من كتر الحزن اللي في قلبي مش حاسة بأي حاجة

حمايا العزيز كان مشغل أم كلثوم ف قلتله يااه يا عمو أنا من ساعة ما خلفت نفسي أسمع أم كلثوم زي زمان ومش عارفة بسبب الولاد.. خمس دقايق بالظبط وكان مشغل لنا أم كلثوم ووراها نجاة وبيحاول يعرف ليلى على نجاة بس ليلى ماحبتش الموضوع طبعاً

شفت فيلم دخل الربيع يضحك ومش ممكن الجمال مش ممكن.. كان المفروض أشوف الفيلم ده في السينما بجد

جبت زرع وكل ما يخص الزرع والبيت والبلكونة بقوا أخضر بالأخضر.. والأيدي الناعمة مبسوطة إنها بتنقل الطين والنباتات علشان يكبروا وزي كأنهم أولادي بجددد

نبقى قاعدين في أمان الله لحد ما فجأة أنا وماما نفتكر أو نتريق على حاجة ونضحك ونجيب ناس تضحك

ألفين سنة ويفضل كلامي جميل

بعد ما خلصت بكاء مع عم زكي في عين سحرية.. اتفرجت على فيلم hamnet وبجد كان بقالي كتير ماشوفتش فيلم حلو كده.. بس بقى المرة دي ماكانش بكاء بس كنت ببكي وانا بقول لا لا مش قادرة اكمل ووقفت الفيلم فعلا وكملته تاني يوم..

ماذا يفعل الإنسان التعبان اللي مش قادر يقوم من السرير بس لازم يقوم من السرير يأكل أطفاله وياخد باله منهم وهو عايز اللي ياخد باله منه اصلاً..

حنين حنين حنين

بتفرج اليومين دول على عين سحرية.. وصلت الحلقة ٧ وقررت أشوف كل حلقة على فترات علشان مش متخيلة انه ممكن يخلص ومااشوفش عم زكي وعادل تاني

النهاردة مسكت نفسي اني ماردش على اي حد بيتصل غير اخواتي لاني كل دقيقتين بعيط وماكنتش حابة أنهار غير مع اخواتي..