SAYAF

في صباح الخميس ٤ يونيه ٢٠٢٦ تم الانتصار على ميلينيا بعد ما كرهتني في شيء اسمه الدن رينق .. خالص التحيات

سبايدر مان عمره ٦٢ ويالله يتحرك. وقصة يكفيها فلم ساعة ونص بدل مسلسل ثمان حلقات، وشخصيات ثقيلة طينة، ولا أدري وشلون العالم عاجبها؟

السبعة الايام الباقية من الاجازة بيعوث فيني ذا، ولا عندي سرعة بديهة الصغار، احترم اعمارنا شوي يا ميازاكي واعطنا فرصة

بعد زيارة موريشيوس سجلني من عشاق الجزر والطبيعة والماء واسحب على المدن والخمسين مليون خطوة في اليوم. جميع الصور بدون حبة فلتر، كلها من ربي سبحان المبدع.

🔉💛💙 نعيم شوفة هالنادي ينتصر

الله يبارك بعمرك والله سعادة مبكية 😞😞😞😞💛💙💛💙🏆🏆

امس حاضر المباراة والعالم طالعة كلها فاقدة الامل تماما، الاساس ان الدوري بتاخذه اسرائيل والامل البسيط ان عيال ال *** يسترجلون ويجيبون الدوري ذبحني هالفريق سيناريوات قاتلة مليون نهائي ولا فيه فايدة .. تعبنا

من الخميس إلى اليوم الله لا يسفهنا فوق خمسة وعشرين ساعة، اعصابي تلفت، شيء غير منطقي وغير معقول، واكتشفت اني رجل اسطوري لان التلفيل دمار وما افهم في البيلدات الا الاساسيات ولا من هالأشياء اللي بالقوائم شيء، يمناي سلاحي وقوة دحرجة ورووووح يبو شهري .. كلهم تم جلدهم بنجاح والان الثلاثيني لا يملك اعصاب وخصوصا مع ما يفعله النصر فيني 😞

المشاهدة الرابعة مدري الخامسة، وفي كل مرة تحفة تحفة لأفضل فلم يصور شعور الحب وكيف يحوس الإنسان الطبيعي ويبهذله بطريقة شديدة الواقعية وبأشخاص عاديين في وضع اجتماعي بسيط وطبيعي. أفضل فلم رومنسي من ظهر شيء اسمه سينما وقفل على الموضوع. الانطباع ما تغير طوال هالسنين.

إعادة مشاهدة للفلم في السينما بعد ما اتاحوه للمشاهدة، ولي سنوات شايفة وناسي تفاصيله واستغليت وقت الفراغ وشريت تذكره والحقيقة إني بعد ما طلعت من الفلم جاني سؤال وش الشيء الجوهري في الفلم جعله بهذي الشهرة؟ والحقيقة ما وجدت شيء في الفلم يجعله يستحق كل هذا المديح، الفلم طبعاً ليس سيء أو جيد بل ممتاز لكنه يفتقد لصفة الفلم الخالد، لمدة ثلاث ساعات وشوي الشخصيات سطحية لأنه أعطى كل شخصية الوقت نفسه في الظهور، فما فيه شخصية تتأثر معها، مثلاً موت سوني قبل ما يموت هو ما ظهر بشكل يجعلك تشعر بفقدان شخصية مهمة ومؤثرة، العكس صحيح، لما صار فيه تركيز على مايكل (ال باتشينو) في اخر ساعة من الفلم، اصبح الفلم أكثر متعة وإثارة، مع ذلك الفلم كامل كأنه لقطة بانورامية لعائلة مافيا بقصة بسيطة عن الانتقام بين العوائل الخمسة، وكأن الفلم كامل مقدمة لجزء قادم، فإذا أُخذ بشكل مستقل يكون فيه شيء ناقص. والفلم تصاعدي من البداية إلى النهاية، لكن البيك كان في النهاية مع صبر طويل على ساعتين وشوي بدون قيمة تذكر الا من بعض المشاهد وتمثيل براندو العظيم. الصورة في الفلم كذلك ليست فنية بالشكل نفسه مثلاً في "حدث ذات مرة في أمريكا" وغيرها المهتمة بنفس الحقبة. وقد يكون سبب الشهرة والحب لدى الكثير أن هذا الفلم فتح الباب لكثير من أفلام المافيا بعد ظهوره.