منديلي المعقود

“عجيب جداً اعتبار بذل الجهد والصبر في أي علاقة هو حالة عرضية ستزول بزوال أسبابها. والكل يمارس طقوس تنظيرية عليك عندما يجدونك تبذل جهداً في سبيل من تحب. وكأنه الحياة والعلاقات والحب، هي مجرد الحلقة الأخيرة من مسلسل تافه غرضه إسعادك!”

“بما إنه احنا كائنات اجتماعية، فطبيعي إنه نحب نشارك حياتنا مع الكائنات الاجتماعية الي حولينا. كأنها غريزة، الفرحة بتكبر، الحزن بيهدى، الغضب بيولع، الجنون بيتضخم، وهيك. تطور للمشاعر المرتبطة بالأحداث بمجرد ما نشاركها. والبني آدم بعد عدد متوسط من المرات من مشاركة الأحداث الخاصة فيه بأيا دائرة أياً كان قُطرها، بيتكون عنده حذر. وهذا الحذر يا بيتبناه الوعي، وبتحول لنضج بفلتر شو لازم نحكي، ولمين، و وين، وشو الوقت. وأهم سؤال شو/مين الخاص والعام. أو هذا الحذر، بيتحول لخوف، وبيظهر بصيغ تبرير للفعل، أو تشكيك في رد فعل المحيط، أو حتى مراجعات ونقد ذاتي من مستوى الوحش. وبتوقع أوسخ تجلي للحذر، إنه يصير قوة عين، بمعنى، أنا بدي أحكي، وبدكم تعطوني رد الفعل الي بدي اياه، شاركوني فرحتي، بس لا تحسدوني. ازعلو معي بس ما تشمتو. وعليها وقيسوا يا أفاضل آخر نوع، حبايب قلبي، دواهم البلوك. أو دواهم البلوك ليضلو حبايب قلبي.”

في وصف دقيق ومُبهر عن الخير والشر يقول الكاتب البرتغالي أفونسو كروش:

في وصف دقيق ومُبهر عن الخير والشر يقول الكاتب البرتغالي أفونسو كروش:

“العلاقات في عمومها وسيلة نكتشف بمساعدتها أنفسنا، الآخر الذي يعمل كمرآة -بغض النظر عن نزاهتها- سنتعرف من خلال انفعالاته و ردود أفعاله على ذاتنا. الحب باعتباره يحمل القدر الأكبر من الحساسية والعمق، أعتقد أنه أقوى العلاقات الكاشفة. المشكلة أن مرآة الحب لا تعكس ما يسقط عليها فقط، بل تقوم بتكبيره على الدوام. لذا فالمردود هو انفعال مُكثف لدرجة مُتعبة بالغالب. الحل؟ الثقة أولاً، ثم الحب. أن تكون المرآة محل ثقة، ثم أن نمتلك النضج الكافي لتقييم الصورة واختيار أخذها بعين الاعتبار أو تجاهلها. المشكلة الأخرى أن بدايات الحب البهلوانية مزدحمة بالصور الإيجابية الفوق الطبيعية، وهذا هو سبب نفشة صدرهم هداهم الله. و هذه حلها الوحيد، الوقت، مفاجآت الوقت على وجه التحديد.”

“نوفمبر مربوط بـ لازمة إنه سويت نوفمبر إحالة عالفيلم الي ما حضرته لسا، واحتمال ما أحضره لإنه مثل ما فهمت إنه هو ولا سويت ولا حاجة. المهم، كان بالغالب نوفمبري هو الفترة الي بتيجي فيها امتحانات السيكند وما بعدها، والسيكند وما بعدها يا سادة هي المرحلة الي بتتشكل فيها جُمل من نوعية هنعوضها بالفاينل، وحسابات مُعقدة من الجمع والقسمة وأحلام الكيرفات ليوصل كل منا لمراده، من الجماعة مهاوييس ال الإيييز لـ مساكين ال دييز، وأنا ولله الحمد جربت أكون مع الجماعتين القصد، إنه نوفمبر كان مؤشرات الحصاد، اللمحة عن الأشياء كما يجب أن تصير. هاد الـ نوفمبر ما فيه علامات ولا ورقة ولا قلم! فيه مسؤوليات جديدة وغريبة! شوي بحسها عكتفي وتقيلة، و شوي بترفرف جوا قلبي كأنها ولا شي و أنا بين الحالتين بحس بأكثر صور الحياة واقعية، إنه طعم الدنيا الزاكي بينسرق سرقة. وشكله بستاهل يا جماعة.”

ومن البديهيات كمان، إنه لا وجود للشخص الي بضرب بالمندل وبعرفك بدون ما تكون إنت معطيه مساحة يعرفك ويكتشفك، خيارك الشخصي في إنه تقرب حدا بتعتقد انه بستحق هالقرب هو الي بخليه يعرفك، الحكي عن علاقات فيها بلورات سحرية وتكهنات وسوبر باورز هو ضرب من الهبل. والله أعلم!

بما إنه احنا كائنات اجتماعية، فطبيعي إنه نحب نشارك حياتنا مع الكائنات الاجتماعية الي حولينا. كأنها غريزة، الفرحة بتكبر، الحزن بيهدى، الغضب بيولع، الجنون بيتضخم، وهيك. تطور للمشاعر المرتبطة بالأحداث بمجرد ما نشاركها. والبني آدم بعد عدد متوسط من المرات من مشاركة الأحداث الخاصة فيه بأيا دائرة أياً كان قُطرها، بيتكون عنده حذر. وهذا الحذر يا بيتبناه الوعي، وبتحول لنضج بفلتر شو لازم نحكي، ولمين، و وين، وشو الوقت. وأهم سؤال شو/مين الخاص والعام. أو هذا الحذر، بيتحول لخوف، وبيظهر بصيغ تبرير للفعل، أو تشكيك في رد فعل المحيط، أو حتى مراجعات ونقد ذاتي من مستوى الوحش.  وبتوقع أوسخ تجلي للحذر، إنه يصير قوة عين، بمعنى، أنا بدي أحكي، وبدكم تعطوني رد الفعل الي بدي اياه، شاركوني فرحتي، بس لا تحسدوني. ازعلو معي بس ما تشمتو. وعليها وقيسوا يا أفاضل آخر نوع، حبايب قلبي، دواهم البلوك. أو دواهم البلوك ليضلو حبايب قلبي.