KURDDOST

چۆن وادەکەیت پۆستی کەسێك نەبینیت لە ئینستاگرام بەبێ ئەوەی پێیبزانێت؟ ئینستاگرام تایبەتمەندییەکی زیادکردووە کە ڕێگەدەدات پۆستی هەندێك کەس نەبینیت و نەیەتە ناو لاپەڕە سەرەکییەکەتەوە، ئەمە بەبێ ئەوەی ئەو کەسە پێیبزانێت. ماڵپەڕی "العربیة" بڵاویکردووەتەوە، بۆ نەبینینی پۆستی کەسێك لە ئینستاگرام دەتوانیت تایبەتمەندی "Mute Posts" بەکاربهێنیت، بەمجۆرە: لە سەروو هەموو پۆستێکدا سێ خاڵ هەیە، کە دەستی پێدادەنێیت چەند هەڵبژاردنێكت دەداتێ وەك (Report،Embed، Mute)، بۆئەوەی پۆستەکە نەبینیت دەتوانیت(Mute Posts) هەڵبژێریت یان (Mute Posts and Stories)بۆئەوەی پۆست و ستۆریش نەبینیت. هەروەها بۆ نەبینینی تەواوی بڵاوکراوەکانی بەکارهێنەرێک دەتوانیت بچیتە سەر لاپەڕەی تایبەتی ئەو بەکارهێنەرە و ئینجا لەوێدا لەسەر سێ خاڵی لاتەنیشتەوە (Mute Posts)هەڵبژێریت و چیتر بڵاوکراوەکانی نەبینیت https://www.instagram.com/p/BnE3SKUnPy9/?utm_source=ig_tumblr_share&igshid=1runsuag0bgmf

بۆچی نابێ لەبەر پانکە بخەوین؟ خەوتن لەبەردەم پانکەدا چەند زیانێکى تەندروستى بۆ مرۆڤ لێدەکەوێتەوە. ڕۆژنامەى "میترۆ"ى بەریتانى بڵاویکردەوە، خەوتن لە شەودا و لەبەردەم پانکەدا هەندێک کێشەى تەندروستى وەک هەستیارى "حەساسیەت" و ڕەبوو و سوتاندنەوەى ماسولکەکانى لێدەکەوێتەوە. ڕۆژنامەکە ئاماژەى بەوەش کردووە، پانکە پێستى کەسى خەوتووش وشکدەکاتەوە. شارەزایان ئەوەیان خستوەتەڕوو، پلەى گەرماى گونجاو بۆ خەوتن لە نێوان ١٦ بۆ ١٨ پلەى سەدیدایە. شارەزایان ئامۆژگارى ئەوەش دەکەن، ئەوانەى لەبەردەم پانکەدا دەخەون باشترە لەسەر ڕاخەرى لە لۆکە دروستکراو بخەون و جلوبەرگى فراوان بپۆشن و ڕیژەیەکى باشى ئاویش بخۆنەوە. https://www.instagram.com/p/BnEhdxTnhqG/?utm_source=ig_tumblr_share&igshid=nxjlz6387771

