Blanka

المُريب في أمرك أنني بعد ان كنت استيقظ متلهفةً لصباح الخير منك أصبحت استيقظ علي غُصة في قلبي لانك كنت اول شي في يومي .. كُل شيءٍ في يومي والله!

يكون فيه من فرطِ الحُزن

وقبل كده اعتذرت عن احساسي ده وقلتلك لو انا clingy قوللي وهاسكت .. بس مردتش!

بس بجد معرفش ليه ده بيحصل

‏وَلَم يَكُ عَن رِضايَ وَلا رِضاكَ

‏فَلَيتَكَ لَو بَقيتَ لِضُعفِ حالي

‏وَكانَ الناسُ كُلُّهُمُ فِداكَ

‏يَعِزُّ عَلَيَّ حينَ أُديرُ عَيني

‏أُفَتِّشُ في مَكانِكَ لا أَراكَ

المَرَامٌ : المَطْلَبُ

انا شخص غامض ، مبتكلمش كتير افعالة مثيرة للشك ، شخص مفاجئ كل يوم بتكتشفي فيه حاجة جديدة وده بيسببلك مشكلة ، قلبك حبني وحب كلامي الحلو القليل..

بس لعنة الخوف يا مريم ، انا مش بعتب عليكي عشان خايفة طول ما انتي خايفة طول ما انا حاجة غالية عندك ، مفيش حد بيخاف علي حاجة مش مهمة عنده..

مش كفاية الدبلة اللي ف ايدك ، ومش كفاية الوعد اللي وعدتهولك ، من امتي الدبلة كانت ضمان للبقاء ومن امتي الوعود كانت بتتنفذ..

بصي حواليكي هتلاقي كل التجارب اللي شبهنا بتنتهي نهايات بشعه ، بصي ع العالم بعين واقعية بصي كام قضية بتسجلها محكمة الاسرة يوميا لاتنين بيحبوا بعض ..

كل دول وصلوا لهنا عشان بطلوا يخافوا علي وجود بعض ، الحب مالوش ضمانات ولا قسيمة الجواز حتي كمان دليل علي اني هفضل احبك طول عمري ..

حبيتك لية ؟ ..تفتكري عشان شخصيتك وطموحك والكلام العبيط ده ، كلام روايات يا مريم ، انا زيي زي اي واحد جرس الجواز ضرب عنده وكان لازم يتجوز ..

واختارتك عشان جميلة ومتربية وعشرة عمر لاختي ، وطبعا كنت واثق اني اختي مش هتضرني بانها ترشحلي واحده مش كويسة..

احنا اختارنا بعض مش عشان حبينا بعض ، احنا اتقينا ربنا طول حياتنا انا اتقيت ربنا ف بنات الناس وانتي اتقيتي ربنا ف اهلك ومخذلتهومش ..

الحب اللي بنا مش ملوث وبلاش خرافة جواز الصالونات دي تأثر عليكي بدليل انك اهوه حبتيني بدون مانمشي سنين مع بعض ونروح ونيجي ونخرج ، حبتيني ف كام شهر حبتيني وانا خطيبك ..

بس خايفة ، وانا معنديش ضمانات عشان اطمنك ومش هعشمك بوعود مضمنش احققها ، خليني اعمل اللي اقدر اعمله من غير ما اقولك عليه من قبلها..

انا لايمكن اكسر فرحتك ف يوم ، ولا اني اسيبك تبقي محتاجة كلمة تطيبي بيها خاطرك وماقولهاش ، الحياة ابسط من اننا نتعامل مع بعض بضمانات ..

لو لسة خايفة اني امشي احب اطمنك اني عمري ما همشي ، زي ما انا خايف انك تمشي او تبطلي تحبيني ف هفضل طول عمري اقدم اللي يخليكي متمشيش او تبطلي تحبيني..

احنا بنخاف من ربنا وبنحبه ، وانا بخاف من بعدك وبحب وجودك ..