Stories Mother Never Told Me

Ac totidem sensus animae putat esse fenestras, Externos vulgus, qui tum bona tum mala menti Insinuant, operum veluti distinctio quinis Aptata est digitis, unde et fas omne nefasque est.

Mundi mobilis archetypus constat non tantum ex quinque figuris regularibus, quibus curricula planetarum et cursorum numerus definitur, sed etiam ex proportione harmonicis, quibus cursu ipsi ad quandam veluti musicae caelestis ideam seu consensus harmonici sex vocum attemperandi fuerunt.

Omnis numerorum nobilitas quam praecipue admiratur theologia Pythagorica, rebusque divinis comparat, est primitus a geometria… Non enim ideo numerabiles fiunt anguli figurae, quia praecessit conceptus illius numeri, sed ideo sequitur conceptus numeri, quia res geometricae habent illam multiplicitatem in se, existentes ipse numerus numeratus.

Desinamus igitur super coelestia et incorporea, plus quam Deus nobis relevavit scrutari. Haec sunt intra captum judicii humani, haec nos scire Deus voluit, dum ad suam nos imaginem condidit, ut in consortium earumdem secum ratiocinationum veniremus. Quid enim est in mente hominis praeter numeros et quantitates ? Haec sola recte percipimus, et si pie dici potest, eodem cognitionis genere cum Deo, quantum quidem in hac mortalitate de iis percipimus.

Quaero an unquam audiveris vel legeris fuisse aliquem, qui rationem dispositionis planetarum iniverit ? Creator nihil temere sumpsit. Erit igitur causa cur [Saturne] duplo fere altior sit jove, [Mars] paulo plus Terra, et haec Venere, Jupiter vero plus triplo quam Mars. Idem de motuum proportione dictum volo.

Scopus meus hic est, ut Coelestem machinam dicam non esse instar divini animalis, sed instar horologii (qui horologium credit esse animatum, is gloriam artificis tribuit operi) ut in qua pene omnis motuum varietas ab una simplicimi vi magnetica corporali, uti in horologio motus omnes a simplicissimo pondere. Et doceo hanc rationem physicam sub numeros et geometriam vocare.

Trado enim una philosophiam seu physicam Caelestem pro Theologia caelesti, seu Metaphysica Aristotelis… In qua physica simul novam Arithmeticam doceo, computandi non ex circulis sed ex facultatibus naturalis et magneticis.

Nunquam Newtonus principia Philosophiae naturalis scripsisset, nisi Keplerianos maximos conatus circa clarissimos sui libri locos, multum diuque considerasset.