Reise Vietnam/Indonesien

Schöni Überraschig s ZH am Flughafe 😍😍😍

Teil 2 😝

Selamat tinggal asia! It was an amazing trip with lot‘s of beautiful landscapes and people! Ich bi so froh und dankbar, dass ech so ne unvergässlichi Reis ha döfe mache! It‘s time to go home...

Wuooo! Bangkok isch ja doch en cooli Stadt! Ich bi zwüschetinne mal churz hie gsi und ha hauptsächlich d „Khaosan road“ gseh ka, wo sehr touristisch isch. Das hed mer ned so gfalle. Aber ez hani en ganz anderi Siite vo Bangkok gseh und muess säge, das gfallt mer mega guet hie. Bi natürli eine vo dene villne buddhistische Tämpel go aluege „Wat Arun“, mega schön. De hani d Thea troffe, en Kollegin us Dütschland, wo mer zäme s Praktikum bim Daimler gmacht ka hend. Mit ihre simer an w-end Märt „Chatuchak“ go shoppe. Das esch de gröschti märt woni jeh gseh ha, det heds eifach aaaalles ka wo me so brucht und nid brucht! Sogar so armi in Plastiksäck abpackti Fisch, woni normalerwiis bim Tauche im Meer ha gseh 😰.

Mmmmh isch das es kulinarischs Highlight gsi! George Town in Penang isch super bekannt für guets Ässe! Ha sooo z vell gässe, es isch so guet gsi 😋 Näbscht em super feine ässe, heds cooli Streetart ka. En sehr stylischi Stadt! Ez gads ab nach Bangkok, mini letscht Station! 🚀

LOVE ❤️

So tolli Mönsche woni hie begägne! Ha en Flug ka a neme spate Nami, nach 3 Stund Warte am Gate, hends eus gseit, dass de Flug annulliert wird und erst am nöchste Morge de nöchsti Flüger gaht. Bim Abkläre für zum s Ticket wächsle, hani en Indonesier könneglernt. Er hed mich gfragt, ob ich zu sinere Familie Hai will go schlafe und ich so zerscht “nei nei danke”. Dena hed er mer abote mich zum Hotel z fahre, sini Frau chämi ne go abhole. De hani dänkt, ok, wieso ned 😅 wo sini Frau und sini zwoi chind sind cho, hed sini Frau mech au no 10 mal bätte, dass ich zu ihne ga go schlafe, de hani ok gseit. Mer hend zäme s znacht ka und eus mega unterhalte. Sin sohn, de Arga, hed mini hand gar nüme los gla. Es isch soooo härzig gsi und mega schön bi dene deheime z sii. So guetmüetigi Mönsche! Uf de Togian Islands hani au en neui besti kollegin, d Azizah. Mer hend ihre 10ti geburi gfiiret und ihre UNO gschänkt. Hend dena natürli permanänt müesse UNO spile. Defür hed Ihres Mami eus mit Kokosnüss verwöhnt 😍

Wow, ha hie die schönste Tauchgäng erläbt! Ha es schwangers Seepfärdli gseh 😍 Hie gids en sälber bastleti Wiehnachtspalme anstatt en plastik Wiehnachtsbaum. Bi dene Temperature passts irgendwie ned is Bild 😅 Und ha au min lieblings Starbucks store gfunde 😂 Byebye Bunaken und Siladen Ich muess nomal „gschnäll“ zrugg ufd Togian Islands 😜

Ooou shit! S Universum meints grad guet mit mier 😅 ich ha mer für 3 nächt es Zimmer online buechet uf nere Insle a neme Beach Resort, wo chli tür isch gsi. Ha dänkt “fuck it“, ich gönn mer das ez eifach - 50€ pro Nacht, Halbpension - suscht hani uf dene Insle ame so 20€ pro Nacht Vollpension zahlt. De bini det acho mit em Böötli am Stand - de Manager chunt mer mit neme Cocktail entgäge (ha sit 1,5 Mönet ke Cocktail meh ka, wills das hie nid gid! Bi nume am Bier trinke 😅) De seit er so, ich ha drü Überraschige för dech: 1. s Resort wo du reserviert hesch isch grad im Umbau, drum dafsch i eusem no luxuriösere Resort bliibe. 2. anstatt es Zimmer, bechunsch es Strandbungalow mit Ussicht ufs Meer! 3. anstatt Halbpension machemer Vollpension! Ha nüme chöne 😂 ech zahl 1/3 vom Priis, was das eigentlich wärt wär! Es isch en wunderschöni alag mit allne erdänkliche Details. Aaaaawww Life is good!

Bye bye Togian Islands! Mis bisherige Highlight uf de Reis! Unglaublich fründlichi und glücklichi Mönsche, härzlichi und familiäri Unterkünft, wunderschöni Stränd, Koralleriff und Ussichte!

Uf Erkundigstour uf nere andere Insle i de Togians hend eus die süesse Dinger chli unterhalte 😂 d kids müend vo ihrem Dorf täglich über die lang Holzbruck laufe für id Schuel uf de ander Insle.

Willkommeni Abchüelig im Salzwassersee uf em Vulkan.

3rd stop uf de Togians isch d Vulkaninsle Una Una gsi im „Pristine Paradise Dive Resort“. Det hani en coole Schwiizer, Holländer und en Amerikaneri könneglernt. Mit dene simer go Tauche und zum Vulkankrater dur e Dschungel ufeglaufe. Es isch huere heiss gsi det obe und me hed s gas gseh und ghört uslaufe. Überall isch Rauch usecho und heisses Wasser. Sehr geili Wanderig gsi!

2nd stop uf de Togian Islands isch Malenge gsi i de Unterkunft „Sera Beach“. Det simer mit de Maria zäme higange. Das sind 5 Stund Bootsfahrt mit Zwüschestopp a neme See gsi mit 100te vo Quallene dinne. Leider hani ke Foti devo. Det simer dri go schwümme, aber die Quallene sind ungföhrlich gsi. Gliich steub gsi dur so vill Quallene zschwümme und dene azcho 😅 Sera Beach isch wunderschön gsi. Stundene im Wasser verbracht und am Sunneuntergäng gnüsse.

Boot-trip mit de Delphine 😍

1. stop on the Togian Islands was Bomba. Im Bungalow Resort „PokiPoki“. Super schöne und chillige Ort gsi! Oft i de Hängematte gläse, mit de Jungs uf Bootstour, mit de Maria am „poser-föteli“ am mache (p.s. d Maria isch Mexicaneri und eifach zum todlache gsi, so ne luschtigi!)