سێکس و ترسناکترین جۆری سێکس پزیشکان هۆشداری دەدەن لە ئەنجامدانی کرداری سێکس لەڕیگەی کۆمەوەو ئاماژە بەوە دەکەن ئەو جۆرە سێکسکردە هۆکارێکی سەرەکییە بۆ گواستنەوەی نەخۆشییە گوازراوەکانی وەک ئایدز . لە توێژینەوەیەک دا کە لەیەکێک لە زانکۆکانی ئیتاڵیا ئەنجامدراوە، دەرکەوتووە، ” سێکس لە رێگای کۆمەوە دەبێتە هۆی زیانگەیاندن بە ریخۆڵە یاخود کۆم، لەوانەش بریندار بوون، خوێنبەربوون”. هەروەها باس لەوەشدەکات،” ئەگەر کەسێک مایسیری یاخود هۆرۆمهۆیدی هەبێت، ئەوا دەبێتە هۆی هەوکردنی مایسیرێکەی و هەندێک جاریش وروژاندن و خوێنبەربوون”. بەپێی توێژینەوەکە،” ئەگەر کۆم چەورنەکرێت ئەوا سێکسکردنەکە زیانی دەبێت و ڕەنگە ببێتە هۆی برینداربوون و دڕانی کۆم ئەمە جگە لەوەی بۆنێکی ناخۆشیش جێدەهێڵێت”. لە لایەکی دیکەشەوە پزیشکان بە هەموو شێوەیەک کرداری سێکسکردن لە رێگەی کۆمەوە رەت دەکەنەوە، چونکە ئەگەری زۆرە لە داهاتودا دەرچەی کۆم شل ببێتەوە، بەوەش کەسەکە پاش ماوەیەک نەتوانێت پیسایی رابگرێت. سەرەکیترین زیانە مه‌ترسیداره‌كانی سێکس کردن لە ڕێگەی کۆمەوە : یەکەم- سێکس لە رێگای کۆمەوە هۆکارێکی سەرەکییە بۆ گواستنەوەی ئەو نەخۆشیانەی کە لە رێگای سێکسەوە دەگوازرێنەوە , ئەگەر ئەو کەسەی سێکسی لەگەڵ دەکەیت هەر نەخۆشیەکی هەبێت، ئەگەری گواستنەوەی زۆر بەرزە بەتایبەت ئایدز. دووەم- سێکس لە رێگای کۆمەوە دەبێتە هۆی زیانگەیاندن بە ریخۆڵە یاخود کۆم، لەوانەش بریندار بوون، خوێنبەربوون بەتایبەت ئەگەر لە رێگای کرێم، رۆن، جێڵ چەور نەکرێت، ئەوە مەترسیەکانی زۆر زیاترن. سێیەم- ناو کونی کۆم زۆر هەستیارەو دەماری خوێنی زۆری تێدایە، کە زۆرجار بەهۆی سێکس توشی زیان دەبن لەوانەش بریندار کردن و دراندن. بۆیە هیچ شتێک مەخەرە ناو کۆمتەوە ئەگەر لوس نەبوو، یاخود هیچ شتێک بەکارمەهێنە ئەگەر توانای کۆنترۆڵکردنیت نەبوو، چونکە حاڵەتی زۆر لە نەخۆشخانەکاندا روویانداوە کە کەسەکە خۆی نەیتوانیوە ئە ئامێرە دەربکات کە خستوویەتیە ژوورەوە. چوارەم- ئەگەر کەسێک مایسیری یاخود هۆرۆمهۆیدی هەبێت، ئەوا دەبێتە هۆی هەوکردنی مایسیرێکەی و هەندێک جاریش وروژاندن و خوێنبەربوون. لە کۆتایدا، باشتر وایە خۆتان بە دوور بگرن لە سێکس کردن لە رێگای کونی کۆمەوە چونکە مەترسی تەندرووستی زۆرە و چێژ بە هاوژینەکانتان نابەخشێ تەنانەت زۆرجار ئازاریشی بۆیان هەیە.

