شروو

مكنش ينفع نفتح التلفزيون ولا نخرج ولا نتجمع حرصا يعني علي مشاعر اهل المتوفي اللي جنبنا.

بردو اما كنا ناكل ف الشارع كانت تبقي مصيبه، انه ازاي تاكلو ف الشارع و فيه غيركو ميقدرش يبقي معاه اللي معاكو.

-بردو حرصا علي مشاعر "المجهول".

لو كلنا فترات ف حياة بعض ف الناس دي فترة حلوة بجد و كل اما يجو علي بالي بدعيلهم

في تالته اعدادي كانت اول تجربة ليا مع وساخة المجتمع كان عندي اتنين صحابي اوي فجأة قلبو عليا و بقوا شايفين اني وحشة و مش جدعة و الكلام دا مش بس كدا دا راحو كمان يقنعوا اتنين تانيين مش صحابي ان انا وحشه و مش صاحبه جدعة . واحدة من الاتنين اللي مش صحابي قررت انها تتعرف عليا و تصاحبني عشان تتأكد بنفسها اذا كنت انا وحشة زي ما قالوا ولا لا، و فعلا بقينا صحاب اوي و البنت التانيه دي بقت صاحبتي بردو . المهم ان البنت اللي اتعرفت عليا ف الاول دي مبقتش تكلم البنتين اللي كانوا صحابي ف الاول و كل اما يحاولو يكلموها تقفل ف الكلام و مرة قالتلهم ف وشهم انهم كدابين و بيتبلوا عليا قامت واحدة منهم فاقت و رجعلها عقلها و اقتنعت اني مش وحشه فعلا و رجعت صاحبتي تاني و البنت اللي شردتني دي فضلت لوحدها كدا شهر تقريبا و دا خلاها تتأسفلي كذا مرا انها اتكلمت عليا و تتأسف للبنات اللي نقلتلهم الكلام دا و اعترفت لهم انها كانت بتحور عشان خلاف حصل بيني و بينها المهم العبرة من الموضوع دا اني مبقتش الوم اللي بيكلم عليا انا بلوم اللي بيصدقوه منغير دليل ولا وجه حق و يروح ينشر الكلام و يزود عليه . يعني مش اللي بيتكلم عليا هو اللي غبي اللي بيصدقوه و يروح يحكي لغيره هو اللي تعبان لو الناس فترات ف حياة بعض ف البنت اللي كدبتهم دي و سدت ودانها عن الكدب و تشويه السمعه دي اجمل فترة ف حياتي لحد دلوقتي

و لو كل واحد بيدخل حياتك عشان يعلمك حاجة ف بردو البنت دي علمتني اني مصدقش اي حاجة تتقال علي حد و اواجه الكداب بكدبه بمكن يتكسف و يبطل يجيب ف سيرة الخلق بالكدب

لو التاريخ بيعيد نفسه معايا تاني المرا دي انا اللي هسد وداني عشان انا عارفة انا ايه كويس و بجد بشفق اوي علي اللي بيفضل يغل و يحرق ف نفسه كدا و يروح يشكي لدا و دا و الناس تصدقوه و يغلوا كلهم سوا