Thinker. Seeker. Wanderer.

Humingi ka kay God ng pancake.

Pero makalipas ang ilang sandali, walang dumating.

Hihiling ka ulit.

Pero wala pa ring pancake.

Nasa kusina ka lang. Tapos may nakita kang itlog. Sabi mo, hindi yan yung hinihiling mo. Medyo nagtatampo ka na. Tumingin ka pa sa paligid at may nakita kang flour. Nainis ka na this time kasi anong gagawin mo diyan? Hindi naman yan pancake. Umikot ka pa sa buong kusina at may nakita kang butter, posporo, kalan, pinggan, kawali at tinidor.

Pero hanggang ngayon, galit ka pa rin.

Limang taon ko na sa Manila International Book Fair. Naalala ko pa noong unang book signing ko. Almost 30 lang ang pumunta, 70% pa non ay mga kamag-anak at kaibigan ko. Ayos lang. Ganon naman siguro talaga. After that event, hindi na ako nagkabooksigning. Hindi na rin kasi nabenta yong una kong libro kaya nagdecide ako na iwan na lang ang pangarap kong pagsusulat at magtrabaho na lang sa isang private company. At dahil punong puno ng surprises at plottwist si God. Yung isa sa mga bumili ng una kong libro ay OJT sa VIVA. Dinala niya yung book ko sa opisina at nakita ng mga boss don. Binasa nila at nagustuhan, after that, kinontact nila ako at inofferan ng movie deals and publishing contract… and the rest is history.

Lesson learned? May timing si God. 2009 ako nagsimulang magsulat. 2013 ako nagkalibro under VIVA. 2015 ako nagka-movie under VIVA and StarCinema. 2018 nasundan ang pelikula. At ngayong taon, magiging 7 na ang libro ko.

NEVER GIVE UP.

At minsan nga, kapag nag-give up tayo, doon papasok si God. At kapag pumasok siya sa buhay mo, grab mo na ang kamay Niya.