بەم ڕێگایە ھاوسەرەکەت بۆ ھەتایە خۆشیدەوێیت زۆربەی ھاوسەرەکان لە سەرەتای ژیانی ھاوسەرێتیدا خۆشەویستییەکی بەھێزیان ھەیە بەڵام بەتێپەڕبوونی کات ئەم خۆشەویستی و پەرۆشییە کەم دەبێتەوە، ھەندێک جار ئەم دۆخە زیان بە پەیوەندییەکە دەگەیەنێت و ھاوسەرەکان دەخاتە ھەڵەوە، بەڵام ژنان دەتوانن زیرەک بن و بە کردنی چەند کار و ھەنگاوێکی سادە ھەمیشە ھاوسەرەکانیان بھێڵنەوە و خۆشەویستی و پەیوەندییەکە ساڵ بە ساڵ جوانتر و پتەوتر بکەن. پێنج ھەنگاو ھەیە گەر بیگریتە بەر ئەوا ھاوسەرەکەت بۆ ھەتایە خۆشیدەوێیت: １- دڵنیابە لەوەی ھەمیشە ھاوڕان: ئەمە گرنگترین ھۆکارە وابکات خۆشەویستی بەردەوام بێت و پەیوەندییەکە بۆ ماوەیەکی درێژ بمێنێتەوە. ２- ئەو کەسە بە کە بتوانێ متمانەت پێبکات: بۆ بەستنی پەیوەندییەکی بەھێز دەبێت وایلێبکەیت ھەست بکات دەتوانێت ھەموو شتێکت پێ بڵێت. ３- دڵنیابە لەوەی ھەمان زمانی خۆشەویستی قسە دەکەیت: کلیلی تێگەیشتن ئەوەیە خۆشەویستی بەھەمان ئەو شێوازە وەربگریت کە ئارەزووی دەکەیت پیشانی بدەیت. ４- ئاستی پابەندبوونی لەگەڵ خۆت بگونجێنە: ھەمیشە ڕامەکە بەدوای ھاوسەرەکەتدا، نابێت لەناکاودا ھەوڵبدەیت لە گشت لایەنێکەوە ھاوسەرەکەت زۆر جددی بێت لەگەڵتدا، کاتی بەرێ تاوەک ڕادێت لەسەر پەیوەندییەکە. ５- ژیانی خۆتت ھەبێت لە دەرەوەی ئەو پەیوەندییە: گەورەترین ڕاستی دەربارەی پەیوەندییەکان ئەوەیە ناتوانێت ھەموو شێک بێت، پەیوەندی خۆشەویستی و ھاوسەرگیری بەشێکە لە ژیان نەک ھەموو ژیان، تۆش دەبێت ژیانێکی خۆتت ھەبێت لەڕووی کۆمەڵایەتی و پیشەییەوە

بزانە چرچی نێوچەوانت چی ئاشکرا دەکا لەسەر تەندروستیت توێژینەوەیەکی فەڕەنسی دەریخستووە، پەیوەندییەکی بەهێز هەیە لە نێوان ئەو هێڵە قوڵانەی لە ناوچەواندا هەن لەگەڵ ئەگەری تووشبوون بە نەخۆشییەکانی دڵ و جەڵتەی مێشك. ئەو توێژینەوەیە کە ٢٠ ساڵی خایاندووە ئاماژەی بەوداوە، ئەو کەسانەی کە هێڵی قوڵ لە ناوچەوانیان هەیە ئەگەری هەیە بە ڕێژەی %١٠ بە نەخۆشییەکانی دڵ و دەمارەکان گیان لەدەست بدەن. لەو توێژینەوەیەدا کە پشکنین بۆ داتای ٣٢٠٠ کەس کراوە کە تەمەنیان لە نێوان ٣٢ بۆ ٦٢ ساڵیدا بوو، لەسەرەتای توێژینەوەکەدا بەگشتی تەندروستییان باش بوو، بەڵام بەپێی قوڵی هێڵەکانی ناوچەوانیان نمرەیان بۆ دانرا. زانایان بۆیان دەرکەوت ئەو کەسانەی کە هێلی کەم لەسەر ناوچەوانیان هەیە کەمتر ئەگەری تووشبوویان بە نەخۆشییەکانی دڵ هەیە، بەڵام ئەو کەسانەی کە هێڵی قوڵتر لەسەر ناوچەوانیان هەیە ئەگەری تووشبوونیان بەو نەخۆشییانە بە ڕاددەی ١٠ جار زیاترە بەراورد بە کەسانی دیکە. پەیوەندی نەخۆشییەکانی دڵ و ناوچەوان بۆ  ئەوە دەگەڕێتەوە، دەمارەکانی ناوچەوان زۆر وردن و لە هەستیارترین دەمارەکانن، بۆیە کاتێك کێشەیەك لە دڵ یان دەمارەکاندا هەبێت ئەوا بەڕاددەیەکی زۆر کاریگەری لەسەر ئەو دەمارانە دەبێت

بینەری تەلەفیزیۆنەکان ببە لە کورددۆستەوە و ڕۆژانە پەخشی ڕاستەوخۆی یاریەکان بە فوول HD لە کورددۆستەوە ببینە...شەیەری بکە و هاوڕێکانت تاگ بکەhttp://kurdost.com/