng

“Sayong-sayo lang ako”

O ang mas gasgas na, “sigurado ako”

At ilang beses din bang

Binato sa atin ang mga linyang iyon ng pabalik

Na walang kapoble-poblema sa timing

May mga Sabado lang talagang

Dalawang pelikula ang kaya mong panoorin ng sabay

Isa iyong nakasalang sa screen

Kasabay nung mga bagay na masakit lang sa ulo kung iisipin

Kagaya ng kung ano sa Filipino ang mga buton sa remote

Lalo na ang mga tatsulok na nakaturo sa kanan, sa kaliwa

Dahil matagal-tagal kang tutunganga

Hangga’t hindi mo naiintindihan ang kaibahan

Ng laktawan, at ng sundan

O ang pinagkaiba ng ibalik sa ulitin

Dahil sa mga sabadong katulad nito,

May mga eksena talagang tumatalon-talon

Kadalasan nga, sa maling panahon

Parang maliliit na gasgas sa plaka

Dahil sa tunay na buhay,

Walang testing testing

At wala ring siguradong ending

Pero minsan, may mga Sabado ding

Kahit walang biglang pagbuhos ng ulan

At kahit walang kapit-bahay na kukulit sayong

Magbihis ng matino para mambulabog

Ng kasalan, o pag-alis sa paliparan

Magkakaroon ka ng lakas ng loob ipaglaban

Ang isang olats na tambalan

Na walang may pakialam kung magkakatuluyan

At walang papansin kahit maglaglagan

Ang mga ligaw na nunal,

At sobrang kapal na kilay

Kasi minsan, may mga Sabado ding kahit walang

Soundtrack na instrumental, o birit na emosyonal

Eh mahahanap mo ang mga tamang salita

At masasabi mong wala kang pakialam,

Kahit na paglaki mo, walang ni isang nagsabi sa iyo

Na pwede kang pang leading man, o leading woman

Dahil ang mahalaga, kahit gaano ka-gaspang,

Ay handa ang iyong mga kamay magpahila

Kahit saan, at kahit kalian,

Kahit sa isang sabado

na hindi ka sigurado