Made Worthy.

(DISCLAIMER: Photo is not mine.)

Dear future wife,

2016 na. Alam kong mahabang panahon na ang lumilipas pero sana naghihintay ka pa rin. Marahil naiinip ka na pero sana huwag kang mawalan ng loob. Kung nasaan ka man ngayon sa buhay mo, sana inaantay mo pa rin ako. Ok lang maging single. Wag kang makikinig sa kanila, kasal na naman tayo by faith. :)

Habang di pa tayo nagkikita, ang hiling ko ay sulitin natin itong pagiisa. Pagiisa kasama si LORD. Pagiisa na mawawala kapag tayo'y nagsama na. Alam mo bang sobrang daming gustong sabihin sa'yo ni LORD? Alam mo bang sobrang dami pang gustong ituro sa'yo ng Panginoon? Katulad na lamang sa akin. Sana sa ating pagiisa madiskubre mo ang mga iyon. Hayaan mo, dinidiskubre ko pa rin iyong sa akin. Madami pa rin akong dapat matutunan. Medyo alanganin pa faith ko. Medyo di pa ako faithful sa commitments ko. Medyo di pa ako ganon kadisiplinado. At marami pang iba. Pero sana ikaw ay “willing to wait” ika nga nung cashier sa isang high-end restaurant na ilalabas lang ang pagkain kapag well done na siya. ;) Let’s strive to be pure everyday, para sa Panginoon.

Lagi mo rin sanang tandaan na hindi ako ang prize mo. Dadating naman ako eh. Hindi naman ako yung talagang inaantay mo. Alam naman natin na sa piling ng Panginoon lamang ang pinakadulo nito. Ngunit sobrang sayang isipin na kapag nagisa na tayo, may makakasama na ako sa pagtakbo papalapit sa Maykapal. Ikaw yun. At sa pagsasama natin, marami pang ituturo ang Ama naten.

Excited na ako for you. Galingan mo sa school, ministry, at work. Ako rin, gagalingan ko! Continue to glorify God, magkikita rin tayo.

Pipigilan ko munang kantahin yung inihanda kong wedding song para sayo. Sa ngayon, ikakanta ko yung best ko sa Panginoon. Sana ikaw rin. Naghihintay.

Your hopelessly romantic future husband

(via https://www.youtube.com/watch?v=WYZLzB1VKhw)

“Beauty for ashes, You find the weak and contrite heart Shoulder its burdens and carry it into the light”