Manar Mohamed ☘

بس بعد ما تيجي

امتى أكتر وقت بتحسي فيه بالوحدة؟ لما السما بتضلم والناس تدخل بيوتها والنجوم تطلع، في الليل أغلب دوشتهم بتسكت وصوت دقات قلبي والساعة بيعلى.

أنا بخاف من صوت الساعة أوي وصوت قلبي كمان..حط إيدك على بطني، حاسس بإيه؟ وأنا كمان بحبك.

صوت العصافير جميل بس صوتك أجمل.

مسكت شعري وباسته ومسحت على راسي، أنا متأكد إنها بتحبني.

أنا ماليش مكان إلا قلبك.

شكل رجلك وإنتي بتلفي حوالين نفسك بالفستان شبه لعبة كنت بلعبها زمان، الاتنين بيدوخوني.

احنا كده، جينا لقينا كل واحد فينا هو التاني.

خرجوني من هنا.

اسمي جميل من شفايفك.

إنتي هادية كده ليه؟

وسيبني أحلم سيبني.

كانت بتمشي تبص لنفس الشوارع بعيونها فأحس كل حاجة جنبها بألوان جديدة وريحتها هي، وكل مرة كانت بتختارلي الطبق الأجمل، حلمت إننا بنرقص تحت المطر.

إنتي شعرك ريحته طيبة زيك.

بصت في عيني وضحكتلي، فضلت طول الطريق ساند راسها بإيدي ومبتسم، أول مرة أشكر ربنا إن ليا كتف.

أنا مابحبش ريحة السجاير بس فيك حبيتها.

بطلت أقطع شعري بإيديا بس بصرخ في المخدة لحد ما صوتي يروح.

وقلتيله إنك بتحبيه؟ إديتله بونبون وبوسته على خده ضروري يكون فهم.

أنا هجمع ضحكاتك وأسمعهم وقت ما أزعل يصالحوني.

دي تبقى كوباية شاي لذيذة بشكل!

ضهرك لايق يكونله جناحات.

ماهو لو كنتي غزالة ماكناش هنعرف نبقى صحاب.

ماتزعليش على وقت جميل فات وخلص.

طب ما تقولي اللي في بالك علي طول.

ولا جيت هِنا

إن الحب دا ممكن يحصل في أي وقت وبين اتنين مكنش ممكن إنهم يتقابلوا..