كلجن جذابات.. كل ما اكعد ويا وحدة بيكم تبدأ تتفوه بكلام فارغ ما منه هدف و غرض واضح
"اني وحيدة .. معندي احد بصفي احتاج احد وياي"
اني جاية اصادقج يوم هيج تكولين الي كل الراح افكر بيه ان هذا طلب منج الي انني اواسيج احضتنج أو اكون انسية وحدتج بس الحقيقة يوم اقدم الج هل الشي بكل بجاحة توضحين الي انج ما محتاجة هل الشي و ما طلبتيه مني و بطريقة غير مباشرة تشوفيني انج عندج من قدم الج هل الشي
لعد شنو هذا التمسكن؟ اني ما زادني أو نقصني شي سويت العليا
بس ناكر الجميل و التحوير مالكم بطوله
لأن ويا الوقت فهمت ان هذا اسلوب متعمد كلهم يستخدموه وقت يريدون يتقربون من شخص
اليضحكني من يجي احد هسه يقرأ هذا الكلام عباله دا احجي عن بنت معينة أو محددة
بس الواقع اني بقاربة ال75% من البنات الحاولت اكون صديقتهم هيج جانت قصتي بالحرف وياهم.. مو مجموعة بنات حرفيا كلهم مروا بيا بمراحل مختلفة
هل الشي كلش يقهرني يحسسوني اني شخص ممل و مو مفيد غير بالنصائح و النقاشات و يوم اقدم الهم مشاعري و اخذ راحتي يتعبروه ازعاج الهم
وحدة منهم وصفتني بانني جات جي بي تي بالنسبة الها كونني وصف و كلام دقيق كل حالة تحتاجها و دوم اسمع فضفضتها:(
اخر ما تذكرت تحجي وياي الا من امها ما قبلت توديها لدكتور نفسي
هاي المواقف و غيرها من المواقف البسيطة بدوا يعززون شعوري بان هم ما يريدون مشاعر، ميانتي أو معرفة شخصيتي بل كل بساطة يريدون شخص يطبطب الهم و قدم كلام مفيدة ما بيه زايد او نقاصان
و صراحة ما عرفت افسر ليش اني بالذات يختاروني لهيج شي يمكن اني وجهة نظر للموضوع كلها غلط او يمكن اني فعلا اقدم للناس بدون ما يطلبون
شكد احاول ابين هل الشي حلو و أكول ميخالف هم يعتمدون عليا و يعتبرونب كملجأ وقت الشدة
بس مع الأسف بس يكونون احسن ينسوني
و يمكن اكثر شي جنت اخافه بصغري انني اقدم و اسوي و اودي و اجيب و بالاخير ما يبقى اثر لا الي و لا لتعبي
من صغري اني مدركة ماكو شي يدوم على حاله و ان لو شما صار و شما حاولت يجي يوم و تتغير الظروف و مكاني ما يظل مكاني
فجنت بدال ما احاول الكى مكان استقر بيه .. مكانتي بين الناس و صورة ثابت عن هويتي كدام اهلي و ناسي جنت وين ما اروح احاول اترك أثر ايجابي
و أكثر وصف انوصفت بيه من الحاولية انني سلبية برغم من محاولاتي لطبع أثر إيجابي
و البعض منهم جان صريح وياي و بكل لطف و بعد كل محاولتي كالوا الي انني وحدة من العوامل الجان الها دور جبير بتدمير حياة و البعض من دون لف و دوران و بكل وضوح كالوا الي ديمة انتي سبب دمار حياتنا
ليش؟ يمكن كلامي يبيني كلش مسكينة بس ترا اني هم مرات اجرح بكلامي و مرات اتعدم أوجه حقائق جارحه لا يمكن نكرانها بوجهي الكدامي
أني سيئة و معترفة بهل الشي بس ماكو شي بيه سيئات ما بيه حسنات
احسني مو سيئة لدرجة اكون هلكد منسية و مهجورة
يمكن ببعض حالات استحق النسيان و الهجران.. بس مو دائما
المشكلة هنا عبالك كل شخص يمر بطريق نهايتنا حتمية ام بنسيان أو هجران
عبالي اذا حبيت الكدامي أكثر راح أكدر احافظ عليه لمدة أطول بس مد يفيد أطول صداقات عندي و ما أكدر انساهن طولهن بالاكثر سنتين
عوفوني ميخالف بس لاتنسوني
