the other side

Ginny: And I regret that everyday.

Kahit anong pag-iwas ang ginagawa ko, talo ako. Kasi nakikita ko pa rin ang sarili kong bumabalik sa'yo. Kahit anong pagpigil sa pagngiti ang gawin ko, talo pa rin ako. Kasi makita ko lang miski likod mo, nawawala na ako. Kahit anong gawin ko na pag-iwas sa mga mata mo, talo ako. Kasi alam ko na sa bawat paglingon ko sa'yo, tila kusa nang sa mata mo agad ako titingin. Nakakainis mang aminin pero pagdating sa'yo talo ako. At oo, hindi pa man nagsisimula ang laban ko para sa'yo, alam ko talo na ako. Kasi alam ko na wala lang naman ako sa'yo. At oo, malapit ko nang tanggapin ang pagkatalo ko. At pag dumating ang araw na natanggap ko na ang lahat, hindi mo mapapansin.. Unti-unti mawawala yung nararamdaman ko para sa'yo.

Naaalala ko pa nung bata pa ako, mahilig akong kumain ng cotton candy. Gusto ko pa yung kulay pink kasi ang cute tingnan. Naaalala ko pa kung paano akong umiyak noong sinabi ng tatay ko na bawal na kong kumain nun kasi unti unti ay nasisira na ang mga ngipin ko. Naaalala ko pa kung paano ako nakakatakas para lang lumabas ng bahay at bumili ng paborito kong cotton candy. Naaalala ko pa noong grade 3 ako muntik pa kong mabangga ng tricycle para lang sa cotton candy. Naaalala ko pa kung paano ako pinalo ng tatay ko kasi nahuli nya kong kumakain ng cotton candy. Pero nagmatigas ako at umulit pa rin ako. Paulit ulit akong bumili kasi masaya ako nang dahil sa cotton candy. Patulog na sana ako nang bigla kang sumagi sa isip ko. Mali. Lagi ka nga palang nasa isip ko. Katulad ng cotton candy na yun nung bata pa ako. Naaalala ko pa nung naging magkaibigan tayo. Mga kwentuhang pambaliw, mga awit at tawanan. Sobrang tamis katulad ng cotton candy. Naaalala ko pa noong unang beses na tumibok ang puso ko para sayo. Parang yung unang beses na natikman ko ang cotton candy noong nasa kindergarten pa lang ako. Nakakapanibago sa pakiramdam pero masaya. Parang may isang bagong piraso ang nadagdag sa buhay ko. Pero naaalala ko pa kasi noong isang araw lang... Hindi mo man sinabi ng direkta pero alam kong pinagbawalan mo ako. Katulad ng pagbabawal ng tatay ko sa pagkain ko ng cotton candy ang pinagkaiba nyo nga lang, wala kang iniwang rason. Katulad ba ng sa cotton candy ay dapat pa ba kitang ipaglaban kasi alam kong sayo ako sasaya? Katulad ba ng sa cotton candy ay kailangan ko ring tumakas sa reyalidad para lang makasama ka sa kahit saglit lang? Katulad ba ng sa cotton candy ay kailangan ko ring mapalo pa para lang mapagtanto ko na bawal ka talaga at masasaktan mo lang ako? Pero katulad kasi ng cotton candy na paborito ko ay napapasaya mo ako. Sumakit man ang ngipin ko noon nang dahil sa cotton candy.. Sumakit man ang puso ko ngayon dahil sa pagmamahal ko sayo.. Unti unti mang nasira at nabunot ang mga ngipin ko noon dahil sa cotton candy.. Unti unti mang masira at mawasak ang puso ko ngayon dahil sa pagmamahal ko sayo.. Katulad ng hindi ko pagsuko sa cotton candy na yon, hindi rin ako susuko sayo. Sa cotton candy nga hindi ako nagsawa, sayo pa kaya? --- PS. Maayos na ang mga ngipin ko ngayon kahit nakain pa rin ako ng cotton candy. Sana dumating yung oras na magiging okay pa rin ako kahit minamahal pa rin kita.

Nakakainis naman. Iniisip na naman kita kahit sinasabi nila na tama na.

Naniniwala ako na kahit imposible ay posible pa rin ang salitang "tayo." Mas malabo man ang salitang ito kaysa sa mga mata ko ay naniniwala pa rin ako. Naniniwala ako hindi dahil alam kong malapit na tayo sa isa't isa kahit ang puso ng bawat isa ay tila magkalayo ng milya milya, kundi naniniwala ako dahil sa nararamdaman ko na nag-aalab sa puso ko At naniniwala ako sa kung paanong sobrang lakas ng tibok ng puso ko tuwing nasa tabi kita kahit na ang isip mo ay nasa iba At naniniwala ako sa bawat magkislap ng mata mo sa tuwing tinititigan ko ito na daig pa ang bituin kung magningning At naniniwala ako sa bawat salitang sinasambit mo na kahit minsan ay masakit ay tinitiis ko dahil naniniwala ako sa posibilidad na lilingunin mo rin ako katulad ng pagtingin mo sa iba At naniniwala ako at patuloy na maniniwala ako at talagang naniniwala ako na kahit ang sakit sakit na ay ikaw pa rin talaga Ikaw lang talaga Ikaw pala talaga At naniniwala ako na kahit magtapos man ang tulang ito ay hindi matatapos ang nararamdaman ko para sayo at naniniwala ako na maaaring maging ganito rin ang takbo ng damdamin mo At siguro sayo ay mali ang pinaniniwalaan ko pero pasensya na mahal, mas naniniwala ako sa ideya na naglalaro sa isip ko kaysa sa reyalidad na harap harapang sumasampal dito mismo sa aking puso Hindi man tugma sa pinaniniwalaan mo ang pinapangarap ko, maniwala ka sana na maghihintay ako.. Maniwala ka sana na totoo na mahal kita. Maniwala ka sana na totoo ang aking pagsinta. Maniwala ka sana katulad ng paniniwala ko sa salitang tayo. ----- inspired by Juan Miguel Severo's "Naniniwala Ako"